Nsaŋ 4:16 - BII BILA

¹⁶ Mí Yeesu dimul ndu aa: «Kɔ veelu pɔnɔ nɔm mà muungu nanu.»

Nsaŋ 4:16 Referans Kwoze

Hebreea 4:13

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Nsaŋ 21:17

Mó ɲuna ndu o yàándɔɔ aa: «Simɔn po Yonas-o, vɛ̀ɛ̀ a kaola ya pá?» Mí kɔllo tambu Piɛr le peelu Yeesu peelu ndu sɔɛi ken ɲunaa bɛmbɛ leyáá-o. O kon mó mulul ndu aa: «Maalii, a sínà dɛnndan kpow, a sínà maa i kaola nɔm.» Mí Yeesu dimul ndu aa: «Landu hɔlla saa niaa coo.

Nsaŋ 4:18

Kani a kei piaandua nda ŋuɛɛnu o ba. O n co sisa o ba-o, ndu bɛɛ co pɔnɔ nɔm te. Lelan taa dimi lende pɛ, a dimi toɲa.»

Nsaŋ 1:42

Mó kɔa a ndu o Yeesu lo. Mí Yeesu tofa ndu, mó dimi aa: «Simɔn n co ni, po Yonas-o. A veelunin nɔm aa Sefas», kon co dimio ni aa «Powvo».

Nsaŋ 4:15

Mí vuɛɛndo dimul ndu aa: «Maalii, ke ya mɛmma man, haliko kolɔɔ bii lɛ ya mì hin mamɛn kɔndɔɔ nanu le.»

Nsaŋ 4:17

Mí vuɛɛndo mulul ndu aa: «I nɔ pɔnɔ le.» Mí Yeesu dimul ndu aa: «A nɔ dí le dimio maa a nɔ pɔnɔ le.