Biblia Todo Logo
Bib sou entènèt

- Piblisite -




Nsaŋ 4:10 - BII BILA

10 Mí Yeesu mulul ndu aa: «Te nɔm óò sina pɛ ke Hala-o, a vana co nɔm hoo dimullo aa: ‹Ke ya mɛnndan mì kol›-lo, nɔm va ndu mɛmma kolan piɛi ni, mì ndóò ke nɔm mɛmma yɔngu vana cindaa-an.»

Gade chapit la Kopi




Nsaŋ 4:10
49 Referans Kwoze  

kɛ vana kol pɛ mɛmma ya co ndu yɔngu-an, kolɔɔ bii lɛnin ndu lɔ́ɔ́-lɔ́ɔ̀ le. Mɛmma ya co ndu man yɔngu-an ma siŋnunnin pee-lebollo ndu nin, mì mɛmma ndɔan ma kɔɛ háá o cinda fɛɛn-fɛɛndo nin.»


Kani Saa téndé co o kpɛŋɛ lemasaa tɛɛn-ndo nɔnin nda hɔlten coo. O simnin nda laci le nda yɔɔ o soonnda kólaala mɛmma yoomaalan. Hala vɔɔsuunin nda mɛmɛan kpow o lahɔl.»


Kani i tiwnin mɛnndan o lɛŋnde co levesɛilen kpow coo. I solinin peela pɔmbɔlan o lɛŋnde kalonkalonnden nin. I cucunin kɔl nuu yungu niaa coo. I dɔawnin cuavaa fula niaa o ipulu-a duaa taw.


Mó dimul-la vɛlɛ aa: «I cuu tosan, ya co vana tasoo a vana mɛɛlaa ni, kandɔnndo a mɛɛlulan pɛɛn. Vana kolɔɔ bii pɛ, i kenin ndu soon mɛmma yoomaa, o venin a vɔngu le.


Kani Hala kaola ceendo háá mó yɔngu Po ndɔ pilɔɔ, haliko vana-vana laalan ndu pɛ, o kue o ɲánndávàà le, kɛ o sɔla yoomu fɛɛn-fɛɛndo.


Kani sala tiɔn vanaa nia tosa dɛnɛ vɔɔndo ni: a kɛɛ ya vana co soon mɛmma cindaa-o, má tuwnun soonnda mandaa mamɛnndan, o co yɛ soonnda kɛndɛ le, mɛmma cel lenin te.›


Mí Kɔl Hala-o a lanɔɔ Saa téndóó va dimio aa: «Hun!». Vana tuei pɛ ndu bɛɛ veelu aa: «Hun!». Vana kolɔɔ bii pɛ, o hun. Vana yeema pɛ, o hun kɔndu mɛmma yooman, o co a vɔngu le.


O palɛi ken, mɛmma soonndan ma vanin fulaa Yerusalɛm. Matiŋ ma vanin kɔlan a ba mɛmma ihɛlma co a ba paalen le can-ndo-an, mì matiŋ ma va kɔlan a ba mɛmma ihɛlma co a kpengii paalen le del-lo-an. Lende ɲɔɔ vanin tosanndo vɔɔlen a sialten ni.


Ndu kuunan Po ndɔ ndu pila-o coo loo, kɛ mó faŋa ndu baa coo le naa kpow, baa mò kɛɛ naa ɲɔɔn kpow ke naa Po ndɔ kon-ngaa latulu?


Nda kpow, má kol ɲɛ kɔl pilɔɔ fulaa Mɛlɛka o ba, kani mí nda kpow a kol o pow kpova kɔl fula Mɛlɛka o ba-o, ó va nda liilaa-o pɛɛn. Pow kpova kon yɛ, ndu co Krista ni.


La kɔandunin mɛnndan a kɔlkɛndɔɔ o soonnda cindaalan nin.


Mí Yeesu dimul nda aa: «Ya, ɲɛdiaa cindaa ya co ni. Vana hin pɛ o ya lo, yima nɛi ndu lɔ́ɔ́-lɔ́ɔ̀ le, vana laalan ya pɛ, kolɔɔ bii ndu lɔ́ɔ́-lɔ́ɔ̀ le.


Yima venin nda coo le, bolola vesanin nda le, yelenyelenndo a paalen le saangiaanin nda le, kani vana nɔ ɲíí ndɛi-yo simnin nda laci, o kɔanin a nda o peela leboltan.


«Paale len, mɛnndan ma fulanin o soondo nin le yungu David-o a vanaa vanin Yerusalɛm-nda pulɔɔ le hakio a le dɛnɛ nɔɔlɛiyo.»


Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.


Ya, ya co ɲɛdiaa kiyɛi tol fulaa o halataala-o ni. Te vanndo de pɛ ɲɛdiaa kon, o vanin yoomu le fɛɛn a fɛɛn. Ɲɛdiaa ya yɔngunin-ndo, ndu co dialun nun ni, haliko mi ceendo va yoomu.»


Visia yondoa biilunin ya, tivolla a soninkɔnɔa a biilunin ya, kani i solinin mɛnndan o lɛŋnde veselɛilen nin, I solinin peela bɛndulan o fondala vesɛila kékélélan nin le yungu nuu koesio, yungu ni ya hɛli-o.


vana pelii tambɛiyo huulunin maa kial seeli, diɛɛmule bobonɔɔ le timbinnin mò yonda a kɔlkɛndɔɔ. Kani mɛnndan ma bulinin o lɛŋnde veselɛilen nin, peela pɔmbɔlan la piɔlnin o dɛɛlala vesɛilan nin.


mì mɛnndan ma va iyongban-yongbannde, mì hiiyo va fulaa, mì ma hel háá mì pembon ɲiiya, siòòŋii bíì naa le.


Ya Mɛlɛka yɛ, i co va isisi nɔm laci o pow kpovaa coo o pembei Horɛb. A tiiya pɛ lon, a lɔɔ pow kpova kon a tindaa. O kon, mɛnndan ma fulanin ndon, mì Israɛlla kpow a kol man.» Mí Moise tosa lende kaasoŋaa kɔlkalua Israɛlla o hɔl.


N melnun Hala balika le kɛndɛi ndɔɛi bɛndui sulan he a ɲɛ-ɲɛ lei.


Niaa vanaa vɔɔnda co vɔ cuavaa niaa ɲɛm kɛndɔn keo, ko nin te Fuɲa niaa co o halataala-o, vɛ̀ɛ̀ o kɛɛ yɛnin vanaa co ndu ɲunaa-a Hala Kɔl-Diandaa yɔngu!»


«Ya Mɛlɛka, i veelu nɔm o dɛnɛ sandaa nin, i saanin nɔm baa mì kanda nɔm. I kɛsinin nɔm le kpema ya yii a vannda ha-o vaa hɔlten, le vaa ɲɛ-tengaa vanaa-mangalaa-isɔɔa,


Kani le kɛndɛi Hala-e niaa sɔla cindaa ni, le laalan niaa laalan ndu-o. O co niaa pila o ba le cinda kon fula le, ke Hala-o co kon ni.


Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,


Tofa vɔ ɲɛ o tosanin-ndo: masalen pɛngɛlaa mì le kui, vana co o kpɛŋɛ lemasa David-o coo-o a masale ndɔlen kɔlɲulu nɔ lamɛɛlu loo yɔngoo, yoomuan masale ndɔlen lueiyo a len simio yili, a dɛnɛ sandaa a sakpoyɛi, kandɔɔ sisa háá le fɛɛn a fɛɛn. Dɛnndan ndan Mɛlɛka-Nɔ-Kpaayaa-Kpow-vo tosanin a dialun fulaan ni.›»


N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.


A tosanin ken le tùú nda kɛɛ ya a Pua sinaa-o.


Mí Mɛlɛka dimul ndu aa: «Cɔn ma kɔɛ o nɛi nda veelu aa Nɛi-Sandaa-o, mà kɔ luɛi o Yuda lo cɛinin, mà ɲuna. Langbanɔ pilɛ fula Tarse diolan Sol, o co Hala piɛiyo lon,


Nɔm Mɛlɛka, a co yeemɛi vanaa bala fondoa tueyɔɔ, a co nda yoomuan lueiyo, a co nilan yaŋɔɔ o cɛɛŋɔnnda ndalan,


Pee pɔɔliaa nakɔlan-ndo n co ni, pee mɛnndan ma co hiovɔɔ nin-ndo n co o peela pɔmbɔlan Liban tɛɛn ni.


N tofan ndɔ sɔɛi vanaa muungu mà del o ceen nda paandoo nin-nda. A sɔla ɲɛ-tengaa Hala-o, má sɔla ke Hala-o, má sɔla Hala Kɔl-Diandaa,


Lelan nɔm Yerusalɛn suundɛiyo ho se! Yaŋ nilan o sɔɛi Mɛlɛka-e!


Swiv nou:

Piblisite


Piblisite