Nsaŋ 4:41 - BII BILA

⁴¹ Mí vannda laalan vɛlɛ taw le sɔɛi ndɔɛi,

Nsaŋ 4:41 Referans Kwoze

Dɛnnda kiilaa 1:8

Kɛ la sɔlanin kpaayaa lɔ́ɔ́ Kɔl-Diandaa toalnin niaa coo-o. O kon, la siŋnunnin seyaa nia Yerusalɛm ciee, o tàndá Yuda-o nin a o lɛŋnde Samari len nin kpow, kɔlan tiiyaa háá o lɛŋnden mɛɛlulan.»

Dɛnnda kiilaa 8:12

Kɛ ndáà laalanndo Yoongu Kɛndɛ Filipe tiiyal nda a Masale Hala len a á Yeesu Krista o kɔɔ-o, má sɔla yinɔɔ: vanpiaandua a vanlaandua.

Dɛnnda kiilaa 8:25

Piɛr nda Nsaŋ ciiyo vannda sɔɛi Mɛlɛka-e tiiyilallo, má muungu Yerusalɛm. Telen nda va kon muungoo-o, má kei vannda Yoongu Kɛndɛ Hala-o tiiyal o cieon taw o lɛŋnde Samari len nin.

Nsaŋ 6:63

Kɔl Hala-o ke vana yoomoo ni. Diallon nɛŋi mako kɛ́-kɛ̀ le. Kɔl Hala-o a yoomoo sɔɔn ya dimul niaa-on co ni.

Hebreea 4:13

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

Dɛnnda kiilaa 15:3

Mí vanaa Hala-a Antiɔs liila nda. Má kei Fenisi a Samari, má dimul vannda mɛɛ vanaa co N'Yuifi le-a a va Hala hɔlla mulullo yɛ. Mí puapilɛa kan kpow a dɔawnun ɲaale taw a tuu kon.

Nsaŋ 7:46

Mí kpalilla muli aa: «Kabi bɛɛ vanaciee suu vɔ maa langbanɔɔ ho le.»

Luke 4:32

Mí sɔɔn o va nda pɛɛkoo-on n va nda kɔltan pilanndo, kani o va sɔɛi a kpaayaa.

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

Nsaŋ 4:40

O kon Samaria hunɔɔ o ndu lo, má tɛɛlun ndu le lou nda ndaa latulu. Mó tosa lon palɛi ndii ŋiin.

Nsaŋ 4:42

má va cuaa dimullo aa: «O co lɛ le ɲɛ n dimul naa-o le naa n laalan te, kani naa pila n tuei, nduyɛ n sina maa ndu co Vana ciindiaa ceendo lekɛ́ndɛi ni.»