Nsaŋ 5:30 - BII BILA

³⁰ Ya, i tiwbà ɲɛ-ɲɛ tosa a ba ni le, mɛɛ ya tuɛi yɛ, lende ya i kialu yamɛi ni. Nduyɛ yamɛi kɛ́-kɛ̀ ya i kelu pɛ, i sandu, kani o co hɛnan ni le ya co nuwviaa le, fɔ hɛnan vana vem ya-o.»

Nsaŋ 5:30 Referans Kwoze

Nsaŋ 6:38

kani i fula o halataala mì toal le hɛnan ni tosa le, kɛ le hɛnan vana vem ya-o tosaa.

Nsaŋ 5:19

O kon mí Yeesu mulul nda aa: «I co niaa toɲaa dimul kpendekele, Poo nɔla ɲɛ-ɲɛ tosa a ba ndɔ le, fɔ ɲɛ o ce Fuɲaa tosaa-o. Ɲɛ-ɲɛ Fuɲaa tosa yɛ pɛ, ndu Poo bɛɛ tosa ni.

Nsaŋ 4:34

Mí Yeesu dimul nda aa: «Ɲɛdiaa nuu co hɛnan vana vem ya-o tosaa a vali ndɔɔ siowvo ni.

Nsaŋ 14:10

A laalan maa i co Pua nin, mì Pua va ya nin te? Sɔɔn ya co niaa dimullo-on, o co a ba ni le. Pua co ya nin-ndo co dɛnnda ndɔlan tosaa ni.

Matie 26:39

O kon mɛɛ o kɔɛ tiŋ laci, mó del o kuumbuan lɛŋ, mó piɛi Hala aa: «Pua, too nɔla pɛ tosan, cɛl mi i kol a taala kólaa sangaa ho le. Kɛ nduyɛ, o va mɛɛ ya i yeema yɛ le, tosa mɛɛ o hɛnan nɔm yɛ.»

Nsaŋ 8:28

O kon mí Yeesu dimul nda aa: «Telen niaa heelunin Po vanacieo-vo, la sinanin vana ya co-o, mì la sina maa i co ɲɛ-ɲɛ tosa a ba ni le, kɛ mì la sina maa sɔɔn Pua pɛɛku ya-on ya co dimio ni.

Rɔmnda 15:3

Kani, Krista nuwviaa hɛnan ndɔɔ le. Kɛ mɛɛ o sɛvan yɛ aa: «Yeowla vannda co nɔm-ndan, yeowla lan koni nda co ya ni.»

Nsaŋ 8:50

Ya, o co biilu ni ya pila le ya co nuwviaa le, vana pum co ndu nuwviaa ni, ndu kialu yamɛi ni.

Nsaŋ 8:42

Mí Yeesu dimul nda aa: «Te ndóò va pɛ maa Hala co Fuɲa nia ni, la va ya kaola, kani o Hala nin ya fula ni mí hun. O co a ba ni le ya hin te, ndu vem ya ni.

Nsaŋ 17:4

I biilu nɔm o lɛŋnden coo, mí i cii vali n ke ya le tosaa-o tosa.

Condii lisai 96:13

Mɛlɛka o hɔl! Kani o co hunɔɔ, o co hunɔɔ le lɛŋnden yamɛi kiolɔɔ. O kialunin lɛŋnden iyama o sandei nin, mò kelu vannda iyama mɛɛ toɲa ndɔɔ co yɛ.

Nsaŋ 18:11

Mí Yeesu dimul Piɛr aa: «Mingi mɔɛi nɔmii cɔwve o boo ndɔɔ nin. Vɛ̀ɛ̀ ya kɛɛ yɛnin kolɔɔ o taala kólaa imɔnɔ Fuɲa nuu ke ya le kolɔɔ lenin-ndo nin?»

O Kandɔɔ 18:25

A bɛnda ma tosa kon te. A bɛnda ma tosa a vana sandaa mɛɛ n tosa a vana vɔɔndo yɛ le. A bɛnda ma dii vana sandaa nda vana kɔlvesɛiyo latulu le. Nɔm vana co yamɛi ceendo kiolɔɔ-o, tosa mɛɛ dɛnɛ sandaa co yɛ.»

Rɔmnda 2:5

Kɛ le tùú n co nila kalulan tosaa mà va kɛɔ dɛnnda lan bilaa biyɔɔ-o, kɔltuw bɛndu Hala-o hun toalnin nɔm coo o paale kɔltuwlen coo, paale yamɛi sandɛi Hala-e fulanin ceen-nden.

Rɔmnda 2:2

N sina maa a toɲaa Hala kilu vanaa vaa lende yamɛi ni.

Esai 28:6

Ndu vanin kɔl dɛnɛ sandaa le vana co yamɛi kiolɔɔ o fonda kialaa n'yamaa-o ni, ndu vanin yoomuan le vanaa co yaamɔɔa tovɔɔ háá o diola luɛyaala kobio-a ni.

Sofoni 3:15

Kani Mɛlɛka faŋa dɛnɛ palaa ndóò tuu le niaa tuisio coo-o, o tow yaamɔaa niaa polon. Mɛlɛka, o co masa Israɛlla-o co niaa tɛɛn. Lelan siòòŋii bii lɛnin niaa le dɛnɛ palaa le.