Nsaŋ 4:6 - BII BILA

⁶ Lon soon-kólaa Yakɔb-o va ni. Yeesu sangaa a kɔlan, mó kɔ cal o soon-kólaa kon ikɛi. Paalen le va nin le tiiyaa o pol.

Nsaŋ 4:6 Referans Kwoze

Hebreea 4:15

Bolle vanaa-solia-lasálà naa n nɔ-o nɔ ɲíí nɛi. Kani fúú le, o sínà maa n nɔ kpaaya le. Kani ndu bɛɛ mó sɔla tɔɔndanndan o nɛi oo nɛi coo mɛɛ naa n co tɔɔndanndan sɔlaa yɛ, kɛ o tosa haki kɛ́-kɛ̀ le.

Hebreea 2:17

Lelan, mɛɛ mí ndóò vel puapilɛa ndɔa, haliko mi ndóò siŋnun bolle vanaa-solia-lasálàá, vana ikɛndɔɔ a vana lo o lediom coo o baala Hala-o nin-ndo, haliko mo sɔla malɔɔ lahakio le vannda kpow.

Matie 8:24

Fɔ́ɔ́fɔ̀, mí piɔɔ hoeyii fùkù-fùkù bɛndoo pum can siaa o dalaa coo, mí mɛnndan ma va biiŋɔnndo, mí ma va dɛ̀ndɔ̀ɔ́ kumbɔɔ. Kɛ Yeesu ndu va o lɔan.

Matie 27:45

Kandɔɔ a paalen o pol háá tiiya a lɛɛlɛ yàándɔɔ a paale yɔngannden, mí ɲumma bɛnduan ma toal o lɛŋnden kpow coo.

Matie 4:2

Mí Yeesu cii palɛi belehiɔɔlu a ɲumndan belehiɔɔlu o sumndo nin. O kon mí yiaan ma nɛi ndu.

2Korɛntea 8:9

Kani la sínà kɛndɛi Maalii naa Yeesu Krista yɔŋ le niaa-e, ndu vana bolofaa, mó siŋnun vana bala fondoo, haliko mi la siŋnun vanaa bolofaa o bala fondola ndɔlan kɔɔli.

Nsaŋ 11:9

Mí Yeesu muli aa: «Vɛ̀ɛ̀ o co lɛɛlɛlan tɔ́ a latiɔn te la co o paalen nin te? Vanndo va pɛ kelaa ipala, o boŋ te, kani o co ɲɛ-tengaa ceendo ho cɔu.

Luke 9:58

Mí Yeesu mulul ndu aa: «Kàá nɔ buulula nda lɔl nin-ndan, yovaa co kelaa coocoo-a bɛɛ a nɔ vɛɛnde, kɛ Po vanacieo ndu nɔ bɛɛ nɛɛ yambaa lebol te.»

Luke 2:7

Mó vialu po ndɔ tasoo. Mó simbul ndu o kolaa nin, mó yambu ndu nɛɛ nda dow cɔlua billo-a, kani a sɔla fonda o cɛi yiyaa mialla nin te.

Nsaŋ 4:5

Mó tiiya o kobio pum o tàndá kon nin, diolan Sikar, o yondo Yakɔb ndóò ke Yosɛf po ndɔ-o ikɛi.

Nsaŋ 4:7

Mí vanalanɔ Samarinɔɔ pum hun mɛnndan kɔndɔɔ, mí Yeesu dimul ndu aa: «Ke ya mɛnndan mì kol!»

Nsaŋ 4:12

Mò va maa nɔm hiow Yakɔb fuɲa naa mama ke naa soon-kólaa ho-o ni? Ndu pila kol sindɛ mɛmma soondo ho nda poaa ndɔa a cɔlua ndɔa.»