Nsaŋ 3:5 - BII BILA

⁵ Mí Yeesu mulul ndu aa: «I co nɔm toɲaa dimul, te vanacieo vilun a mɛnndan, mò velun a Kɔl Hala-o le, o nɔla luɛyɔɔ o masale Hala len nin te.

Nsaŋ 3:5 Referans Kwoze

Dɛnnda kiilaa 2:38

Mí Piɛr mulul nda aa: «La mangalan, mì vana-vana o niaa tɛɛn sɔla yinɔɔ o diola Yeesu lan, haliko mi hakila niaalan la malnun haki. O kon mì la sɔla ke Kɔl-Diandaa.

Efɛsea 5:26

Le kunda vanaa laalannda bɛndaa Hala o hɔl, mó dindi ndu a mɛnndan a á sɔɛi.

1Piɛr 3:21

Tuula yinɔɔ co niaa hau ciindiaa-o va kon ni, yinɔɔ kon dindi vana le nɔɔ n'faloo le, kɛ piɛilen o co le Hala yɔngɔnndo fasɛi ni, ndu ciindiaa vana a tendul Yeesu Krista-o o kɔɔ ni.

1Korɛntea 6:11

Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.

Matie 3:11

Ya, i co niaa yinɔɔ o mɛnndan nin le cɔmndo maa la mál yɔŋ vɔɔndo mì la mangalan. Kɛ vana co hunɔɔ o ya kɔɔli-o, ndu yinnin niaa a Kɔl-Diandaa a á yinnden ni. Ndu hiow ya kpaayaa, i co bɛɛ o sɔvɛ le ndu samtalan timbio le.

Nsaŋ 3:3

Mí Yeesu mulul ndu aa: «I co nɔm toɲaa dimul, vana-vana nɔla mò ce masale Hala len te, mɛɛ mò velun violɔn sɛnɛi.»

Marke 16:16

Vana-vana laalan pɛ mò sɔla yinɔɔ, ndu sɔlanin cindaa, kɛ vana laalan te, ndu sɔlanin yaalaa.

1Korɛntea 2:12

Nduyɛ, naa naa, o co kɔl ceendo ho le naa n sɔla le, kɛ Kɔl fula Hala o ba-o, haliko mi n sínà ɲɛ Hala ke naa fondo fúú-o.

Nsaŋ 1:13

A vilun o Hala nin mɛɛ vanacieo vialun yɛ le, te kon te mɛɛ hɛnan vanacieo co yɛ, kɛ Hala ke nda yoomu sɛnɛiyo ni.

1Nsaŋ 5:1

Vana-vana laalan pɛ maa Yeesu co Krista ni, mɛɛ ndu velun o Hala nin, vana-vana kaola pɛ fuɲaa, kaolaa o kaola vɛlɛ cuavaa fuɲa kon velu-a ni.

1Nsaŋ 2:29

Te la sínà pɛ maa Krista sandu, mɛɛ la sínà vɛlɛ maa vana-vana tosa pɛ dɛnɛ sandaa, mɛɛ cua Hala-o o co ni.

Kalatea 6:15

Kani ɲɛ co sɔɛi-yo, o co falenyɛi, te kon te kɔ̀ndélen te, kɛ ndu co vaa vanaciee cɔavaa sɛnɛi-yo ni.

Rɔmnda 14:17

Kani masale Hala len le co dɛnɛ ɲɛdiaa te kon te dɛnɛ kolaa le, kɛ dɛnɛ sandaa, kɔlɲuloo a ɲaaloo dɔwnɔnndo, o Kɔl-Diandaa yɔngu vana-o.

Matie 28:19

La kɔ mì la siinguu vanaa-mangalaa-isɔɔa súúlan kpow kaandennda, mì la yin nda o diola Fuɲaa, Poo a Kɔl-Diandaa,

Matie 18:3

mó dimi aa: «I co niaa toɲaa dimul, te la mangalan mì la muungu maa cuaambɔa pɔmbɔa le, la lueinin o masale halataala len nin te.

1Piɛr 1:2

Pua nuu Hala cii niaa hɛli mɛɛ o tuu paandu pá-pá yɛ, le tùú niaa sɔla dindio Kɔl-Diandaa o ba le sɔɛi Yeesu Krista-e biyɔɔ, mí la sɔla kooma ndɔan fasaŋiaa le dindio sɔlaa yɛ. Màá kɛndɛi a kɔlɲuloo va le niaa taw-taw!

Dɛnnda kiilaa 3:19

Lelan, la mangalan, mì la mal yɔŋ vɔɔndo, mì la mulul Hala hɔlla, haliko mo ɲumi hakila niaalan.

Luke 13:3

Ɛ-ɛ. Mì dimul niaa, te la mel yɔŋ vɔɔndo mì la mangalan te, lende koni niaa bɛɛ sɔlanin piɔ́mndo ni.

Matie 5:20

Kani mì dimul niaa, te dɛnɛ niaa sandaa hiw dɛnɛ sandaa vanaa pɛɛkaa latɔŋnda a Faliisia le, mɛɛ la lueinin o masale halataala len nin te.»

Rɔmnda 8:2

Kani tɔŋ Kɔl-Diandaa yɔ̀ngu vana yoomoo o Yeesu Krista nin-ndo baŋa ya tɔŋ hakio a tɔŋ piɔ́mndo o ba.

Luke 13:24

«La kindin le luɛyɔɔ o dio sɔɔkɛɲɛɛo, kani mì dimul niaa, vanaa bɔɔ-bɔɔ a kindikindinnin le luɛyɔɔ, kɛ a tiwnin ba le.

Luke 13:5

Kɛì-kɛì bɛɛ! Mì dimul niaa, te la mel yɔŋ vɔɔndo mì la mangalan te, lende niaa bɛɛ sɔlanin piɔ́mndo ni.»

Matie 19:24

Mì cɔɔlu niaa ndi dimul, ɲɔɔmɛɔ keiyo o tɛɛngii lesiɛndɛi nin hiow va bɛɛn-bɛɛn a vana bolofaa luɛyɔɔ o masale Hala len nin.»

Matie 21:31

O vanaa ŋiɔŋaa kan nin, ɔ́ɔ̀ o tosa hɛnan fuɲa ndɔ-o-o» Má muli aa: «O tasoo!» Mí Yeesu dimul nda aa: «Mì dimul niaa toɲaa, vanaa biyaa mulua a vanaa suundaa hiawnin niaa laci o masale Hala len nin.

Marke 9:47

Te hɔlte nɔmnden le co tosa mà mal nɛiyo ni, mɛɛ kala len, kani o co fisa mà luɛi o masale Hala len nin a hɔlten len pilɛ, a hɔltan nɔu tan tiɔn mà viow nɔm o ɲánndávàà.

Marke 10:14

Yeesu cɔu lende, mó tambu kɔllo, mó dimul nda aa: «La mal cuaambɔa pɔmbɔa hunɔɔ o ya lo, la kuuna nda le, kani le vanaa co maa nda-a masale Hala len le co ni.

Nsaŋ 3:4

Mí Nikodɛm dimul ndu aa: «Vɛɛ vanacieo nɔla yɛ vɛlɛ violɔn te o yuuva nin pɛ? O nɔla lɛ muungoo kala ndɔ o dembe mò velun te?»

1Korɛntea 15:50

Puapilɛa nia, ɲɛ ya co dimio-o co hoo ni, dialun puulon a koovan nɔla kɛ Masale Hala len sɔlaa le. Lende vɛlɛ koni, ɲɛ vu-o nɔla mò va ɲɛ pilɛ a ɲɛ vi loo le.