Biblia Todo Logo
Bib sou entènèt

- Piblisite -




Nsaŋ 5:24 - BII BILA

24 Mí Yeesu hiaw laci a nda dimullo aa: «I co niaa toɲaa dimul kpendekele, vana-vana tuei pɛ sɔɛi nii mò laalan vana vem ya-o, vana kon ndu sɔla cinda fɛɛn-fɛɛndo, o sɔla yaala le, kɛ o fula o piɔ́mndo nin, mó muungu yoomu.

Gade chapit la Kopi




Nsaŋ 5:24
28 Referans Kwoze  

Vana laalan pɛ Poo, ndu sɔla yoomu fɛɛn-fɛɛndo. Vana kɛɛ pɛ le Poo laalanndo, ndu sɔlanin yoomu kon te, kɛ kɔltuw Hala-o vanin vana kon coo.»


Yamɛi co le vana laalan ndu-o le, kɛ yamɛi vana laalan ndu loo i cuu nin kiolɔɔ, kani o laalan Po pilɛ Hala-o le.


Hɛnan Fuɲa nuu co kon ni, maa vannda kpow a mulul Poo hɔlla, mà laalan ndu, mà sɔla cinda fɛɛn-fɛɛndo. Ya yɛ, i minginin nda yoomu fulaa vanvílɛ́iya tɛɛn o paale mɛɛlaa len.»


Yaala co lɛ le vanaa co o Yeesu Krista nin-nda le.


I co niaa toɲaa dimul kpendekele, vana laalan pɛ, ndu sɔla cinda fɛɛn-fɛɛndo.


Kani Hala kaola ceendo háá mó yɔngu Po ndɔ pilɔɔ, haliko vana-vana laalan ndu pɛ, o kue o ɲánndávàà le, kɛ o sɔla yoomu fɛɛn-fɛɛndo.


Nduyɛ, vana-vana va pɛ yoomu, mò laalan ya, ndu vinin te. A laalan ken?»


Kɛ mun sɛvan haliko mi la laalan maa Yeesu co Krista ni, Po Hala-o pɛɛn. O kon la laalan pɛ, la sɔla yoomoo o diola ndɔlan.


I co niaa toɲaa dimul kpendekele, vana bii pɛ sɔɔn nun, ndu vi le.»


Kani Hala kɛsi naa le naa kɔl ndɔ tuwvo tuisio coo le, kɛ mì n sɔla cindaa Maalii naa Yeesu Krista kɔɔli.


Vana-vana laalan pɛ maa Yeesu co Krista ni, mɛɛ ndu velun o Hala nin, vana-vana kaola pɛ fuɲaa, kaolaa o kaola vɛlɛ cuavaa fuɲa kon velu-a ni.


Vana-vana laalan pɛ mò sɔla yinɔɔ, ndu sɔlanin cindaa, kɛ vana laalan te, ndu sɔlanin yaalaa.


N sínà maa n fula o piɔ́mndo nin, mì n co yoomu, kani n kaola puapilɛa naa. Vana nɔ kaolaa le, mɛɛ o piɔ́mndo nin ndu co ni.


Mí Yeesu deŋi aa: «Vana laalan ya pɛ, o co ya le o laalan te, kɛ vana vem ya-o.


O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.


le niaa co a mandaa o kpaaya Hala-o nin a laalanndo-a, le cinda co nin le cɔmnɔnndo ceen o telennda mɛɛlaalan-ndo.


Vanaa kan nda nda, dɛnɛ palaa fɛɛn-fɛɛndo toalnin nda coo, kɛ vanaa sandaa kɔanin o yoomu fɛɛn-fɛɛndo nin.»


Vana koavaa co nin bɛɛ salaa sɔlaa, mo va kullon cuungiaa le cinda fɛɛn-fɛɛndo, haliko mi vana saŋaa nda vana koavaa dɔwnun ɲaale latulu.


Kɛ vana de pɛ ɲɛdiaa fula o halataala-o, ndu vi le.


Ya, ya co ɲɛdiaa kiyɛi tol fulaa o halataala-o ni. Te vanndo de pɛ ɲɛdiaa kon, o vanin yoomu le fɛɛn a fɛɛn. Ɲɛdiaa ya yɔngunin-ndo, ndu co dialun nun ni, haliko mi ceendo va yoomu.»


Ɲɛdiaa fula o halataala-o co kon ni. O co maa o fuɲaa niaa vi-a de-o le. Vana de pɛ ɲɛdiaa hoo, o vanin yoomu le fɛɛn a fɛɛn.»


Swiv nou:

Piblisite


Piblisite