Nsaŋ 5:16 - BII BILA

¹⁶ Cɔn o telen kon, mí Yuifia toal Yeesu kɔɔli le tùú o va dɛnnda lan tosaa o paale pɛngiaalen coo-o.

Nsaŋ 5:16 Referans Kwoze

Nsaŋ 15:20

La lóónun a sɔɛi ya dimul niaa-e maa buɛiyo hiw vana ndɔ bɛndoo le. Taa tol-la pɛ yɛlen, mɛɛ niaa bɛɛ a tolnin niaa yɛlen, taa bii pɛ sɔɛi nii, mɛɛ a biinin vɛlɛ sɔɛi niɛi.

Nsaŋ 10:39

O kon, má can Yeesu kɔɔli le ndu biyɔɔ, kɛ mó hialun nda.

Nsaŋ 7:25

Mí vanaa va icali Yerusalɛm-nda pum a va dimio aa: «O co langbanɔɔ ho le nda co nuwviaa le ndu diyɔɔ le?

Nsaŋ 5:13

Kɛ langbanɔ Yeesu ndóò singi kon-ndo sina ndu le, kani Yeesu ndóò luɛinun nin sɛ́lɛ́ va lon-ndo tɛɛn.

Luke 6:11

Kɛ mí vanaa pɛɛkaa latɔŋnda a Faliisia tambu kɔl taw, má kandu ɲuunianndo le ɲɛ nda tosa a Yeesu-o.

Marke 3:6

Fɔ́ɔ́fɔ̀, mí Faliisia fula, má kɔ tundu nda vanaa va o kunda Herɔde-o coo-a le nɛilan nuwviaa le Yeesu diyɔɔ.

Matie 12:13

O kon, mó dimul langbanɔɔ aa: «Siɛndi ba nɔmndo!» Mí langbanɔɔ siɛndi baa, mí ba kon muungu kɛndia maa o pilɔɔ.

Nsaŋ 1:19

Seile Nsaŋ-nden le co len ni, telen Yuifia lo Yerusalɛm má viam vanaa-solia-lasálàá a leviia le ndu Nsaŋ kɔlan ɲunaa-o aa: «Nɛ̀ɛ̀ kpeekpei nɔm co yɛ?»

Nsaŋ 5:10

Nduyɛ paale pɛngiaalen le va ɲinkon ni, o kon mí Yuifia dimul vana Yeesu singi kon-ndo aa: «Paale pɛngiaalen le co hau ni, a bɛnda ma siilun ɲɛ hinia nɔmndo le.»

Nsaŋ 5:15

Mí langbanɔ kalaa kɔannun, mó kɔ dimul Yuifia maa Yeesu singi ndu ni.

Nsaŋ 5:17

Kɛ mí Yeesu dimul nda aa: «Haa hau, Fuɲa nuu co hiovɔɔ laci a vallo tosaa, ya bɛɛ i co vallo.»

Nsaŋ 5:18

Le diom o dimi kon-ndo, mí Yuifia can nɛilan nuwviaa le ndu diyɔɔ, o co vɔ le tùú o va tɔŋ paale pɛngiaa tɛɛmbuuo-o le, kɛ le tùú o va dimio-o maa Hala co Fuɲa ndɔ kpeekpeiyo ni, mó va ndu pila siingɔnndo Hala-o.

Nsaŋ 7:21

Mí Yeesu dimul nda aa: «Dɛnɛ kaamaa ndu pilɛ kpé ya tosa ni, mí la dɔawnun kɔndɔfili.