Nsaŋ 3:29 - BII BILA

²⁹ Vana co lanɔɔ cuaa sɛnɛi-yo, le ndu lanɔ sɛnɛi kon co ni. Kɛ te caaŋoo vana co lanɔɔ cuaa sɛnɛi-yo tuei pɛ ndu vana co kon lanɔɔ cuaa-o sɔɛi, ɲɔɔ hɛnan ndu taw. Lende koni ɲaale bɛndoo co ya o kɔl ni.

Nsaŋ 3:29 Referans Kwoze

Osee 2:19

I faŋanin ndu diola Baalla o sondo, vana ve lɛnin nda ladio piɔlɔɔ le.

Matie 9:15

Mí Yeesu mulul nda aa: «Mialaa hin vana yil lanɔɔ sɛnɛi-yo o bɛngu coo-a nɔla pá mà yii hɔlla, te vana yil kon lanɔɔ sɛnɛi-yo co vɔ pɛ nda tɛɛn? Telen vanin mà faŋa ndu nda tɛɛn, o kon nda biinin sumndo ni.

Esekiɛl 16:8

Mɛɛ ya kei nɔm ikɛi, mí tofa nɔm, mí ca maa telen nɔmndo ndóò tiiya nin, maa nɔm óò sul nin tuu hiavaa vanapɔnɔ kɔɔli. Le hee, mí kuumbuu nɔm bɔɔle doma ni bɛndoo, mí vian nɔm sɔwve, mí mɛnalan nɔm mɛnalan kpemaa, má cal sumialii ni. Maalii, o co Mɛlɛka-o soo nuaa ni.

Esai 54:5

Kani vana cɔw nɔmndo ndu co pɔnɔ nɔm ni, diola ndɔlan aa Mɛlɛka-Nɔ-Kpaayaa-Kpow-vo. Vana nɔm baŋaa ndu co O-Diandaa Israɛlla ni. A veelu ndu aa Hala co lɛŋnden kpow bollen-ndo.

Dɛnnda cɔɔmuanndan 21:9

O kon mí mɛlɛkanɔɔ pilɛ o mɛlɛkaa ŋɔmmɛvaa ndáà nɔ taalala kólaala ŋɔmmɛwla va lapiaalan a dɛnnda palaala ŋɔmmɛwla mɛɛlaalan-nda hun soaa o ya lo, mó dimi aa: «Hun i cɔm nɔm lanɔ co kɔlan Saa téndóó o ba o nɔu-vo.»

Filipea 2:2

mɛɛ la va diom pilɛ, o kon mì la peelu ɲaale nuu. La kaolian vellaa-velle, mì la nɔ kɔl pilɔɔ a yiyan pilɔɔ.

Nsaŋ 16:24

Haa hau, la piɛi-yɔ ɲɛ-ɲɛ o diola nilan te. La piɛi mì la sɔla, haliko mi ɲaale niaa peelun.»

1Nsaŋ 1:4

N co niaa ndi sɛvallo haliko mi ɲaale naa peelun.

2Korɛntea 11:2

I kaola niaa mì va paŋalaa le niaa, Hala o ba kon co fulaa ni. Kani i dɔw niaa fulu le vanapɔnɔɔ ndu pilɛ kpé, Krista pɛɛn, haliko mi la kɔ fula ndu o hɔl maa felengi sina vɔ dɛnɛ vanapɔnɔ loo, o dendu Mɛlɛka o hɔl-lo pɛɛn.

Luke 15:6

o muungu o ndu lo. O kon kɔɔli, o kɔ veelu caaŋaa ndɔa a vanaa nda cɛɛlan-nda, o dimul nda aa: ‹La mala ya ɲaaloo, kani i saalun saa ni óò lo-o.›

Condii kɛndɛ-kɛndɛi 5:1

«I luɛi o nakɔ nuu nin, yemanndo, nɔm ya co cuaa o nɔu nin-ndo. I co mir nuu a ɲɛm cun kɛndɛn nun kiɔndɔɔ. I co vaa malɛ nuu sɔɔsiaa a lɛma nian deembuuo. I co mɔima nian a nɔnɔma nian kolɔɔ. Caaŋaa nia, la dio! La kol mɔima kaolan mì ma bii niaa.

Matie 25:1

Mí Yeesu dimi aa: «Masale halataala len le vanin ko kpen a felengia laandua n'van tɔ́, á cua fitinala ndalan, má fula le kɔlan vana yil lanɔɔ sɛnɛi-yo bɔŋaa-a.

Yeremi 2:2

«Kɔ, mà kɔ yonda Yerusalɛmnda o lani, mà dimul nda maa o Mɛlɛka dimi-o co hoo ni aa: ‹I loonun a mɛɛ nɔm óò lo o lediom coo lɔ́ɔ́ n va felengi-o yɛ, mɛɛ nɔm óò kaola ya lɔ́ɔ́ naa n va o nɔ̀u nin-ndo yɛ. A va ya kɔlan kɔɔli o lɛŋnde veselɛilen nin, o lɛŋnde niŋ tɔlɔɔ le len nin.

Esai 66:11

haliko mi la vɔɛi mɛɛle ndɔle ɲɔɔlu vana len, mì la pim ca, haliko mi la sɔɔsiaa biilu ndɔ peelan bɛndu-bɛndoo, mì la tuei ndu yeela tɛfulu.

Condii kɛndɛ-kɛndɛi 3:11

Felengia laandua Yerusalɛm, la fula! La fula mì la tofa masaa Salomɔn. La tofa vɔ ndu a mɔsil yilaa lanɔɔ o lebol, ò kala ndɔ vow ndu telen o va nɔu yiiyo-o-o, o paale o va o kɔlkɛndɛ bɛndoo nin-nden pɛɛn.»

2Nsaŋ 1:12

I nɔ sɔɔn celen taw le niaa, kɛ i cɛl le mun sɛvaa o sɛbɛ coo a lekpɛki le, kani i yeema mì kɔɛ o niaa lo, mì i kɔ soo niaa o lani sanaa, haliko mi ɲaale naa peelun.

Nsaŋ 17:13

Nihau, i co kɔlan o nɔm ndo, nduyɛ mɛɛ mì soo o ceendo coo, haliko mi kɔlta ndalan la pɛ a ɲaaloo mɛɛ kɔl nuu co o piaa a ɲaaloo yɛ.

Matie 22:2

«Masale halataala len le co maa masa yaw ɲɛdiaa kafoo le lanɔ sɛnɛi po ndɔɔ-o.

Nsaŋ 3:30

Fɔ mì tɔ́ɔ́ ndɔɔ hel, mì tɔ́ɔ́ nuu tol.»

Nsaŋ 15:11

I dimul niaa ndi lende, haliko mi ɲaale nuu va niaa o kɔl, o kon mì ɲaale niaa peelun.