Nsaŋ 6:32 - BII BILA

³² Mí Yeesu mulul nda aa: «I co niaa toɲaa dimul kpendekele, o co Moise le ke niaa ɲɛdiaa fula o halataala-o le, kɛ Fuɲa nuu ke niaa ɲɛdiaa kpeekpei fula o halataala-o ni.

Nsaŋ 6:32 Referans Kwoze

Nsaŋ 15:1

Mí Yeesu dimi aa: «Ya co rɛsɛn tumndo ni, Fuɲa nuu co vana nakɔɔ ni.

Nsaŋ 6:58

Ɲɛdiaa fula o halataala-o co kon ni. O co maa o fuɲaa niaa vi-a de-o le. Vana de pɛ ɲɛdiaa hoo, o vanin yoomu le fɛɛn a fɛɛn.»

Fulaa 16:4

O kon mí Mɛlɛka dimul Moise aa: «Tofa vɔ, i co niaa ɲɛdiaa tuisi coo fulaa o halataala. Vannda vanin fulaa lepalaa-lepala, mà va ndu cɔwviaa mɛɛ o tiw le paale len yɛ. I co vɔ nda tɔɔndan lende, haliko mi sina taa biinin silala nilan, te kon te taa biinin ndan te.

Kalatea 4:4

Kɛ telenndo tiiyaa, mí Hala viam Po ndɔɔ, o vanalanɔɔ velu-o, o velun o tɔŋndo bɛngu-o,

Nsaŋ 6:55

Kani balo kpeekpeiyo dialun nun co ni, ɲɛ kolaa kpeekpeiyo kooma nian ma co ni.

Nsaŋ 6:50

Kɛ vana de pɛ ɲɛdiaa fula o halataala-o, ndu vi le.

Nsaŋ 6:41

Mí Yuifia soaa sɔɔn pɔmbɔn a ndu le tùú o dimi maa ndu co ɲɛdiaa fula o halataala-o ni.

Nsaŋ 6:35

Mí Yeesu dimul nda aa: «Ya, ɲɛdiaa cindaa ya co ni. Vana hin pɛ o ya lo, yima nɛi ndu lɔ́ɔ́-lɔ́ɔ̀ le, vana laalan ya pɛ, kolɔɔ bii ndu lɔ́ɔ́-lɔ́ɔ̀ le.

Nsaŋ 6:33

Kani ɲɛdiaa Hala-o, ndu co o fula o halataala mó ke ceendo cindaa-o ni.»

Nsaŋ 1:9

Ɲɛ-tengaa kpeekpeiyo o va ni, le vanndacieea kpow teengiaa o hin o ceendo coo ni.

Condii lisai 78:23

O kon kɔɔli, mí Hala dimul yumbuyumboo, mó kumbi diolan o halataalaa.

Fulaa 16:8

Mí Moise dimi aa: «La canin biilu ndɔɔ telen ndu Mɛlɛka yɔngunin niaa cɔɛllɛn vision le dioo-o, telen o yɔngunin vɛlɛ niaa ɲɛdiaa taw-taw siɔdii-o. Kani Mɛlɛka tuei sɔɔn pɔmbɔn niaa soo a ndu-on. Naa naa, yɛɛ naa n co yɛ? O co a naa le niaa soo sɔɔn pɔmbɔn te, kɛ a Mɛlɛka pila.»

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Nsaŋ 6:31

Fuɲaa naa de mane o lɛŋnde veselɛilen nin, maa mɛɛ o co o sɛvaa yɛ aa: ‹O ke nda ɲɛdiaa fula o halataala-o.› »