Telen ya va latulu a nda-o, i va vanaa n ke ya-a mandaa o diola nɔmndan. Mí handu nda hɔlten coo, o pilɛ bɛɛ laasian te, fɔ o sɔɛi ndɔɛi ndíì sɛvan maa o co laasian-ndo, haliko mi sɔɛi ndíì sɛvan ken-nde ndíì peelun.
Hɛnan Fuɲa nuu co kon ni, maa vannda kpow a mulul Poo hɔlla, mà laalan ndu, mà sɔla cinda fɛɛn-fɛɛndo. Ya yɛ, i minginin nda yoomu fulaa vanvílɛ́iya tɛɛn o paale mɛɛlaa len.»
Ya Yude, ya co vana baala Yeesu Krista-o apuapilɛ Nsaki-o-o pɛɛn. Ya co vanaa Hala veelu, mí ndu Pua Hala kaola nda, má va a mandaa le Yeesu Krista-a sɛvallo nuaa ni.
Te Kɔl vana tindi Yeesu fulaa vanvílɛ́iya tɛɛn-ndo co pɛ niaa nin, vana tindi Krista fulaa vanvílɛ́iya tɛɛn-ndo tosanin vɛlɛ mì dialun niaan vu-on muungu yoomu le Kɔl ndɔ co niaa nin-ndo.
Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»
Vana-vana tuu pɛ le nɔm diyɔɔ, o tiwnin ba le, kani Mɛlɛka Hala nɔmndo kandanin yoomu nɔmndo lɔ́ɔ́-lɔ́ɔ̀, mò manda nɔm ndu pila ikɛi. Kɛ nduyɛ, o viawnin yoomula yaamɔaa nɔmnda polon mɛɛ vana viaw ɲɔɔ a fáàndaa nuaa yɛ.
I handunin nda vanaa mandaa n'cɔlua kpeekpeiya coo. A vueinunnin nda le, a lueinin nda isiòòn te. O kɛ́-kɛ̀ laasian ndɛnin mò lo le.» Sɔɛi fula Mɛlɛka o sondo-e co ken ni.
Pua, i yeema mì vanaa n ke ya-a bɛɛ va naa ndaa latulu nɛɛ ya co-a, haliko ma mɛɛndian biilu nuu, o n ke ya-o pɛɛn, kani lɔ́ɔ́ pá mì ceendo cɔawnun, nɔm óò kaola nin ya.