Nsaŋ 5:36 - BII BILA

³⁶ Nduyɛ ya, seile nilen le hiow polon a le Nsaŋ-nden, kani hali dɛnnda Pua cɛl-la le tosaa mì va lan tosaa lan bɛɛ la cɔm maa Pua vem ya ni.

Nsaŋ 5:36 Referans Kwoze

Nsaŋ 10:25

Mí Yeesu mulul nda aa: «I dimúl nin niaa ndi, la co laalan te. Dɛnnda ya co tosaa o diola Fuɲa nuu lan la co seilen tɛndaa a ya o kɔɔ.

Nsaŋ 15:24

Te yáà tosá dɛnnda vana celen nɔ̀la tosà le lan nda tɛɛn te, ndáà nɔ nin haki le. Kɛ nihau, a ce lan, o kon má kɛɛ ya naa Fuɲa nuu.

Nsaŋ 2:23

Telen Yeesu va Yerusalɛm o kafo-hiavaa-coo-o, mí vanaa bɔɔ-bɔɔ laalan o diola ndɔlan, lɔ́ɔ́ nda ce dɛnnda kaamaala o va tosaa lan-ndo pɛɛn.

1Nsaŋ 5:9

Te n cɛl pɛ seile vanndacieea, seile Hala len nden, len le hiow vaa le bɔɔ. Kani seile Hala len le co ni maa o co sɔɛi o Po ndɔɔ nin.

Nsaŋ 3:2

Mó hun o Yeesu lo icɔllo, mó dimul ndu aa: «N sina maa vana pɛɛkaa Hala vem-ndo n co ni, kani vana-vana nɔla kaamaala n co lan tosaa lan tosa le, te o co mì Hala va ndu ikɛi le.»

Nsaŋ 3:17

Kani Hala vim Po ndɔɔ o ceendo coo le ceendo iyama kilul te, kɛ haliko mi ceendo sɔla cindaa ndu o ba.

Matie 11:4

Mí Yeesu mulul nda aa: «La kɔ dimul Nsaŋ dɛnnda niaa co tueyɔɔ lan a la niaa co cɔu lan:

Dɛnnda kiilaa 2:22

Niaa Israɛlla, puapilɛa nia, la yaŋ nilan o sɔɔn mun! Yeesu fula Nasarɛt-o, langbanɔ kon Hala cɛl ndu niaa tɛɛn o dɛnnda kaamaalan nin, o dɛnnda kɔndɔfiltan nin a o tɔɔmaselela o va tosaa niaa tɛɛn-ndan nin, maa mɛɛ niaa sina kon válán yɛ.

Nsaŋ 5:32

Kɛ vana celen co seilen timbio a ya o kɔɔ ni, nduyɛ i sina maa seile o co timbio a ya o kɔɔ len le co toɲa.

Nsaŋ 4:34

Mí Yeesu dimul nda aa: «Ɲɛdiaa nuu co hɛnan vana vem ya-o tosaa a vali ndɔɔ siowvo ni.

Nsaŋ 17:4

I biilu nɔm o lɛŋnden coo, mí i cii vali n ke ya le tosaa-o tosa.

Nsaŋ 11:37

Kɛ mí vannda pum o nda tɛɛn a va dimio aa: «Ndu kumbi vana sumɛiyo hɔltan-ndo, ndóò nɔla tosa mi poo ho ndóò lo yoomu le?»

Luke 2:49

Mó mulul nda aa: «Le yɛɛ niaa co yɛ ya nuwviaa? La sina le maa mɛɛ mì va o Fuɲa nuu lo cɛinin?»