Nsaŋ 3:36 - BII BILA

³⁶ Vana laalan pɛ Poo, ndu sɔla yoomu fɛɛn-fɛɛndo. Vana kɛɛ pɛ le Poo laalanndo, ndu sɔlanin yoomu kon te, kɛ kɔltuw Hala-o vanin vana kon coo.»

Nsaŋ 3:36 Referans Kwoze

Nsaŋ 5:24

Mí Yeesu hiaw laci a nda dimullo aa: «I co niaa toɲaa dimul kpendekele, vana-vana tuei pɛ sɔɛi nii mò laalan vana vem ya-o, vana kon ndu sɔla cinda fɛɛn-fɛɛndo, o sɔla yaala le, kɛ o fula o piɔ́mndo nin, mó muungu yoomu.

Nsaŋ 1:12

Kɛ nduyɛ, vanaa cɛl ndu-a kpow, a laalan o diola ndɔlan-nda, mó ke nda dio le siŋnɔnndo cuavaa Hala-a.

1Tesalonikea 5:9

Kani Hala kɛsi naa le naa kɔl ndɔ tuwvo tuisio coo le, kɛ mì n sɔla cindaa Maalii naa Yeesu Krista kɔɔli.

Efɛsea 5:6

La cɛl mì vana-vana hui niaa a sɔɔn fondon te, kani le tɛɛmbuula vaa lende kɔltuw Hala-o toalnin vanaa co ndu simullo-a coo ni.

Rɔmnda 5:9

Sunsun yɛ, kooma ndɔan ma tosa mí n siŋnun vanaa sandaa Hala o hɔl. Hiovɔɔ o kon coo, o ciindiaanin naa le kɔltuw Hala-o.

Nsaŋ 8:51

I co niaa toɲaa dimul kpendekele, vana bii pɛ sɔɔn nun, ndu vi le.»

Nsaŋ 10:28

I yɔngu nda yoomu fɛɛn-fɛɛndo. A vinin lɔ́ɔ́-lɔ́ɔ̀ le, nduyɛ vana-vana solinin nda ya o ba le.

Nsaŋ 3:3

Mí Yeesu mulul ndu aa: «I co nɔm toɲaa dimul, vana-vana nɔla mò ce masale Hala len te, mɛɛ mò velun violɔn sɛnɛi.»

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

1Tesalonikea 1:10

Le Yeesu po ndɔɔ cumndo fulaa o halataala, o ndu Hala míngí yoomu fulaa vanvílɛ́iya tɛɛn, mó baŋa naa le kɔltuw co hunɔɔ-o-o.

Kundalan 32:11

‹Vanaa fula haa Esipte má nɔ hau vɔsilan bidiin háá hiovɔɔ bidiin-nda, a luei o lɛŋnde ya mɛnalan Abraham, Isaak Yakɔb le nda len keo len nin te few. Kani a bii diom nuu mà lo lecoo le,

Kalatea 3:10

Kani vanaa-vanaa tiindan tɔŋndan biyɔɔ, nda co o dangaa bɛngu, kani o co o sɛvaa aa: «Dangaa co le vana biinin sɔɔn co n sɛvaa o tɔŋndo nin kpede mò kɛɛ le kelaa lecoo-o.»

Rɔmnda 8:1

Yaala co lɛ le vanaa co o Yeesu Krista nin-nda le.

Luke 3:6

O kon, vannda kpow a canin cinda Hala-o.›»

Condii lisai 49:19

Hali o va bɛɛ kulanndo telen o co yoomu-o, mì vannda va ndu candɔɔ le ceen ndɔ kɛndɔɔ,

Condii lisai 36:9

A co nda pimio a ɲɛm fàngà-fángàn co o nɔm ndo cɛinin-ndon, a co nda koesio a pee nɔm ɲɛm kɛndɔɔ.

Hebreea 10:29

Vɛ̀ɛ̀ kpeekpei ɲɔɔ va yɛnin niko le vana pɛɛsa sɔɛi Po Hala-o-a? Vana cì kooma Yeesu baŋa ndu a hakio-an ɲɛ-ɲɛ loo pɛɛn? Hala Kɔl-Diandaa cɔm naa kɛndɛi Hala-e-o o pilan tana lende ni.

Hebreea 2:3

Nduyɛ, vɛ̀ɛ̀ naa naa n fula yɛnin o ken nin, te n luei sɔɛi cinda bɛndoo ho yii le? Maalii pila kandu sɔɛi ndɔɛi dimio ni, o kon kɔɔli, mí vanaa tuei sɔɛi cinda kon-nda peelul naa diomnde len.

Habakuk 2:4

Vana nɔ tuula vɔɔnndan-ndo pɛ a yongaa ca, yiyannda ndɔlan la sendu le, kɛ vana sandaa vanin yoomu le laalan ndɔɔ.

Condii lisai 2:12

La ke poo bɛɛlen, yɔŋii o tuulu kɔl, mò tɛɛmbuu niaa o nɛi niaa coo, kani o nɛi kɔl tuulu le. Dɛnɛ kɛndɔɔ co le vanaa tiindan ndu-a kpow!

SƐBƐ YƆB-O 33:28

Tuma ya tolɔɔ ciee-piɔ́m-ndo, mí Hala baŋa ya. I co yoomu mí va vɔ ɲɛ-tengaa cɔu.›

Rɔmnda 4:15

Kani tɔŋndo hun a kɔltuwvo ni. Nɛɛ tɔŋ co yɛ le, tɔŋ tɛɛmbua ve vɛlɛ lon te.

Luke 2:30

Kani i ce Vana ciindiaa fula nɔm o ba-o a lehɔl ciŋ,

Matie 25:46

Vanaa kan nda nda, dɛnɛ palaa fɛɛn-fɛɛndo toalnin nda coo, kɛ vanaa sandaa kɔanin o yoomu fɛɛn-fɛɛndo nin.»

Marke 16:16

Vana-vana laalan pɛ mò sɔla yinɔɔ, ndu sɔlanin cindaa, kɛ vana laalan te, ndu sɔlanin yaalaa.

Nsaŋ 4:36

Vana koavaa co nin bɛɛ salaa sɔlaa, mo va kullon cuungiaa le cinda fɛɛn-fɛɛndo, haliko mi vana saŋaa nda vana koavaa dɔwnun ɲaale latulu.

Nsaŋ 6:58

Ɲɛdiaa fula o halataala-o co kon ni. O co maa o fuɲaa niaa vi-a de-o le. Vana de pɛ ɲɛdiaa hoo, o vanin yoomu le fɛɛn a fɛɛn.»

Dɛnnda kiilaa 14:2

Kɛ Yuifia pum laalan te, má luei vanaa ve N'Yuifi le-a pum sɔɔn nin le nda yiyannda vɔɔnndan yɔngoo a puapilɛa ndaa o kɔɔ.

Hebreea 3:18

Hala cii mɛnan aa: «Le fɛɛn a fɛɛn, a lueinin o lɛŋnde ya toosial nda pɛngio len nin te few.» Le nɛ̀ɛ̀aa o mɛnan yɛ lende? Vɛ̀ɛ̀ o co le vanaa bii sɔɛi ndɔɛi le-a le?

Hebreea 3:19

Ɛ̀ɛ̀ nduyɛ lekɛ́ndɛi, mí n ca maa a nɔla luɛyɔɔ o pɛngi kon nin te, le laalan nda kɛɛ-o.