Nsaŋ 6:27 - BII BILA

²⁷ La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Nsaŋ 6:27 Referans Kwoze

Kolɔsea 3:2

La handu kɔllo o ɲɛm co o halataala-on coo, la yiyan mun lɛŋ coo le.

Esai 55:2

Le yɛɛ nɛ niaa co yɛ volion pisio le ɲɛdiaa nɔ tɔnɔ loo, mì la va sangaa le ɲɛ pimi vana loo? La yaŋ ya nilan, la yaŋnun, o kon la dianin ɲɛm yeelɛiyon, ɲɔɔ hɛnannin niaa le ɲɛm dian naŋ-ndon dioo.

Nsaŋ 6:54

Vana de pɛ dialun nun, mò kol kooma nian, ndu sɔla cinda fɛɛn-fɛɛndo. O kon, i tindinin ndu fulaa vanvílɛ́iya tɛɛn o paale mɛɛlaa len.

2Timote 2:19

Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»

Nsaŋ 6:40

Hɛnan Fuɲa nuu co kon ni, maa vannda kpow a mulul Poo hɔlla, mà laalan ndu, mà sɔla cinda fɛɛn-fɛɛndo. Ya yɛ, i minginin nda yoomu fulaa vanvílɛ́iya tɛɛn o paale mɛɛlaa len.»

Rɔmnda 6:23

Kani sala hakio co piɔ́mndo ni, kɛ ɲɛ Hala ke vana fondo fúú-o, ndu co yoomu fɛɛn-fɛɛndo o Yeesu Krista nin ni, Maalii naa.

Nsaŋ 10:28

I yɔngu nda yoomu fɛɛn-fɛɛndo. A vinin lɔ́ɔ́-lɔ́ɔ̀ le, nduyɛ vana-vana solinin nda ya o ba le.

Nsaŋ 6:51

Ya, ya co ɲɛdiaa kiyɛi tol fulaa o halataala-o ni. Te vanndo de pɛ ɲɛdiaa kon, o vanin yoomu le fɛɛn a fɛɛn. Ɲɛdiaa ya yɔngunin-ndo, ndu co dialun nun ni, haliko mi ceendo va yoomu.»

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

Nsaŋ 17:2

maa mɛɛ n ke ndu kpaayaa ɲɔɔn kpow coo yɛ, haliko mo ke vanaa n ke ndu-a kpow yoomu fɛɛn-fɛɛndo.

Matie 6:19

«La cúúngiaa bolofaa o ceendo coo le. Kani o ceendo coo, o nɔla mò sɔva, kaangoa nɔla vɛlɛ mà tɛɛmbuu ndu, te kon te mì vuiya yem dioo, mà ciimbuu ndu.

Nsaŋ 6:58

Ɲɛdiaa fula o halataala-o co kon ni. O co maa o fuɲaa niaa vi-a de-o le. Vana de pɛ ɲɛdiaa hoo, o vanin yoomu le fɛɛn a fɛɛn.»

2Piɛr 1:17

Kani o sɔla bɛɛlen a biiloo Hala Fuɲaa o ba, telen o tuei diomndo fulaa o biilu bɛndu Hala-o nin, mó dimul ndu-o aa: «Po ni ya kaola taw-vo co hoo ni, o ya hɛli a kɔl nuu kpow-vo!»

Filipea 2:13

Kani Hala co tosaa ni mì la va hɛnan ndɔɔ tosaa mɛɛ tuu ndɔɔ co yɛ.

Yeremi 15:16

Mí candu sɔɔn nɔmndon, o kon mí dia mun. N co ya kɔllo nɛŋio, kani le nɔm ya co ni, nɔm Mɛlɛka, Hala-Nɔ-Kpaayaa-Kpow-vo.

Vana Kɔlkaloo 6:7

Le yeemɛi ndɔɛi peeloo daama vanacieo tosa baalaa nuaa ni, kɛ o hini kɔl lɔ́ɔ́-lɔ́ɔ̀ le.

1Piɛr 1:24

Kani o co o sɛvaa aa: «Maa bil vanaciee kɛ́-kɛ̀ co ni, mì biilu ndaa kpow va maa peengela fula yondoo nin-ndan. Billo vesa pɛ, peengoo del.»

Luke 3:22

mí Hala Kɔl-Diandaa toal ndu coo maa kangbo. Mí diomndo fula o halataala aa: «Po ni ya kaola taw-vo n co ni, a hɛnan ya.»

1Tesalonikea 1:3

Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.

Kolɔsea 1:29

Lelan ya co baalaa ni, mì co kindinndo a kpaaya fula Krista niŋ, mò va ya vallo niŋ-ndo.

Nsaŋ 3:33

Vana-vana cɛl pɛ seile ndɔlen, ndu cɔm maa toɲaa Hala co ni,

Dɛnnda kiilaa 2:22

Niaa Israɛlla, puapilɛa nia, la yaŋ nilan o sɔɔn mun! Yeesu fula Nasarɛt-o, langbanɔ kon Hala cɛl ndu niaa tɛɛn o dɛnnda kaamaalan nin, o dɛnnda kɔndɔfiltan nin a o tɔɔmaselela o va tosaa niaa tɛɛn-ndan nin, maa mɛɛ niaa sina kon válán yɛ.

Nsaŋ 6:68

Mí Simɔn Piɛr mulul ndu aa: «Maalii, o nɛ̀ɛ̀ lo naa n kɔa yɛnin? Nɔm nɔ sɔɔn yoomu fɛɛn-fɛɛnndon ni.

Luke 9:35

Mí diomndo pum fula o yumbuyumbu kon nin, mó dimi aa: «Po ni ya hɛli-o co hoo ni. La tuei ndu diom.»

Condii lisai 40:7

Ɲɛ nɛŋì nɔm kɔllo-o, o co sálàla n'cɔlu le, o co sálàla kpeyan te. O co sálàla loamaa n ɲuna le, o co vɛlɛ sálàá le hakio sɔlaa malɔɔ le. A kumbi ya nilan mí bii ndi bila.

Condii lisai 2:7

I yondanin sɔɛi Mɛlɛka kelu-e kpélén. O dimul-la aa: «Nɔm co po nuu ni. Kandɔɔ hau, ya co fuɲa nɔm ni.

Hebreea 12:16

La caa taw! Màá vana-vana va niaa tɛɛn vana laasianndo mò kɛɛ ɲɛm Hala-on yii luɛyɔɔ maa Esau le, kani le ɲɛdiaa dio lepilɔɔ kpé, mó pisi fonda ndɔ ikaasonyaa.

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

Hebreea 4:11

Lelan n kindikindin le luɛyɔɔ o pɛngi kon nin, haliko vana-vana del mò bumba le luɛyɔɔ maa fuɲaa naa mamaa lɔ́ɔ́ kon te.

Kolɔsea 2:22

Lan kpow, dɛnnda co hunɔɔ lo o ɲánndávàà le mako vana solin a lan-ndo la co lan ni. Silalan a pɛɛkula vanndacieea la co lan ni.

1Korɛntea 9:2

Hali mì vanaa celen a ci ya maa kiila le, kɛ le niaa niaa, kiilaa ya co ni. Kani niaa co tɔɔmasele kiilale nilen o Maalii nin ni.

1Korɛntea 6:13

La co vɛlɛ dimio aa: «Le ɲɛm dian demboo co ni, mì demboo ndu va le ɲɛm dian.» Kɛ nduyɛ, Hala tɛɛmbuunin ndan tan tiɔn kpow. Diallon n co le suunda le, le Mɛlɛka n co ni, mì Mɛlɛka ndu va le diallon.

Rɔmnda 4:11

Tooma Abraham dii-o, tɔɔmasele dɛnɛ sandaa o yɔŋnun le ndu ni. Ndóò dii-yɔ bɛɛ tooma kon te, mó sɔla dío le laalanndo. Lelan o co vɛlɛ fuɲaa vanaa laalannda kpow ni, hali a dii tooma le-a, haliko mi Hala cɛl nda maa vanaa sandaa.

Nsaŋ 15:24

Te yáà tosá dɛnnda vana celen nɔ̀la tosà le lan nda tɛɛn te, ndáà nɔ nin haki le. Kɛ nihau, a ce lan, o kon má kɛɛ ya naa Fuɲa nuu.

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Nsaŋ 11:42

Ya, i sínà maa a co ya mulullo lɔ́ɔ́-lɔ́ɔ̀, kɛ le sɛ́lɛ́ sim hoo nan-ndo ya co sɔɛi nuaa ni, haliko ma sina maa nɔm vem ya ni.»

Nsaŋ 8:18

Ya, i co seilen timbio a ya pila o kɔɔ, mì Pua vem ya-o va seilen timbio a ya o kɔɔ.»

Marke 9:7

Mí yumbuyumboo toal, mó kumbu nda, mí diomndo fula o yumbuyumbu kon nin aa: «Po ni ya kaola taw-vo co hoo ni, la yaŋ ndu nilan.»

Marke 1:11

Mí diomndo fula o halataala aa: «Po ni ya kaola taw-vo n co ni, a hɛnan ya taw.»

Matie 17:5

O lo sɔɛi, mí yumbuyumbu ɲɛ-tengaa pum kumbu nda. Mí diomndo pum soaa o yumbuyumbu kon nin aa: «Po ni ya kaola taw-vo co hoo ni, o ya hɛli a kɔlkɛndɔɔ-o. La bíí ndu diom.»

Matie 3:17

Mí diomndo fula o halataala aa: «Po ni ya kaola taw-vo co hoo ni, o ya hɛli a kɔl nuu kpow-vo.»

Esai 42:1

Tofa vɔ vana ni baalaa, o ya co ikɛi le ndu malaa-o. Ndu co vana ya hɛli-o ni, o ndu nin kɔl nuu dɔawnun ɲaale ni. I tuisi ndu kɔl nuu coo, o pɛɛkunin vanaa-mangalaa-isɔɔa dɛnɛ sandaa.

Nsaki 1:11

Kani paalen le fula pɛ, hangul tuw-tuwvo nin, billo simbulun. Fúlan la deli, naŋɔɔ ndɔɔ tambu. Lende koni vana bolofaa bɛɛ hiawnin a dɛnnda ndɔlan ni.

2Korɛntea 4:18

Lelan, o co ɲɛm naa n co mun cɔw-von te naa n co tofa le, kɛ ɲɛm vana ci loon. Kani ɲɛm vana ca-on mun, le telen bingi koni n co ni, kɛ n vana ci loon mun co le lɔ́ɔ́-lɔ́ɔ̀.

Matie 8:20

Mí Yeesu mulul ndu aa: «Kàá nɔ buulula nda lɔl nin-ndan, yovaa co kelaa coocoo-a bɛɛ a nɔ vɛɛnde, kɛ Po vanacieo ndu nɔ bɛɛ nɛɛ yambaa lebol te.»

Habakuk 2:13

Lelan Mɛlɛka-Nɔ-Kpaayaa-Kpow-vo co tosaa ni mì ɲɛ-sɔlaa vannda co ŋɔu o yin, mì vanaa bɔɔ-bɔɔ va sanga fondoo fúú.

Talelan 9:5

«La hun dio ɲɛdiaa nuu, mì la kol mɔima ya toosiaa-an!

Matie 25:46

Vanaa kan nda nda, dɛnɛ palaa fɛɛn-fɛɛndo toalnin nda coo, kɛ vanaa sandaa kɔanin o yoomu fɛɛn-fɛɛndo nin.»

Nsaŋ 3:15

haliko vana-vana laalan ndu pɛ, o sɔla cinda fɛɛn-fɛɛndo.

Nsaŋ 6:47

I co niaa toɲaa dimul kpendekele, vana laalan pɛ, ndu sɔla cinda fɛɛn-fɛɛndo.

Nsaŋ 6:53

Mí Yeesu dimul nda aa: «I co niaa toɲaa dimul kpendekele, te la di dialun Po vanacieo, mì la kol kooma ndɔan te, mɛɛ yoomu venin niaa nin te.

Nsaŋ 6:62

Te la hun cɔ yɛ pɛ niko Po vanacieo helɔɔ nɛɛ o va o tasendɔ-a, vɛ̀ɛ̀ niaa dimi yɛnin?

Tɔŋ miingua 30:13

Ó co o mɛmma ihɛllan leeloo le, yɔŋii vana dimi aa: ‹Nɛ̀ɛ́ taŋ yɛnin o mɛmma ihɛllan leeloo mò kɔ cuu naa ndu, haliko mi n tuei ndu, mì n kela lecoo?›