Nsaŋ 5:28 - BII BILA

²⁸ Kɔndɔfili bii niaa le ken te, kani telen pum co hunɔɔ tiiya mì vanaa co o sɛilan nin-nda kpow a tuei diom ndɔɔ,

Nsaŋ 5:28 Referans Kwoze

Dɛnnda cɔɔmuanndan 20:12

Mí ca vanvílɛ́iya, kaasonnda a cuaambɔa, a va isisi o kpɛŋɛ lemasaa hɔl-ndɔ. Mí sɛbɛlan la kumbin, mí sɛbɛ celen kumbin, sɛbɛ cindaa va kon ni. Mí yamɛi vanvílɛ́iya kiolu, maa mɛɛ sɔɔn va n sɛvaa o sɛbɛla lan nin-ndon va yɛ, maa mɛɛ dɛnnda vana-vana la va yɛ.

Esai 26:19

Kɛ vanvílɛ́yaa nɔmnda muungunin yoomu, dialun vanaa nɔmaa vi-a n tendulnin! La tendul, la yɛkɛlan a kɔlkɛndɔɔ, niaa co o cundoo nin o lɛŋnden bɛngu-a! Kani mɔ́m mingi yoomoo-o mɔ́m nɔmndo co ni. Lɛŋnden le minginin vanaa vi-a yoomu ma ce paalen.

Filipea 3:21

Ndu mangalanin kɔɔle naale dɛnɛ palaalen ni, mò mingi len maa kɔɔle ndɔle biilaa len, a kpaaya bɛndu o nɔ le ɲɛ-ɲɛ fee lueinɔnndo ndu o ba bɛngu-o.

1Korɛntea 15:22

Mɛɛ Adam yɔŋnun sabu mí piɔ́mndo va vannda kpow kuee yɛ, lende koni Krista yɔŋnun sabu le tendul vanvílɛ́iya ni.

Osee 13:14

I baŋanin nda mì soli nda ciee-piɔ́m, i solinin nda o kpòndò piɔ́mndo bɛngu. Òó piɔ́mndo! Ɔ́ɔ̀ ɲɛm cɔvun n tiindan-ndon? Òó ciee-piɔ́m! Ɔ́ɔ̀ kpaaya nɔm tɛɛmbua? I tofa lɛnin nda mì ɲíí bii ya le.

Nsaŋ 3:7

Kɔndɔfili bii nɔm le ɲɛ ya dimul nɔm maa, mɛɛ mà velun violɔn sɛnɛi-yo le.

Nsaŋ 5:20

Kani Fuɲaa kaola Poo, o cɔm ndu ɲɛ-ɲɛ o co tosaa, o cɔmnin ndu dɛnnda bɛndula hiow lan-ndan, haliko mi kɔndɔfillo bii niaa.

Nsaŋ 4:21

Mí Yeesu dimul ndu aa: «Vuɛɛndo laalan ya, telenndo co tiiya, la biilu lɛnin Pua o pembei he coo te kon te Yerusalɛm te.

Dɛnnda kiilaa 3:12

Piɛr cɔu dɛnnda lan, mó ɲuna nda aa: «Niaa Israɛlla ha, le yɛɛ nɛ niaa co yɛ kɔndɔfillo dɔwnɔnndo le siongɔɔ langbanɔɔ ho? Le yɛɛ nɛ niaa co yɛ naa tofaa mì la va yiyanndo maa a kpaaya naa pilaa, te kon te maa ɲíí nɛi i tosa ni mó kɔa?

Daniɛl 12:2

Vanaa co o lɔan o sɛilan nin-nda taw a tendulnin. A pum le yoomu fɛɛn-fɛɛndo, a tɔ̀a le siɛmbulan a sanga bɛɛ tambɛi fɛɛn-fɛɛndo.

Nsaŋ 4:23

Kɛ telen co tiiya, o cuu yɛ nin bɛɛ tiiya, mì vanaa biilaa kpeekpeiya biilu Pua o kɔllo a o toɲaa nin, kani vanaa biilaa vaa lende Pua co nuwviaa ni.

Nsaŋ 5:25

I co niaa toɲaa dimul kpendekele, telen pum co tiiya, o tiiyaa koni o co yɛ nin nuaa ni, mì vanvílɛ́iya tuei Po Hala-o diom, nduyɛ vanaa tueinin ndu kan diom-nda a vanin yoomu.

Dɛnnda kiilaa 24:15

Tiindan nda tiindan Hala ndaa-o koni ya bɛɛ nɔ ni, maa vanaa sandaa a vanaa sendu le-a kpow a muungunin yoomu.