Nsaŋ 3:35 - BII BILA

³⁵ Fuɲaa kaola Poo, mó sɔaa ndu dɛnndan kpede o ba.

Nsaŋ 3:35 Referans Kwoze

Matie 28:18

Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.

Nsaŋ 5:22

Hiovɔɔ o kon coo, Fuɲaa kilù vana-vana iyama le, kɛ Poo o ke dio le yaman kpow kiolɔɔ ni,

Nsaŋ 5:20

Kani Fuɲaa kaola Poo, o cɔm ndu ɲɛ-ɲɛ o co tosaa, o cɔmnin ndu dɛnnda bɛndula hiow lan-ndan, haliko mi kɔndɔfillo bii niaa.

Luke 10:22

Fuɲa nuu mal ɲɔɔn kpow ya o ba. Nduyɛ, vana-vana sina o co Poo-o le, fɔ Fuɲaa, vana-vana sina vɛlɛ o co Fuɲaa-o le, fɔ Poo a vanaa Poo hɛli le nda mun cɔmndo-a.»

Nsaŋ 17:2

maa mɛɛ n ke ndu kpaayaa ɲɔɔn kpow coo yɛ, haliko mo ke vanaa n ke ndu-a kpow yoomu fɛɛn-fɛɛndo.

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

Efɛsea 1:22

Mó kɛsi ɲɔɔn kpow ndu o labɛngunin, mó siinguu ndu vana lebollo le vanaa laalannda,

Nsaŋ 13:3

Yeesu pila ndóò sina nin maa o Hala lo ndóò fula ni, o Hala lo o va muungoo ni, ndóò sina vɛlɛ maa Fuɲa ndɔ ndóò cii ndu ɲɔɔn kpow downɔn.

1Piɛr 3:22

Yeesu hel o halataala mó kɔ cal Hala o ba kɛndɔɔ coo-o pɛɛn, o nɔ̀ mɛlɛkaa, masɛi a kpaayalan kpow ndu o ba bɛngu-o.

1Korɛntea 15:27

Nduyɛ, o co o sɛvaa aa: «Hala kɛsi ndu ɲɔɔn kpow a ba bɛngu.» Kɛ te o dimi pɛ aa «kpow», kon co dimi le maa ndu Hala co lecoo, kani ndu kɛsi ndu ɲɔɔn kpow o ba bɛngu ni.

Condii lisai 2:8

Ɲuna ya, mì yɔngu nɔm vanaa-mangalaa-isɔɔa kpede kɛ́ɔ, mì ke nɔm lɛŋnden háá o mɛɛlula ndɔlan, mì le va ɲɛ nɔm pɛ́-pɛ́.

Hebreea 1:2

Kɛ sunsun, o palɛi mɛɛlɛi he nin, mó soaa o naa lo a sondo po ndɔɔ. A po ndɔ kon o cɔw ceendo ni, ndu Hala koni hɛli vɛlɛ ni mí ɲɔɔn kpow n va le ndu.

Nsaŋ 17:26

I cɔm nda diola nɔmndan, i cɔmnin nda lan vɛlɛ, haliko mi kaola n nɔ le ya-o va nda nin, o kon mì ya i va nda nin.»

Nsaŋ 17:23

I vanin nda nin mɛɛ nɔm co ya nin yɛ, haliko ma va ɲɔɔ ndu pilɛ kpé, mì ceendo sina maa nɔm vem ya ni, maa a yeema nda mɛɛ n yeema ya yɛ.

Nsaŋ 15:9

Mɛɛ Pua kaola ya yɛ, lende ya bɛɛ kaola niaa ni. La lo o kaola nuu nin.

Matie 17:5

O lo sɔɛi, mí yumbuyumbu ɲɛ-tengaa pum kumbu nda. Mí diomndo pum soaa o yumbuyumbu kon nin aa: «Po ni ya kaola taw-vo co hoo ni, o ya hɛli a kɔlkɛndɔɔ-o. La bíí ndu diom.»

Matie 3:17

Mí diomndo fula o halataala aa: «Po ni ya kaola taw-vo co hoo ni, o ya hɛli a kɔl nuu kpow-vo.»

Esai 42:1

Tofa vɔ vana ni baalaa, o ya co ikɛi le ndu malaa-o. Ndu co vana ya hɛli-o ni, o ndu nin kɔl nuu dɔawnun ɲaale ni. I tuisi ndu kɔl nuu coo, o pɛɛkunin vanaa-mangalaa-isɔɔa dɛnɛ sandaa.

Talelan 8:30

Tuma kon kpow, i va ndu ikɛi, ya yɔŋnun vana vali kɔlkalu bɛndoo ndu ikɛi ni. Lepalaa-lepala, i va ndu ɲaaloo yɔngoo, i va pisultan ndu o hɔl tuŋ

O Kandɔɔ 41:55

Mɛɛ ɲɛdiaa cuu Esiptea o ba, má kuel Faraɔnnɔɔ a cɛɛŋɔnndo. Mí Faraɔnnɔɔ dimul nda kpede aa: «La kɔ cɔm Yosɛf bahavɛi niaa mì la tosa ɲɛ o dimulnin niaa-o.»

O Kandɔɔ 41:44

Mí masa kon dimul vɛlɛ Yosɛf aa: «Ya Faraɔnnɔɔ co masa lelɛŋndo ni. Kɛ nduyɛ, te nɔm Yosɛf cɛl te, o lɛŋnde Esipte len nin kpow, vana-vana hiiluu suei le, o co vɔ bɛɛ le pelei kpeŋaa le.»

Daniɛl 7:14

Mí vanabɛnduyɛi, masalen a bɛɛlen le yɔngun ndu. Mí vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda a tosal ndu baalaa. Vanabɛnduyɛi ndɔɛi co le fɛɛn a fɛɛn, i cuu lɔ́ɔ́-lɔ́ɔ̀ le. Masale ndɔlen le tembunin fɛɛn a fɛɛn te.»