Nsaŋ 5:10 - BII BILA

¹⁰ Nduyɛ paale pɛngiaalen le va ɲinkon ni, o kon mí Yuifia dimul vana Yeesu singi kon-ndo aa: «Paale pɛngiaalen le co hau ni, a bɛnda ma siilun ɲɛ hinia nɔmndo le.»

Nsaŋ 5:10 Referans Kwoze

Nsaŋ 9:16

Mí vannda pum a va dimio Faliisia tɛɛn aa: «Langbanɔɔ ho co vana Hala le, kani o ke paale pɛngiaalen lebɛɛ le.» Mí a pum nda va dimio aa: «Vɛ̀ɛ̀ vana lahakio ndu looku yɛnin dɛnnda kaamaala vaa nuaa tosa?»

Luke 6:2

Mí Faliisia pum ɲuna nda aa: «Le yɛɛ nɛ niaa co yɛ ɲɛ kuunan o paale pɛngiaalen coo-o tosaa?»

Yeremi 17:21

O Mɛlɛka dimi-o co hoo ni aa: La caa taw, la cua lavolɔɔ kɛ́-kɛ̀ o paale pɛngiaalen coo, mì la kei a lan o diola Yerusalɛm-ndan te.

Luke 13:14

Kɛ mí vana lebol va o cɛi lekaando nin-ndo tambu kɔllo le singi Yeesu singi vuɛɛn kon o paale pɛngiaalen coo-o. Mí vana lebol kon dimul vannda aa: «Palɛi ndii ŋɔmpun i co le vallo ni, la hun mì la sɔla siongɔɔ o palɛi ken bɛngu, kɛ o co o paale pɛngiaalen coo le.»

Marke 3:4

O kon mó ɲuna nda aa: «I co pá i cɛlnan le vanndo dɛnɛ kɛndɔɔ te kon te dɛnɛ vɔɔndo tosallo o paale pɛngiaalen coo, baa ciindiaa ndu, te kon te malɔɔ ndu mo vinnun?» Kɛ má mei kpili.

Marke 2:24

Mí Faliisia dimul Yeesu aa: «Le yɛɛ nɛ nda co yɛ dɛnɛ kuunan o paale pɛngiaalen coo-o tosaa?»

Nsaŋ 5:16

Cɔn o telen kon, mí Yuifia toal Yeesu kɔɔli le tùú o va dɛnnda lan tosaa o paale pɛngiaalen coo-o.

Nsaŋ 7:23

Te la dii pɛ vanndo tooma o paale pɛngiaalen coo, haliko la del kasi a tɔŋ Moise-o le, le yɛɛ niaa tambu yɛ niko kɔl a ya le vanaciee ya singi o paale pɛngiaalen coo-o?

Luke 23:56

Má muungu, má kɔ bɛɛndiaa ɲɛm cun kɛndɔn a ansan. O kon má pɛngi o paale pɛngiaalen coo mɛɛ tɔŋ ndaa va yɛ.

Yeremi 17:27

Kɛ te la yeŋ ya nilan te, te la luei paale pɛngiaalen yii mì la manda len le ya le, te la cua pɛ volɔɔlan o paale len coo, mì la kei a lan o diola Yerusalɛm-ndan, i malnin kobi kalaa yin, mì cɛila ndɔla kɛndɛlan la ŋɔɛ, nduyɛ le ɲumnin te.»

Esai 58:13

Te la bii pɛ pelun niaan, mì la kela o paale pɛngiaalen coo le, te la tosa hɛnan niaa o paale nile diandaalen coo le, te la ce pɛ paale pɛngiaalen maa paale yeelɛilen, paale diandaale Mɛlɛka len a paale sɔvɛlen le co ni. Te la ke pɛ paale len bɛɛlen, mì la kela o nɛila niaalan coo le, mì la tosa dɛnndan mɛɛ niaa hɛnan yɛ le, mì la luei sondoo o tombola fondo-fondoo nin te,

Matie 12:10

Langbanɔ ba vílɛ́iyo pum va lon. Má ɲuna Yeesu aa: «Vɛ̀ɛ̀ o co pá o cɛlnan le vannda singio o paale pɛngiaalen coo?» Nɛila ndáà handu ndu sɔɛi coo lan nda va nuwviaa kon lende ni.

Nsaŋ 1:19

Seile Nsaŋ-nden le co len ni, telen Yuifia lo Yerusalɛm má viam vanaa-solia-lasálàá a leviia le ndu Nsaŋ kɔlan ɲunaa-o aa: «Nɛ̀ɛ̀ kpeekpei nɔm co yɛ?»

Nsaŋ 5:11

Mó mulul nda aa: «Vana singi ya-o dimul-la ni aa: ‹Cua ɲɛ hinia nɔmndo mà kɔɛ.›»

Nsaŋ 5:15

Mí langbanɔ kalaa kɔannun, mó kɔ dimul Yuifia maa Yeesu singi ndu ni.