Nsaŋ 4:18 - BII BILA

¹⁸ Kani a kei piaandua nda ŋuɛɛnu o ba. O n co sisa o ba-o, ndu bɛɛ co pɔnɔ nɔm te. Lelan taa dimi lende pɛ, a dimi toɲa.»

Nsaŋ 4:18 Referans Kwoze

Yeremi 3:20

Kɛ niaa Israɛlla, mí la hui ya mɛɛ vanalanɔɔ kɛɛ lou o lediom coo a pɔnɔ ndɔ yɛ. Ya Mɛlɛka co sɔɛi nuaa ni.

Marke 10:12

Te vanalanɔɔ kɛɛ pɛ pɔnɔ ndɔ, mò kɔ cal o nɔ celen, o suunda.»

Rɔmnda 7:3

Lelan, te pɔnɔ ndɔ co vɔ pɛ yoomu, mò cal o nɔu vanapɔnɔ celen o ba, mɛɛ vana suundɛiyo o co ni. Kɛ te pɔnɔ ndɔ vi pɛ, mɛɛ o co lɛ o tɔŋ bɛngu le. Vanapɔnɔ celen yil nin bɛɛ ndu o nɔ̀u nin, o ve vana suundɛi le ken te.

Esekiɛl 16:32

Kɛ maa vanalanɔ tiamaa co o nɔu mò va pɔnɔ ndɔ dúmbóó yiiyo le kɔlan tiɔmɔɔ a vanpiaandua celen-ndo n yɔŋnun o kon ni.

Ruti 4:10

mí lóò vɛlɛ Ruti Moabunɔ, mó siŋnun laa nuu, haliko mi diola fɔ̀nɔ̀ɔ́ lan la lo o kɛ́ ndɔɔ coo, yɔŋii diola ndɔlan la ɲum puapilɛa ndɔa tɛɛn a o kobi ndɔɔ nin. Lelan, niaa co hau seiya le dɛnɔɔ ho ni.»

Kundalan 5:29

Tɔŋndo co kon a dɛnɛ paŋalaa o kɔɔ ni, te vanalanɔ co o nɔu-vo yii pɛ pɔnɔ ndɔ dúmbú mò nɔɔlian Mɛlɛka o hɔl,

O Kandɔɔ 34:31

Mí Simeɔn nda Levii a mulul ndu aa: «Vɛ̀ɛ̀ ndáà bɛnda pá mì ndáà tosa a yema naa maa vanalanɔ suundɛi?»

O Kandɔɔ 34:2

Mí Sikɛm, po Hamɔr Heviinɔ va masalen tosaa o tàndà kon coo-o ca ndu. Mó kpuva ndu, mó hini a ndu, mó tɛɛmbuu ndu labɛɛ.

O Kandɔɔ 20:3

Kɛ mí Hala hun o Abimelɛk lo icɔllo o lɔma sɔlaan nin, mó dimul ndu aa: «A co piɔ́mndo sɔla le lanɔ n cua hoo-o, kani o nɔ̀u o co ni.»

Hebreea 13:4

Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.

Nsaŋ 4:17

Mí vuɛɛndo mulul ndu aa: «I nɔ pɔnɔ le.» Mí Yeesu dimul ndu aa: «A nɔ dí le dimio maa a nɔ pɔnɔ le.

Nsaŋ 4:19

Mí vuɛɛndo dimi aa: «Maalii, i ce maa vana-tɛɛngaa-diom Hala-o n co ni.

Esekiɛl 16:35

Lelan nɔm Yerusalɛn suundɛiyo ho se! Yaŋ nilan o sɔɛi Mɛlɛka-e!

Nsaŋ 4:16

Mí Yeesu dimul ndu aa: «Kɔ veelu pɔnɔ nɔm mà muungu nanu.»