Nsaŋ 6:68 - BII BILA

⁶⁸ Mí Simɔn Piɛr mulul ndu aa: «Maalii, o nɛ̀ɛ̀ lo naa n kɔa yɛnin? Nɔm nɔ sɔɔn yoomu fɛɛn-fɛɛnndon ni.

Nsaŋ 6:68 Referans Kwoze

Condii lisai 73:25

Nɛ̀ɛ̀ celen ya nɔ yɛ o halataala le o nɔm kɔɔli? O nɔm kɔɔli, i yeema ɲɛ-ɲɛ celen o lɛŋnden coo le.

Nsaŋ 5:24

Mí Yeesu hiaw laci a nda dimullo aa: «I co niaa toɲaa dimul kpendekele, vana-vana tuei pɛ sɔɛi nii mò laalan vana vem ya-o, vana kon ndu sɔla cinda fɛɛn-fɛɛndo, o sɔla yaala le, kɛ o fula o piɔ́mndo nin, mó muungu yoomu.

Dɛnnda kiilaa 4:12

Cindaa sɔlan o vana celen nin te, kani o ceendo coo, diola kɛ́-kɛ̀ la yɔngun vanndacieea tɛɛn te, la naa n sɔla cindaa kɔɔli lan.»

Dɛnnda kiilaa 5:20

«La kɔ sim o Cɛi-Hala-o nin, mì la kɔ dimul vannda sɔɔn ke vana yoomu sɛnɛiyo-on kpow.»

Dɛnnda kiilaa 7:38

Telen vannda ndáà cuungian o lɛŋnde veselɛilen nin-ndo, ndu koni va vɛlɛ kiilalen mɛlɛkanɔ nda va suukanndo o pembei Sinai coo-o tɛɛn nda fuɲaa naa mamaa ni. Mí Moise sɔla sɔɔn yɔngu vana cindaa-on Hala o ba le naa mun tɛɛngullo.

Nsaŋ 6:63

Kɔl Hala-o ke vana yoomoo ni. Diallon nɛŋi mako kɛ́-kɛ̀ le. Kɔl Hala-o a yoomoo sɔɔn ya dimul niaa-on co ni.

Matie 16:16

Mí Simɔn Piɛr muli aa: «Nɔm co Krista ni, Po Hala kiyɛiyo.»

Nsaŋ 6:40

Hɛnan Fuɲa nuu co kon ni, maa vannda kpow a mulul Poo hɔlla, mà laalan ndu, mà sɔla cinda fɛɛn-fɛɛndo. Ya yɛ, i minginin nda yoomu fulaa vanvílɛ́iya tɛɛn o paale mɛɛlaa len.»

Nsaŋ 17:8

Kani i ke nda sɔɔn n ke ya-on, má cɛl mun. Má sina lekɛ́ndɛi maa o nɔm ndo ya fula ni, má bii bila maa nɔm vem ya ni.

Marke 8:29

Mó ɲuna nda aa: «Kɛ niaa yɛ, yɛɛ niaa co yɛ dimio le vana ya co-o?» Mí Piɛr mulul ndu aa: «Nɔm co Krista ni.»

Luke 9:20

Mó ɲuna nda aa: «Kɛ niaa yɛ niko, yɛɛ niaa co yɛ dimio le vana ya co-o?» Mí Piɛr muli aa: «Krista fula o Hala lo-o n co ni.»

Nsaŋ 12:49

Kani o co ya pila o ba le sɔɔn nun co fulaa le. Kɛ Pua vem ya-o, ndu pila dimul-la sɔɔn ya bɛnda le dimio-on a mɛɛ ya bɛnda le mun dimio yɛ ni.

Nsaŋ 12:50

Nduyɛ i sina maa sɔɔn ndɔn co cinda fɛɛn-fɛɛndo ni. Lelan sɔɔn ya co dimio-on, mɛɛ Pua vem ya mun dimio yɛ ya co mun dimio ni.»

Dɛnnda kiilaa 13:26

Puapilɛa nia, niaa fula o polale Abraham-nden nin, mí la nɔ siòòŋii Hala-e, mí la va naa tɛɛn nanu-a, naa Hala cuu sɔɛi cindɛi he ni.

Dɛnnda kiilaa 8:37

Mí Filipe dimul ndu aa: «Taa laalan pɛ a kɔl nɔmndo kpow, mɛɛ a nɔla mà sɔla yinɔɔ.» Mí langbanɔɔ muli aa: «I laalan maa Yeesu Krista co Po Hala-o ni.»