Nsaŋ 4:32 - BII BILA

³² Kɛ mó dimul nda aa: «I nɔ ɲɛdiaa nuu, o niaa sina loo.»

Nsaŋ 4:32 Referans Kwoze

SƐBƐ YƆB-O 23:12

I kɛɛ tɔŋnda fula ndu o sondo lan te, i mal yeemɛi nii le sɔɔn fula ndu o sondo-on biyɔɔ.

Nsaŋ 4:34

Mí Yeesu dimul nda aa: «Ɲɛdiaa nuu co hɛnan vana vem ya-o tosaa a vali ndɔɔ siowvo ni.

Condii lisai 119:103

Sɔɔn nɔmndon n yeela bɔɔ ya o lediɛɛmu, n hiow lɛan yeelaa ya o sondo.

Yeremi 15:16

Mí candu sɔɔn nɔmndon, o kon mí dia mun. N co ya kɔllo nɛŋio, kani le nɔm ya co ni, nɔm Mɛlɛka, Hala-Nɔ-Kpaayaa-Kpow-vo.

Talelan 18:20

Vanacieo nɔla mò dɔwnun balo a sɔɔn fulà ndu o sondo-on, ɲɛ o dimi-o pimi ndu ni.

Talelan 14:10

Mɔnɛi co vanndo o kɔl-le, ndu pilɛ kpé sina ndi ni. Ndu pilɛ kpé sina vɛlɛ kɔlkɛndɛ co ndu o kɔl-lo ni, vana celen nɔla dɛnnda lan sinanndo maa ndu pila le.

Condii lisai 63:5

Háá mì vi, i vanin nɔm balikaa mello, i vanin balan heeloo coo mì va nɔm piɛiyo.

Condii lisai 25:14

Vanaa nɔ siòòŋii Mɛlɛka-e-a, nda Mɛlɛka cɔm sɔɔn ndɔn viannanndon ni, le nda kpema ndɔɔ cɔmndo.

Dɛnnda cɔɔmuanndan 2:17

Vana nɔ pɛ nilan, mɛɛ ndú tuéi ɲɛ Kɔl-Diandaa co vanaa laalannda dimullo-o. Vana nɔlanin-nda, i kenin ndu manne vianaa a pow humboo, pow diola sɛnɛila lasɛvaa coo-o, vana-vana sina diola lan te fɔ vana sɔla lan-ndo.›»

Dɛnnda kiilaa 20:35

O dɛnndan nin kpow, mí cɔm niaa maa mɛɛ mì vana tosa baalaa le vanaa bala fondoa-a malaa, mì vana loonun a sɔɔn Maalii Yeesu pila dimi-on aa: Vanndo ɲɔɔ keo hiow vana dɛnɛ kɛndɔɔ yɔngoo a vanndo nɔm ɲɔɔ keo.»

Esai 53:11

Lɔ́ɔ́ o ciinin sangalan ndan kpede sɔla-o, o canin ɲɛ-tengaa mò pim ca. Le sinapɛngu nda sɔlanin a ndu o kɔɔ-o, vana ni baala sandaa siinguunin vannda taw vanaa sadaa, o siilunnin tɛɛmbuula ndalan.

Nsaŋ 4:31

O telen kon, kaandennda va Yeesu ɲɔɔloo aa: «Kɔɔfa, dio ɲɛdiaa!»

Nsaŋ 4:33

O kon mí kaandennda va dimulanndo aa: «Mò va maa vanndo ke ndu ɲɛdiaa ni?»