Nsaŋ 3:7 - BII BILA

⁷ Kɔndɔfili bii nɔm le ɲɛ ya dimul nɔm maa, mɛɛ mà velun violɔn sɛnɛi-yo le.

Nsaŋ 3:7 Referans Kwoze

Nsaŋ 3:3

Mí Yeesu mulul ndu aa: «I co nɔm toɲaa dimul, vana-vana nɔla mò ce masale Hala len te, mɛɛ mò velun violɔn sɛnɛi.»

Dɛnnda cɔɔmuanndan 21:27

Ɲɛ-ɲɛ nɔɔlɛi lueinin ndon te, vana lamàà a vana lacòòvaa lueinin ndon te, fɔ vanaa diola ndalan la sɛvan o sɛbɛ yoomaa Saa téndóó nin-nda kínɛí.

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

Hebreea 12:14

La kindin le vaa o kɔlɲuloo nin a vannda kpow, mì la va a diandaa. Kani te o co o dindinndo nin te, vana-vana cinin Maalii le.

Kolɔsea 1:12

La mel Pua Hala balika a ɲaaloo le tùú o cɛl niaa, mí la sɔla kɛ́ co o mandaa o masale ɲɛ-tengaalen nin le vanaa ndɔa-o.

Nsaŋ 3:12

Te la laalan telen ya co niaa sɔɔn co o lɛŋnden coo-on dimullo le, vɛ̀ɛ̀ niaa laalan yɛnin telen ya dimulnin niaa sɔɔn vaa o halataala?

SƐBƐ YƆB-O 15:14

Yɛɛ vanacieo co yɛ le cɔnnɔnndo o diandaa? Yɛɛ hɔ́ɔ́ fula vanalanɔɔ o ipulu-o co yɛ le cɔnnɔnndo o sandaa?

Nsaŋ 5:28

Kɔndɔfili bii niaa le ken te, kani telen pum co hunɔɔ tiiya mì vanaa co o sɛilan nin-nda kpow a tuei diom ndɔɔ,

Nsaŋ 3:6

O velun a falon-ndo, falon ndu co ni, o velun yɛ a Kɔl Hala-o o, kɔllo ndu co ni.

Nsaŋ 3:8

Nɛɛ hoeiye yeema-a, lon i hɔŋ ni, mà tuei ndi diom. Kɛ a sinà ba i co fulaa-o le, a sinà vɛlɛ ba i co kɔlan-ndo le. Lende koni o co vɛlɛ le vana-vana velun a Kɔl Hala-o ni.»