Nsaŋ 5:25 - BII BILA

²⁵ I co niaa toɲaa dimul kpendekele, telen pum co tiiya, o tiiyaa koni o co yɛ nin nuaa ni, mì vanvílɛ́iya tuei Po Hala-o diom, nduyɛ vanaa tueinin ndu kan diom-nda a vanin yoomu.

Nsaŋ 5:25 Referans Kwoze

Nsaŋ 5:28

Kɔndɔfili bii niaa le ken te, kani telen pum co hunɔɔ tiiya mì vanaa co o sɛilan nin-nda kpow a tuei diom ndɔɔ,

Efɛsea 5:14

Hiovɔɔ o kon coo, ɲɛ-ɲɛ fula pɛ ceen kpendekele, ndu siŋnun ɲɛ-tengaa. Lelan o co o sɛvaa ni aa: «Tiondu, nɔm vana co hoo o lɔan-ndo, cɔn mà fula vanvílɛ́iya tɛɛn, mì Krista tosa, mì ɲɛ-tengaa va niaa diondɔɔ coo.»

Efɛsea 2:5

mó mingi naa yoomu naa Krista-a, naa n va nin a vílɛ́iya le tɛɛmbuula naalan-nda. Le kɛndɛi Hala-e niaa sɔla cindaa ni.

Nsaŋ 4:23

Kɛ telen co tiiya, o cuu yɛ nin bɛɛ tiiya, mì vanaa biilaa kpeekpeiya biilu Pua o kɔllo a o toɲaa nin, kani vanaa biilaa vaa lende Pua co nuwviaa ni.

Dɛnnda cɔɔmuanndan 3:1

Sɛval mɛlɛkanɔ vanaa laalannda Sarde aa: «Ɲɛ vana nɔ kɔlta ŋɔmmɛwla Hala lan a loeon ŋɔmmɛwvon o ba-o dimi-o co hoo ni aa: I sínà dɛnnda nɔmndan, a kela tɔ́ɔ́ maa a co yoomu, kɛ o vílɛ́iyo n co ni.

Nsaŋ 8:47

Vana co vana Hala-o-o, nilan o yaŋ o sɔɛi Hala-e ni. Niaa la yeŋ lani le, kani la co vanaa Hala le.»

Kolɔsea 2:13

Niaa va a vílɛ́iya o kɔllo nin le tɛɛmbuula niaalan a le tooma niaa kɛɛ diyɔɔ o diallon nin-ndo-a, mó tosa mí la muungu ceen a ndu latulu, mó mal tɛɛmbuula niaalan kpow haki.

Efɛsea 2:1

La va paandu a vílɛ́iya o kɔllo nin le tɛɛmbuula niaalan a le hakila niaalan.

Rɔmnda 6:4

Le yinɔɔ naa n sɔla o piɔ́m ndɔɔ nin-ndo, mí n sɔla kumbɔɔ a ndu latulu, haliko mɛɛ Krista tendul mó fula vanvílɛ́iya tɛɛn a biilu Fuɲa ndɔ-o yɛ, mì naa bɛɛ n kela kela sɛnɛi.

Nsaŋ 8:43

Le yɛɛ niaa co yɛ kɛɔ sɔɛi nii bila biyɔɔ? Kani la yeema mì la tuei sɔɔn nun te.

Nsaŋ 5:21

Kani mɛɛ Fuɲaa tindi vanvílɛ́iya má muungu yoomu yɛ, lende koni Poo bɛɛ yɔngù vanà o yeema-o yoomoo ni.

Luke 15:24

kani po nuu ndóò vi, kɛ o muungu yoomu, ndóò lo, kɛ o cennun.› O kon, má kandu bɛɛ ɲaaloo fɔ́ɔ́fɔ̀,

Luke 9:60

Mí Yeesu mulul ndu aa: «Mal vanvílɛ́iya vanvílɛ́yaa ndaa kumbɔɔ. Nɔm yɛ, kɔ mà kɔ cɔm vannda a Masale Hala len o kɔɔ.»

Nsaŋ 4:21

Mí Yeesu dimul ndu aa: «Vuɛɛndo laalan ya, telenndo co tiiya, la biilu lɛnin Pua o pembei he coo te kon te Yerusalɛm te.

Luke 15:32

Kɛ mɛɛ mì n tosa kafoo, mì n dɔwnun ɲaale, kani pɔmbɔ nɔm hoo ndóò vi, kɛ o muungu yoomu. Ndóò lo, kɛ o cennun.›»

Nsaŋ 17:1

Yeesu ciiyo sɔɛi lende, mó heelu hɔlla o halataala, mó dimi aa: «Pua, telenndo tiiya. Biilu Po nɔmndo haliko mi Poo biilu nɔm,

Nsaŋ 13:1

Lɔ́ɔ́ pá mí Kafo-hiava-coo tiiya, Yeesu ndóò sina nin maa telen ndɔɔ tiiya le faŋanndo o ceendo coo le kɔlan o Fuɲa ndɔ lo. Ndóò kaola kaandeŋaa ndɔa va o ceendo coo-a taw, nduyɛ mó lo nda kaolaa háá o mɛɛlulan.

Nsaŋ 6:60

Ndáà ciiyo ndu diomndo tueyɔɔ, mí kaandeŋaa ndɔa bɔɔ-bɔɔ a dimi aa: «Sɔɔn mun kendu bɔɔ, nɛ̀ɛ́ nɔla yɛ mun biyɔɔ?»

Nsaŋ 9:27

Mó mulul nda aa: «I dimul nihau niaa ndi, la yeŋ ya lani le. Le yɛɛ niaa yeema yɛ vɛlɛ ndi tueyɔɔ? Mò va maa yeemɛi niaa bɛɛ nɔ le siŋnɔnndo kaandeŋaa ndɔa ni?»