23 Kɛ telen co tiiya, o cuu yɛ nin bɛɛ tiiya, mì vanaa biilaa kpeekpeiya biilu Pua o kɔllo a o toɲaa nin, kani vanaa biilaa vaa lende Pua co nuwviaa ni.
Kani, naa co faleŋaa kpeekpeiya ni, naa co Hala biiloo o hɛnan Kɔl-Diandaa bɛngu, mì n va sangalanndo o Yeesu Krista nin-nda, naa tiindan dɛnnda n'falulan te-a pɛɛn.
I co niaa toɲaa dimul kpendekele, telen pum co tiiya, o tiiyaa koni o co yɛ nin nuaa ni, mì vanvílɛ́iya tuei Po Hala-o diom, nduyɛ vanaa tueinin ndu kan diom-nda a vanin yoomu.
Lende koni Kɔl-Diandaa co naa malaa o kpaaya naa lepɛŋndo nin ni, kani n sinà ɲɛ naa n bɛnda le ɲunaa o piɛile naalen nin-ndo le. Kɛ Kɔl-Diandaa pila co piɛilen le naa a kuŋnda vanaciee nɔla tuula le lan.
La piɛi Hala telen oo telen. La va piɛile súú-súù ka a tɛɛlɔnnda súú-súù ka tosaa a kpaaya Kɔl-Diandaa. Lelan, la mɛɛndian mì la kindin o ken coo taw. La piɛi le vanaa diandaa kpow.
Maalii dimi aa: «A sɔɛi sondoei daama vannda ha co sɔɔnguuo ya o ibuŋ ni, a n'cɔcɔ daama nda co ya biiloo ni, kɛ kɔlta ndalan la co bɔɔ levil a ya, siòòŋii nda nɔ a ya-e, tɔŋ dɛnɛ ivanacieeyaa daama i co ni.
A co ya nuwviaa lepalaa-lepala, a yeema ma sina nɛila nilan, maa vanaa-mangalaa-isɔɔa tosa dɛnɛ sandaa-a, a mel sandii Hala nda-e le-a. A co ya ɲunaa le yaman sandan kiolɔɔ, a yeema ma va ya Hala macɛlu kpɛɛlun.
O co kɔl siinguu niaa n'cɛ mì la cal vɛlɛ a isiòòn te niaa sɔla le, kɛ Kɔl siinguu niaa cuavaa Hala-a-o. Ndu koni tosa ni mì n veelu Hala aa: «Pua, Fuɲa naa».
Mí Yosue dimul nda aa: «O laan, siòòŋii Mɛlɛka-e va niaa, mì la tosal ndu baalaa a kɔlta niaalan kpede, mì la lo o lediom coo a ndu. La mal halaa fuɲaa niaa mamaa va biiloo peo leeloo-a, halaa Esiptea pɛɛn, mì la tosal Mɛlɛka baalaa.
Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.
I cua hakio a nɔm, nɔm pilɛ kpé, mí tosa ɲɛ co yɔŋ vɔɔndo nɔm o hɔl-lo. Le hee, sɔɛi-sɔɛi n dimi pɛ, a nɔ dí, yamɛi n kilunin ya-e venin yamɛi lakafa le.
Telen co hunɔɔ tiiya, o cuu yɛnin bɛɛ tiiya, mì la sɛŋin, mì vana-vana kɔɛ kpengii ndɔ, mì la mɛi ya ya pilɛ kpé. Kɛ i co ya pilɛ le, kani Pua co ya ikɛi.
Éé Hala nuu! I sina maa o kɔltan nin di n tofa vana ni, a yeema vɛlɛ dɛnɛ sandaa. Nduyɛ, a kɔl ni sandaa ya yɔngu nɔm ɲɛm-kéan mun kpow ni. I co nihau cɔu mɛɛ vanaa nɔmaa co haa nanu-a co nɔm ɲɛm-kéan yɔngoo a ɲaaloo yɛ.
I co vanndo nuwviaa o nda tɛɛn, le o nɔla mò cɔw kpakio, mò sim o tɛɛngei nin coocoo ya o hɔl le sɔɛi le lɛŋnden-ndo, yɔŋii lɛŋnden le tambu, mì le piɔl, kɛ i seelun-ndɔ vana vaa lende le.
Éé poonpoon ni laandu nɔ vɛɛnnden o tɛɛngon nin o powta kpovalan tɛɛn-ndo, ó co o viannanndo nɛɛ feke-fekea-o. Cɔm ya hɔlaa nɔmnda, tosa mì tuei diom nɔmndo. Kani a naŋ bɔɔ diomndo, a naŋ bɔɔ vɛlɛ hɔlla.›»
A solinin niaa o cɛila lekaanndan nin. Hiovɔɔ o kon coo, telenndo pum tiiyanin, vanaa vanin niaa diwvo-a vanin yiyanndo maa baala Hala-o nda vanin tosa kon lende ni.