Nsaŋ 5:35 - BII BILA

³⁵ Fitinaa va biyɔɔ mì ɲɔɔ va tengaa-o Nsaŋ yɔŋnun ni. Niáà yeema le ɲaaloo dɔwnɔnndo o ɲɛ-tengaa ndɔɔ le telen bingi.

Nsaŋ 5:35 Referans Kwoze

2Piɛr 1:19

Hiovɔɔ o kon coo, sɔɔn vanaa-tɛɛngaa-diom Hala-a n co naa o ba, n niaa nɔ dí le hɔlten handɔɔ coo mɛɛ vana handu fitina co biyɔɔ o ɲumndan nin-ndo hɔlten coo háá mi ɲɛ-tengaa paale siaa tenga, mì loei idii-e tenga o kɔlta niaalan nin yɛ.

Matie 11:11

Mì dimul niaa toɲaa, o vanaa vanlaandua velu-a tɛɛn, vana-vana yɔŋnun maa ndu Nsaŋ Vana-yinaa le. Kɛ nduyɛ, vana hiow dɔɔnanndo o masale halataala len nin-ndo hiow ndu.

Nsaŋ 6:66

Cɔn a telen kon, mí vanaa bɔɔ-bɔɔ o kaandeŋaa ndɔa tɛɛn a muungun kɔɔli, a cɛl lɛ le kɔlan ndu kɔɔli le.

Luke 7:28

Mì dimul niaa, o vanaa vanlaandua velu-a tɛɛn, vana-vana tiiya maa Nsaŋ te. Nduyɛ vana hiow dɔɔnanndo o Masale Hala len nin-ndo hiow ndu.

Marke 6:20

kani Herɔde va Nsaŋ vou, bau o va sinaa maa vana sandaa a vana diandaa Nsaŋ va ni, o va ndu vɛlɛ kandaa. Telen oo telen ndóò yaŋ pɛ Nsaŋ nilan, kɔllo ndóò laasian ndu. Kɛ nduyɛ, ɲɔɔ pila ndóò hɛnan ndu le ndu yaŋnɔnndo ni.

Matie 21:26

Te n muli yɛ vɛlɛ pɛ aa: ‹Vanndacieea óò vem ndu ni›, siòònde bɛnda mì i bii naa a sɛ́lɔ́ɔ́ ho, kani nda kpow a ce maa vana-tɛɛngaa-diom Hala-o Nsaŋ yɔŋnun ni.»

Esekiɛl 33:31

A co hunɔɔ sɛ́lɛ́ bɛndoo fili-fili o nɔm ndo, vanaa niaa kan pɛɛn, a co hunɔɔ calle nɔm o hɔl. A co nilan yaŋɔɔ o sɔɔn nɔmndon, kɛ a co kela lecoo le, kani a sondo yeelaa koni nda co sɔɛi ni, kɛ o kɔlta ndalan nin, tɔnɔ nda pila-o daama nda co nuwviaa ni.

2Samiɛl 21:17

Kɛ mí Abisai, po Seruya-o mala David, mó dii Filistinɔ kon. O kon, mí vanaa cɔwva mɛnalan David aa: «A kue lɛ naa kɔɔli o cɔwvo le, yɔŋii n ɲumi ɲɛ-tengaa Israɛl.»

Daniɛl 12:3

Vanaa hiow kɔlkaloo-a tenganin a naŋɔɔ mɛɛ halataalaa tenga nuaa yɛ. Vanaa cɔm vannda nɛi dɛnɛ sandaa ma pɛɛku nda ndu-a diandunin le fɛɛn a fɛɛn maa loeon o halataala.

Marke 1:5

Vanaa va o tàndá Yuda-o nin-nda a vannda Yerusalɛm kpow a va kɔlan o ndu lo, má va hakila ndalan sɔlɔlanndo. Mó va nda yinɔɔ Yurdɛn o peelo.

Fulaa 34:35

Israɛlla ndáà tofa pɛ Moise hɔlla, ndáà ce maa hɔlaa ndɔa co tengaa ŋɛlɛngi-ŋɛlɛngi. O kon, ndóò mingi kolaa kuumbɔn o hɔl, háá mɛɛ mì ndóò muungu le suukanndo a Mɛlɛka malan ndóò faŋa.