Nsaŋ 6:14 - BII BILA

¹⁴ Vanaa kan cɔu dɛnɛ kaamaa Yeesu tosa kon-ndo, má dimi aa: «Vana-tɛɛngaa-diom Hala bɛnda le hunɔɔ o ceendo coo-o kpeekpei co hoo ni.»

Nsaŋ 6:14 Referans Kwoze

Matie 21:11

Mí sɛ́lɔ́ɔ́ va mulio aa: «Yeesu ni, vana-tɛɛngaa-diom Hala-o, o fula Nasarɛt o tàndá Kalile-o nin-ndo!»

Dɛnnda kiilaa 7:37

Moise kon dimul vɛlɛ Israɛlla ni aa: ‹Hala vimnin niaa vana-tɛɛngaa-diom Hala-o, o co maa ya-o, fulaa o puapilɛa nia tɛɛn.›

Matie 11:3

«Mò va maa nɔm co vana naa n tuei tɔ́ɔ́ le hunɔɔ-o ni, baa o bɛnda mì n cum vana celen?»

Nsaŋ 7:40

Sɛ́lɛ́ va lon-ndo ciiyo sɔɔn o va dimio-on tueyɔɔ, má va dimio aa: «Vana-tɛɛngaa-diom Hala-o kpeekpei langbanɔɔ ho co ni.»

Nsaŋ 1:21

Má ɲuna ndu aa: «Nɛ̀ɛ́ n co yɛ? Mò va maa Elii n co ni?» Mó dimi aa: «I co Elii le.» Má ɲuna ndu aa: «Mò va maa vana-tɛɛngaa-diom Hala naa n co cumndo-o ni?» Mó muli aa: «Ɛ-ɛ!»

Nsaŋ 4:19

Mí vuɛɛndo dimi aa: «Maalii, i ce maa vana-tɛɛngaa-diom Hala-o n co ni.

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

Nsaŋ 4:42

má va cuaa dimullo aa: «O co lɛ le ɲɛ n dimul naa-o le naa n laalan te, kani naa pila n tuei, nduyɛ n sina maa ndu co Vana ciindiaa ceendo lekɛ́ndɛi ni.»

Nsaŋ 4:25

Mí vuɛɛndo dimul ndu aa: «I sina maa vana Mɛlɛka hɛli-o co hunɔɔ, Krista pɛɛn. Telen o hunnin-ndo, o tɛɛsialnin naa dɛnndan kpow.»

Luke 24:19

Mí Yeesu ɲuna nda aa: «Dɛnnda yɛɛ nɛ lan?» Má mulul ndu aa: «Ɲɛ yɔŋnun Yeesu fula Nasarɛt-o pɛɛn, o yɔŋnun Vana-tɛɛngaa-diom Hala kpaayaa-o, o cɔm kon o dɛnnda o tosa lan nin a sɔɔn o va dimi-on nin Hala o hɔl a vannda kpow o hɔl.

Luke 7:16

Mí siòònde bii vannda kpow, má mel Hala balika, má dimi aa: «Vana-tɛɛngaa-diom Hala kaamaa hin o naa lo», má dimi vɛlɛ aa: «Hala hin vanaa ndɔa mala!»

Nsaŋ 2:11

Dɛnɛ Yeesu tosa kon Kana o tàndá Kalile-o nin-ndo yɔŋnun kaamaa ndɔ tasoo ni. Mó cɔm biilu ndɔɔ, o kon mí kaandeŋaa ndɔa laalan ndu.

Nsaŋ 6:2

Mí sɛ́lɛ́ bɛndoo del ndu kɔɔli le singi kaamaa o va vanaa lanàá-o.

Nsaŋ 6:26

Mí Yeesu mulul nda aa: «I co niaa toɲaa dimul kpendekele, o co le kaamaala niaa ce lan te niaa co ya nuwviaa le, kɛ le bulu niaa de mí la pum-ndo.

Nsaŋ 6:30

Má ɲuna ndu aa: «Ɔ́ɔ̀ dɛnɛ kaamaa n co tosa haliko mi n ce mi n laalan nɔm-ndo? Ɔ́ɔ̀ dɛnɛ n co tosa-o!

Nsaŋ 11:27

Mí Marte muli aa: «Oi Maalii, i laalan maa nɔm co Krista ni, Po Hala-o pɛɛn, óò bɛnda le hunɔɔ o ceendo nin-ndo.»