Nsaŋ 5:40 - BII BILA

⁴⁰ Nduyɛ, la yeema mì la hin o ya lo le cindaa sɔlaa le.

Nsaŋ 5:40 Referans Kwoze

Nsaŋ 3:19

Yamɛi ken co yɛ hee ni: Ɲɛ-tengaa hin o ceendo coo, mí vanndacieea kaola ɲumndan hiovɔɔ ɲɛ-tengaa coo, kani dɛnnda ndalan la niŋ te.

Nsaŋ 1:11

Mó hun o vanaa ndɔa lo, kɛ vanaa ndɔa cɛl ndu le.

Nsaŋ 6:37

Vanaa kɛ́-kɛ̀ Pua ke ya pɛ, nda hunnin o ya lo, i solinin vɛlɛ vana hin o ya lo-o o dio le,

Matie 23:37

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

Dɛnnda cɔɔmuanndan 22:17

Mí Kɔl Hala-o a lanɔɔ Saa téndóó va dimio aa: «Hun!». Vana tuei pɛ ndu bɛɛ veelu aa: «Hun!». Vana kolɔɔ bii pɛ, o hun. Vana yeema pɛ, o hun kɔndu mɛmma yooman, o co a vɔngu le.

Rɔmnda 6:23

Kani sala hakio co piɔ́mndo ni, kɛ ɲɛ Hala ke vana fondo fúú-o, ndu co yoomu fɛɛn-fɛɛndo o Yeesu Krista nin ni, Maalii naa.

Nsaŋ 6:40

Hɛnan Fuɲa nuu co kon ni, maa vannda kpow a mulul Poo hɔlla, mà laalan ndu, mà sɔla cinda fɛɛn-fɛɛndo. Ya yɛ, i minginin nda yoomu fulaa vanvílɛ́iya tɛɛn o paale mɛɛlaa len.»

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Esai 50:2

Lɔ́ɔ́ ya hin-ndo, le kɔlɔ yɛɛ vana ve nanu le? Tuma ya veelu-o, le yɛɛ nɛ vana cɛl te? Mò va maa o bingi ba nuu co, mì bumba niaa baŋa ni? Vɛ̀ɛ̀ i nɔ yoomuma bɔɔ le baŋaa le? Tofa vɔ, i kɔngɔlan pɛ, i veeliaa mɛmma ihɛllan, i veeliaa peelan kokolo, suwva vi le kolɔɔ iyeemaa, a sɛ le mɛmma lepɛŋndan.

Esai 49:7

Mɛlɛka, vana baŋaa a O-Diandaa Israɛlla soo o vanaa nda pɛɛsa má ca nda ɲɛ fondoo-a lo, vanaa co cɛa vanaa kpaayaa-a pɛɛn, mó dimul nda aa: «Masaa canin niaa ma cɛn isisi, cuavaa lemasaa canin niaa ma baŋ vulan, le Mɛlɛka biiloo, o lo o lediom coo-o, le O-Diandaa Israɛlla, o hɛli niaa-o biiloo.

Condii lisai 81:11

Ya co Mɛlɛka ni, Hala niaa pɛɛn, ya soli niaa o lɛŋnde Esipte len nin ni. La kumbi sondola niaalan kumbio pila, mì pei lan cá.

Nsaŋ 5:44

Vɛ̀ɛ̀ niaa nɔla yɛnin laalanndo, la co niaa pila candanndo vellaa-velle, la co candɔɔla Hala lan kínɛí nuwviaa le?

Matie 22:3

Mó viam buɛyaa ndɔa le vanaa ndóò yoongu le ɲɛdiaa kon-nda kɔlan veeloo, kɛ vanaa kan a cɛl le hunɔɔ le.

Nsaŋ 5:39

La co O-Sɛvanndo yaasiaa ɲɛkɛndɛi, kani la yiyan maa lenin niaa sɔlanin cinda fɛɛn-fɛɛndo ni. O-sɛvan kon-ndo kpeekpei co seile nilen timbio ni.

Nsaŋ 5:41

O co candula vanndacieea le ya co kɔɔli le.

Nsaŋ 10:10

Le ciimbuuo, diwvo a tɛɛmbuuo daama vuiyo ndu hun ni. Ya ya, i hin haliko mi saa sɔla yoomoo, mà sɔla ndu taw-taw.