Nsaŋ 4:48 - BII BILA

⁴⁸ Mí Yeesu dimul ndu aa: «Te o co mì la ce dɛnnda kɔndɔfiltan a kaamaalan te, la laalan dɔ́ɔ́ le!»

Nsaŋ 4:48 Referans Kwoze

Nsaŋ 20:29

Mí Yeesu dimul ndu aa: «Le mɛɛ n ce ya yɛ n laalan ni baa? Dɛnɛ kɛndɔɔ co le vanaa ci ya le-a, kɛ má laalan!»

Hebreea 2:4

Mí Hala pila tɛnda seile toɲale ndalen o dɛnnda kaamaalan a o dɛnnda kɔndɔfilta súú-súù ka nda va tosaa lan nin, a mɛɛ nda va valta kɔltan sɔlaa mɛɛ ndóò hɛnan Hala yɛ.

1Korɛntea 1:22

Yuifia co dɛnnda kɔndɔfiltan nuwviaa, mì Krɛkia nda va kɔlkaloo nuwviaa.

Daniɛl 4:2

Icɔllo pum, mí sɔl lɔan. Mí siòònde bii ya taw, kani yiyannda luɛi ya o kɔl o kpele nuu coo lan a vunduma ya ce o yiyan nuu nin-ndan máà vueinun ya taw.

Dɛnnda kiilaa 2:22

Niaa Israɛlla, puapilɛa nia, la yaŋ nilan o sɔɔn mun! Yeesu fula Nasarɛt-o, langbanɔ kon Hala cɛl ndu niaa tɛɛn o dɛnnda kaamaalan nin, o dɛnnda kɔndɔfiltan nin a o tɔɔmaselela o va tosaa niaa tɛɛn-ndan nin, maa mɛɛ niaa sina kon válán yɛ.

Nsaŋ 12:37

A kaamaala kaakuula o tosa lan nda o hɔl-tan kpede, ndáà laalan ndu le,

2Korɛntea 12:12

La ce biuvɔn nuu o dɛnnda cɔm maa kiilanɔɔ ya co ni lan niaa tɛɛn, lan la yɔŋnun tɔɔmaselelan, dɛnnda kɔndɔfiltan a kaamaalan ni.

Rɔmnda 15:19

o kpaaya Kɔl-Diandaa bɛngu ni. Lelan ya sɛŋi Yoongu kɛndɛ Krista-o ɲɛkɛndɛi kandɔɔ Yerusalɛm kɔlan háá o tàndá Iliri-o nin ni.

Dɛnnda kiilaa 14:3

Kɛ nduyɛ, mí Pol nda Barnabas a cii telen vilɛi Ikoniɔm ciee. A va sɔɛi a laalanndo, kani ndáà tiindan Mɛlɛka, mí Mɛlɛka cɛl, má tosa dɛnnda kaamaalan a dɛnnda kɔndɔfiltan le cɔmndo maa toɲaa sɔɛi nda va dimio a kɛndɛi ndɔɛi o kɔɔ-e va ni.

Marke 13:22

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, le vanaa sɔla hɛlio-a lueiyo o pɔwlan nin, taa tiw pɛ ba.

Matie 24:24

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, mà kɔɛ bɛɛ hali le vanaa sɔla hɛlio-a lueiyo o pɔwlan nin, taa tiw pɛ ba.

Dɛnnda kiilaa 2:43

Sióónde i va vana-vana, kani kiilaa kan a va dɛnnda kaamaalan a dɛnnda kɔndɔfiltan tosaa o diola Hala lan.

Nsaŋ 2:18

O kon mí Yuifia cua sɔɛi, má dimul ndu aa: «Ɔ́ɔ̀ tɔɔmasale cɔm naa maa a nɔ dí le tosaa nuaa-o?»

Luke 16:31

Mí Abraham dimul ndu aa: ‹Te a tui Moise a vanaa-tɛɛngaa-diom Hala-a diom te, mɛɛ vanndo fula bɛɛ vanvílɛ́iya tɛɛn, a laalannin ndu le.›»

Kundalan 14:11

Mí Mɛlɛka dimul Moise aa: «Mì vannda ha lo ya pɛɛsaa háá lɔ́ɔ́ kuɛɛ nɛ? Mà lo ya kɛɔ laalanndo háá lɔ́ɔ́ kuɛɛ nɛ? Nduyɛ, i tosa sɔɔn kaaman taw nda tɛɛn.

2Tesalonikea 2:9

Vana kɔlvesɛiyo hunnin a kpaaya Setana-o, mò tosa dɛnnda kpaayala súú-súù ka, kaamaalan a kɔndɔfilta lacòòvalan.

Dɛnnda kiilaa 15:12

O kon mí nda kpow a mei, má yaŋ Barnabas nda Pol nilan, má cɔm nda dɛnnda kaamaalan a dɛnnda kɔndɔfilta Hala tosa a nda vanaa co N'Yuifi le-a tɛɛn ndan.

Dɛnnda kiilaa 7:36

Ndu soli nda o lɛŋnde Esipte len nin ni, mó tosa dɛnnda kaamaalan a dɛnnda kɔndɔfiltan o lɛŋnde len nin, o mɛmma ihɛlma makpɛ̀ndɛ̀an taŋɔɔ, a o vɔsila belehiɔɔlula nda cii o lɛŋnde veselɛilen nin-ndan bɛngu ni.

Dɛnnda kiilaa 6:8

Mí Hala pei Etiɛn a kɛndɛi a á kpaayaa, o va dɛnnda kaamaalan a dɛnnda kɔndɔfiltan tosaa vannda tɛɛn.

Dɛnnda kiilaa 5:12

Dɛnnda kaamaalan a dɛnnda kɔndɔfiltan taw kiilaa tosa vannda tɛɛn ni. Vanaa laalannda va cuungianndo o tongo Salomɔn-ndo bɛngu lɔ́ɔ́-lɔ́ɔ̀.

Dɛnnda kiilaa 4:30

Siɛndi ba nɔmndo mì vannda sɔla siongɔɔ, mì dɛnnda kaamaalan a dɛnnda kɔndɔfiltan la tosan o diola Yeesu, vana baalaa diandaa nɔmndo.»

Dɛnnda kiilaa 2:19

I tosanin dɛnnda kɔndɔfiltan coocoo o halataalaa nin, mì tosa tɔɔmaselelan o lɛŋnden coo nanu: koovan, yinnden a tindile ikumnden le vanin.

Nsaŋ 15:24

Te yáà tosá dɛnnda vana celen nɔ̀la tosà le lan nda tɛɛn te, ndáà nɔ nin haki le. Kɛ nihau, a ce lan, o kon má kɛɛ ya naa Fuɲa nuu.

Luke 10:18

Mí Yeesu dimul nda aa: «I ce Setana delɔɔ fulaa o halataala maa piɔɔ-volia.

Matie 27:42

«O ciindiaa caaŋaa celen, vɛ̀ɛ̀ mo bumba ndu pila ciindian? Ndu co masa Israɛlla ni, o tol-lɔ niko o yɔm singafilaa coo. O kon mì n laalan ndu.

Matie 16:1

Mí Faliisia a Sadusea sɔɔnguu Yeesu ikɛi le ndu kɔlɔɔ solio. Má ɲuna ndu le nda dɛnɛ kaamaa fula o halataala-o cɔmndo.

Daniɛl 6:27

«Tɔŋ ya yii-yo co hoo ni: O masale nilen kpow nin, vannda bɛnda mà nɔ bɛɛlen a siòònde le Hala Daniɛl-lo, kani ndu co Hala yoomaa ni. Ndu co yoomu le fɛɛn a fɛɛn ni. Masale ndɔlen le tembunin te. Vanabɛnduyɛi ndɔɛi i nɔ lamɛɛlu le.

Nsaŋ 4:49

Mí simlacinɔ bɛndu kon dimul Yeesu aa: «Maalii, keleŋa lakɔ yɔŋii pole nilen le vunnun.»