Nsaŋ 5:39 - BII BILA

³⁹ La co O-Sɛvanndo yaasiaa ɲɛkɛndɛi, kani la yiyan maa lenin niaa sɔlanin cinda fɛɛn-fɛɛndo ni. O-sɛvan kon-ndo kpeekpei co seile nilen timbio ni.

Nsaŋ 5:39 Referans Kwoze

Luke 24:27

O kon kɔɔli, mó tɛɛsial nda ɲɛ sɛvan kandɔɔ o sɛbɛla Moise lan nin-ndo, kɔlan a o sɛvan o sɛbɛla vanaa-tɛɛngaa-diom Hala-a nin a ndu o kɔɔ lan kpow.

Luke 24:44

O kon kɔɔli, mó dimul nda aa: «Telen naa n va vɔ naa niaa latulu-o, mí dimul niaa maa fɔ mì ɲɛ-ɲɛ co o sɛvaa a ya o kɔɔ o sɛbɛ tɔŋ Moise-o nin, o sɛbɛla vanaa-tɛɛngaa-diom Hala-a nin, a o sɛbɛ condii lisai nin kpow-vo ndóò peelun.»

Dɛnnda kiilaa 17:11

Mí Yuifia va Beeree-a bii nda ɲɛkɛndɛi hiovɔɔ biyɔɔ haa Tesalonike a bii nda-o coo. Má cɛl sɔɛi Hala-e a kɔlta ndalan kpede. Lepalaa-lepala, a va Sɛbɛ Hala-o yaasiaa le sinaa te toɲaa sɔɔn Pol va dimi-on co ni.

Matie 22:29

Mí Yeesu mulul nda aa: «O pɔwlan nin niaa co nuaa ni! Kani la bii ɲɛ co o sɛvaa o Sɛbɛ Hala-o nin-ndo bila le, la bii vɛlɛ kpaaya Hala-o bila le.

Esai 34:16

La nuwviaa o sɛbɛ Mɛlɛka-o nin mì la dimi ɲɛ co o sɛvaa-o. Visia kan kpow, o pilɛ bɛɛ lonin kɔɔli le, o pilɛ bɛɛ nuwviaanin caan ndɔ mo kɛɛ ndu cɔ le. Kani Mɛlɛka dimi ndi a sondo ndɔɔ le tosaa ni, kɔl ndɔɔ cuungiaanin nda ni.

Dɛnnda kiilaa 13:27

Vanaa va Yerusalɛm-nda a simlacia ndaa a sina Yeesu le, a bii sɔɔn vanaa-tɛɛngaa-diom Hala-a va nda dimullo o palɛi pɛngiaa yɛ́-yɛ́-i coo-on te. Kɛ má yaala Yeesu mɛɛ vanaa kan dimi yɛ le sɔɔn mun peeloo.

Nsaŋ 5:46

Kani te la laalan pɛ Moise, mɛɛ ya bɛɛ la laalannin ya, kani a ya o kɔɔ o sɛva ni.

Yeremi 8:9

Siɛmbulan la bii vanaa kɔlkalua, siòònde bii nda taw, a biinun o yaŋɔɔlen. Nda kelun sɔɛi Mɛlɛka-e yii ni. Ɔ́ɔ̀ niko kɔlkalu ndaa?

Rɔmnda 3:2

Tɔnɔɔ co o bɔɔ taw. O tasoo, nda sɔɔn Hala-on n yɔngun ni.

Marke 12:10

La ci vɔ sɔɛi he isɛvaa le aa: ‹Pow vanaa tangulaa cɛiya viow-vo, pow kon siŋnun pow lebollo ni?

Dɛnnda cɔɔmuanndan 19:10

Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.

Rɔmnda 1:2

Yoongu kɛndɛ kon Hala ndóò yii sindɛ kpemaa a sondo vanaa-tɛɛngaa-diom Hala-a o sɛbɛ ndɔ diandaa nin ni.

Dɛnnda kiilaa 26:27

Vɛ̀ɛ̀ lende le masaa Akripa? Vɛ̀ɛ̀ a laalan sɔɔn vanaa-tɛɛngaa-diom Hala-a dimi-on? I sinà maa a laalan.»

Nsaŋ 7:52

Má mulul ndu aa: «Mò va maa nɔm bɛɛ Kalile n fula ni? Yaasiaa ɲɛkɛndɛi, a canin maa vana-tɛɛngaa-diom Hala fula Kalile le.»

Nsaŋ 5:32

Kɛ vana celen co seilen timbio a ya o kɔɔ ni, nduyɛ i sina maa seile o co timbio a ya o kɔɔ len le co toɲa.

Condii lisai 36:9

A co nda pimio a ɲɛm fàngà-fángàn co o nɔm ndo cɛinin-ndon, a co nda koesio a pee nɔm ɲɛm kɛndɔɔ.

Tɔŋ miingua 18:18

I co nda vana-tɛɛngaa-diom Hala-o solul o puapilɛa ndaa tɛɛn maa nɔm Moise. I vownin sɔɔn nun ndu o sondo, mò tɛɛngul nda ɲɛ-ɲɛ ya dimulnin ndu le tosaa.

Tɔŋ miingua 18:15

O solinin vana-tɛɛngaa-diom Hala-o niaa tɛɛn maa ya Moise, o puapilɛa niaa tɛɛn o fulanin ni. Lelan, sɔɛi ndɔɛi niaa bɛnda le yaŋnɔnndo ni.

Nsaŋ 5:36

Nduyɛ ya, seile nilen le hiow polon a le Nsaŋ-nden, kani hali dɛnnda Pua cɛl-la le tosaa mì va lan tosaa lan bɛɛ la cɔm maa Pua vem ya ni.

Condii lisai 119:11

I mandannin sɔɛi nɔmnde ya o kɔl kpan yɔŋii ya cua hakio a nɔm.

Condii lisai 16:11

A cɔmnin ya nɛila ke vana yoomoo lan. Vana komal kɔlkɛndɔɔ taw nɔm o hɔl, ɲɛ yeelɛi fɛɛn-fɛɛndo co nɔm o ba kɛndɔɔ coo.

Luke 16:31

Mí Abraham dimul ndu aa: ‹Te a tui Moise a vanaa-tɛɛngaa-diom Hala-a diom te, mɛɛ vanndo fula bɛɛ vanvílɛ́iya tɛɛn, a laalannin ndu le.›»

Talelan 6:23

Kani tɔŋndo, fitinaa o co ni, pɛɛkoo, ɲɛ-tengaa o co ni, kanalannda silaalan, nɛi cindaa la co ni.

Yosue 1:8

Sɛbɛ tɔŋndo ho kɔa sondo nɔmndo levil te, va ndu dimio a kɔllo keelaa lecoo idii a icɔl, haliko ma bii sɔɔn co n'sɛvaa lenin-ndon kpow. Kon tosanin ni mì tuula nɔmndan kpow la bɛnda nɔm o ba.

Tɔŋ miingua 32:47

Kani o co sɔɛi taanin te sɔɛi he co le niaa le, sɔɛi yoomu niaa i co ni. Te la bii ndi pɛ, la sɔlanin yoomu vilɛiyo o lɛŋnde niaa co Yurdɛn taŋɔɔ le len kɔlan hiɔlɔɔ len nin.»

Hebreea 11:16

Kɛ o kpeekpeiyo nin, a lɛŋnde hiow lɛŋnde len naŋɔɔ len o kɔɔ nda va sɔɛi ni, halataala pɛɛn. Lelan siɛmbula bii Hala le ndu veeloo aa Hala ndaa le, kani mó toosial nda kobio.

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

Luke 16:29

Mí Abraham mulul ndu aa: ‹Sɛbɛla Moise nda vanaa-tɛɛngaa-diom Hala-a sɛva lan la co nda ikɛi lon, o bɛnda mà bii sɔɔn co n sɛvaa lenin-ndon.›

Daniɛl 12:2

Vanaa co o lɔan o sɛilan nin-nda taw a tendulnin. A pum le yoomu fɛɛn-fɛɛndo, a tɔ̀a le siɛmbulan a sanga bɛɛ tambɛi fɛɛn-fɛɛndo.

Nsaŋ 1:45

Mí Filipe komal Natanaɛl, mó dimul ndu aa: «N saalun vana sɔɛi ndɔɛi dimin o tɔŋ Moise-o nin a o sɛbɛla vanaa-tɛɛngaa-diom Hala-a nin-ndo, Yeesu Nasarɛt, po Yosɛf-o.»

Esai 8:20

‹o bɛnda mì n mingul tɔŋndo a seilen hɔlla!› Te vana suu lende le, mɛɛ ɲɛ-tengaa paale siaa venin le ndu le.»

Condii lisai 21:4

A co hunɔɔ ndu o hɔl a duaalan taw, a co mɔsil lemasa n'sianio handɔɔ ndu o lebol.

Condii lisai 1:2

Kɛ o dɔawnun ɲaale o tɔŋ Mɛlɛka-o nin-ndo, o keela kɔllo lecoo paalen a ɲumndan-ndo.

Condii lisai 133:3

O co macoaa maa kɛmma co tolɔɔ o pembei Hɛrmɔn ndan, ma co tolɔɔ o pembon Siɔn coo-an pɛɛn. Kani Siɔn ndon Mɛlɛka kila calta ndɔlan ni, o cii fonda kalaa duaa dɔvɔɔ le lɔ́ɔ́-lɔ́ɔ̀.

Hebreea 11:35

Mí vanlaandua pum a ca vanvílɛ́yaa ndaa muungoo yoomu, má can fulaa o piɔ́mndo nin. A saangiaa a pum saangiaa piɔ́mndo, kɛ a cɛl mì vana baŋa nda le, haliko mi ndáà sɔla yoomu hiow naŋɔɔ-o o piɔ́mndo kɔɔli.

Luke 24:25

O kon mí Yeesu dimul nda aa: «Niaa vanaa nɔ haa kɔlkalu le-a, kɔlta niaalan la yala sɔɔn vanaa-tɛɛngaa-diom Hala-a dimi-on biyɔɔ le!

Nsaŋ 5:40

Nduyɛ, la yeema mì la hin o ya lo le cindaa sɔlaa le.

Marke 10:3

Mó mulul nda aa: «Yɛɛ nɛ Moise dimul lɛ niaa?»