Nsaŋ 3:33 - BII BILA

³³ Vana-vana cɛl pɛ seile ndɔlen, ndu cɔm maa toɲaa Hala co ni,

Nsaŋ 3:33 Referans Kwoze

Hebreea 6:17

Lende koni o tosan a Abraham ni. Cuavaa ndɔa imamaa ndáà bɛnda mì ndáà sɔla ɲɛm Hala ndóò yiilu ndu kpemaa-on. Ndóò yeema le nda cɔmndo vakpa maa o mangalanin diom ndɔɔ lɔ́ɔ́-lɔ́ɔ̀ le, lelan o mɛnan o kpemaa yiiyo ni.

Efɛsea 1:13

Telen niaa bɛɛ tuei sɔɛi toɲɛi-yo, Yoongu kɛndɛ yɔngu niaa cindaa-o, mí la laalan Krista. O kon mí Hala hol niaa pondalen lɔ́ɔ́ o yɔngu niaa Kɔl-Diandaa o yiilu niaa kpemaa-o.

2Korɛntea 1:22

O handu naa tɔɔmasele ndɔɔ coo, mó luei naa yiyan Kɔl-Diandaa o lakɔl, kon co landei le ɲɛm kɛndɛn o kɛsul naa-on ni.

2Korɛntea 1:18

Hala co ya lesei, sɔɔn naa n dimul niaa-on n co sɔɔn ya cɛl mì kɛɛ le.

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Nsaŋ 8:26

I nɔ sɔɔn taw le dimio a yaman bɔɔ-bɔɔ kiolɔɔ a niaa o kɔɔ. Kɛ vana toɲaa vana vem ya-o co ni, sɔɔn ya tuei ndu o sondo-on, mun ya co ceendo tiiyallo ni.»

Rɔmnda 4:11

Tooma Abraham dii-o, tɔɔmasele dɛnɛ sandaa o yɔŋnun le ndu ni. Ndóò dii-yɔ bɛɛ tooma kon te, mó sɔla dío le laalanndo. Lelan o co vɛlɛ fuɲaa vanaa laalannda kpow ni, hali a dii tooma le-a, haliko mi Hala cɛl nda maa vanaa sandaa.

Rɔmnda 15:28

Telen ya ciinin sɔɛi ken toosiaa mi yoo nda ɲɛm sɔlannin mun-ndon ndo, i keinin o niaa lo o kɔlan Ɛspaɲe.

1Korɛntea 9:2

Hali mì vanaa celen a ci ya maa kiila le, kɛ le niaa niaa, kiilaa ya co ni. Kani niaa co tɔɔmasele kiilale nilen o Maalii nin ni.

Efɛsea 4:30

La tɛɛmbuu Kɔl-Diandaa Hala-o kɔl te, o niaa sɔla pondalen holɔɔ a ndu le paale baŋaa len-ndo.

2Timote 2:19

Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»

1Nsaŋ 1:10

Te n dimi pɛ maa n tosa haki le, mɛɛ n siinguu ndu vana lacòòvaa, o kon sɔɛi ndɔɛi co naa o kɔl te.