Nsaŋ 4:34 - BII BILA

³⁴ Mí Yeesu dimul nda aa: «Ɲɛdiaa nuu co hɛnan vana vem ya-o tosaa a vali ndɔɔ siowvo ni.

Nsaŋ 4:34 Referans Kwoze

Nsaŋ 6:38

kani i fula o halataala mì toal le hɛnan ni tosa le, kɛ le hɛnan vana vem ya-o tosaa.

Nsaŋ 5:30

Ya, i tiwbà ɲɛ-ɲɛ tosa a ba ni le, mɛɛ ya tuɛi yɛ, lende ya i kialu yamɛi ni. Nduyɛ yamɛi kɛ́-kɛ̀ ya i kelu pɛ, i sandu, kani o co hɛnan ni le ya co nuwviaa le, fɔ hɛnan vana vem ya-o.»

SƐBƐ YƆB-O 23:12

I kɛɛ tɔŋnda fula ndu o sondo lan te, i mal yeemɛi nii le sɔɔn fula ndu o sondo-on biyɔɔ.

Nsaŋ 17:4

I biilu nɔm o lɛŋnden coo, mí i cii vali n ke ya le tosaa-o tosa.

Nsaŋ 19:30

Yeesu sɔsaa mɔima man, mó dimi aa: «Ɲɛ-ɲɛ cuu peelɔn!» O kon mó landu bollen, mó malnun kɔl.

Matie 26:39

O kon mɛɛ o kɔɛ tiŋ laci, mó del o kuumbuan lɛŋ, mó piɛi Hala aa: «Pua, too nɔla pɛ tosan, cɛl mi i kol a taala kólaa sangaa ho le. Kɛ nduyɛ, o va mɛɛ ya i yeema yɛ le, tosa mɛɛ o hɛnan nɔm yɛ.»

Nsaŋ 5:36

Nduyɛ ya, seile nilen le hiow polon a le Nsaŋ-nden, kani hali dɛnnda Pua cɛl-la le tosaa mì va lan tosaa lan bɛɛ la cɔm maa Pua vem ya ni.

Nsaŋ 4:32

Kɛ mó dimul nda aa: «I nɔ ɲɛdiaa nuu, o niaa sina loo.»

Luke 19:10

Kani Po vanacieo hin le vanaa va o lou nin-nda nuwviaa, mò ciindiaa nda.»

Condii lisai 40:8

O kon mí dimi aa: «Má cè ya! Ya pila i hin o nɔm ndo. I saalun ɲɛ ya bɛnda le tosaa-o o sɛvaa o sɛbɛ simbulaa nin.»

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

Luke 15:10

Mì dimul niaa, lende koni mɛlɛkaa Hala-a a dɔawnun ɲaale le vana yɔŋ vɔɔn mal yɔŋ ndɔ vɔɔndo, mò mangalan-ndo ni.»

Dɛnnda kiilaa 20:35

O dɛnndan nin kpow, mí cɔm niaa maa mɛɛ mì vana tosa baalaa le vanaa bala fondoa-a malaa, mì vana loonun a sɔɔn Maalii Yeesu pila dimi-on aa: Vanndo ɲɔɔ keo hiow vana dɛnɛ kɛndɔɔ yɔngoo a vanndo nɔm ɲɔɔ keo.»

Nsaŋ 6:33

Kani ɲɛdiaa Hala-o, ndu co o fula o halataala mó ke ceendo cindaa-o ni.»

Matie 3:15

Mí Yeesu mulul ndu aa: «Cɛl pɔɔ mì i tosan lende, kani lende naa n bɛnda le dɛnɛ sandaa kpow peeloo ni.» O kon mí Nsaŋ cɛl.

Luke 2:49

Mó mulul nda aa: «Le yɛɛ niaa co yɛ ya nuwviaa? La sina le maa mɛɛ mì va o Fuɲa nuu lo cɛinin?»

Nsaŋ 8:29

Vana vem ya-o co ya ikɛi, o mel-la ya pilɛ kpé le, kani ɲɛ hɛnan ndu-o ya co tosaa lɔ́ɔ́-lɔ́ɔ̀ ni.»

Nsaŋ 19:28

O kon kɔɔli, mɛɛ Yeesu sina maa o cii baala ndɔɔ kpow, mó dimi aa: «Kolɔɔ bii ya.» Haliko mi ɲɛ Sɛbɛ Hala-o dimi-o peelun.

Matie 9:19

Mí Yeesu can, mó kɔa ndu kɔɔli nda kaandeŋaa ndɔa.