19 O kon mí Yeesu mulul nda aa: «I co niaa toɲaa dimul kpendekele, Poo nɔla ɲɛ-ɲɛ tosa a ba ndɔ le, fɔ ɲɛ o ce Fuɲaa tosaa-o. Ɲɛ-ɲɛ Fuɲaa tosa yɛ pɛ, ndu Poo bɛɛ tosa ni.
O kon mí Yeesu dimul nda aa: «Telen niaa heelunin Po vanacieo-vo, la sinanin vana ya co-o, mì la sina maa i co ɲɛ-ɲɛ tosa a ba ni le, kɛ mì la sina maa sɔɔn Pua pɛɛku ya-on ya co dimio ni.
Te Kɔl vana tindi Yeesu fulaa vanvílɛ́iya tɛɛn-ndo co pɛ niaa nin, vana tindi Krista fulaa vanvílɛ́iya tɛɛn-ndo tosanin vɛlɛ mì dialun niaan vu-on muungu yoomu le Kɔl ndɔ co niaa nin-ndo.
Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.
Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.
Mí Hala dimi aa: «N cɔwnun vanacieo a velan naa, mò vel naa, mì vanaciee kon va vana bɛndoo suvaa co o mɛnndan nin-nda, yovaa co coocoo-a, visia cieeninnda, visia co o lɛŋnden coo-a kpow a visia pɔmbɔa kela lɛŋ-nda coo.»
I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.
Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.
kani o ndu nin ɲɔɔn kpow n cɔwnun ni, mun o halataala a mun o lɛŋnden coo, ɲaa yoomaa vana ca-a ɲaa vana ci le-a, masɛi a vanaa lebolla, kpaayala maɲumndan a simlacia. Ndu o ba ɲɛm mun kpow n cɔwnun ni, le ndu n co ni.
Le yinɔɔ naa n sɔla o piɔ́m ndɔɔ nin-ndo, mí n sɔla kumbɔɔ a ndu latulu, haliko mɛɛ Krista tendul mó fula vanvílɛ́iya tɛɛn a biilu Fuɲa ndɔ-o yɛ, mì naa bɛɛ n kela kela sɛnɛi.
Nuaa Mɛlɛka, o co vana baŋaa niaa-o, o toosiaa niaa kabi o volɔn niaa-o dimi ni aa: «Ya Mɛlɛka, i tosa ɲɔɔn kpow. Ya pilɛ kpé tondu halataalaa ni. Ya pilɛ kpé pɛngɛla lɛŋnden ni.
Mí Mɛlɛka ɲuna ndu aa: «Nɛ̀ɛ́-nɛ̀ yɔngù yɛ vanacieo sondoo le sɔɛi? Nɛ̀ɛ́-nɛ̀ nɔlà yɛ mò siinguu ndu bobonɔɔ, te kon te vana nila baŋulɛiyo? Nɛ̀ɛ́-nɛ̀ nɔlà yɛ mò kumbi ndu hɔltan le cɔu, te kon te mò suumiaa ndu? O co ya Mɛlɛka le?
O kon mɛɛ o kɔɛ tiŋ laci, mó del o kuumbuan lɛŋ, mó piɛi Hala aa: «Pua, too nɔla pɛ tosan, cɛl mi i kol a taala kólaa sangaa ho le. Kɛ nduyɛ, o va mɛɛ ya i yeema yɛ le, tosa mɛɛ o hɛnan nɔm yɛ.»