Nsaŋ 3:27 - BII BILA

²⁷ Mí Nsaŋ muli aa: «Vanacieo nɔla ɲɛ-ɲɛ sɔlaa le, te o co mì ɲɛ kon yɔngun ndu fulaa o halataala le.

Nsaŋ 3:27 Referans Kwoze

Nsaki 1:17

Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

1Korɛntea 4:7

Kani o nɛi kuɛɛ coo n co yɛ yiyanndo maa a hiow caanda? Ɲɛm n nɔ-on kpow, vɛ̀ɛ̀ o co Hala le ke nɔm mun te? Te o co yɛ pɛ lende, le yɛɛ nɛ n co yɛ niko lisanndo maa o co ke le nda ke nɔm mun te?

1Korɛntea 15:10

Kɛ nduyɛ, kɛndɛi Hala-e tosa ni mì va mɛɛ ya co nuaa yɛ, kɛndɛi o tosal-la ken-nde i yɔŋnun fúú le. Kani i tosa vallo hiovɔɔ kiilaa kan kpow coo, o co ya pila le tosa vali kon te, kɛ kɛndɛi Hala-i co ya coo-e.

Amɔs 7:15

Kɛ o cɔlua kan mandaa nin Mɛlɛka cua ya ni, mó dimul-la aa: «Kɔ ma tɛɛngul vanaa nia, a co Israɛlla-a sɔɔn nun.»

Matie 25:15

Mó ke o pilɛ sianin n'kpungban kɛmɛ leŋuɛɛnu, mó yɔngu o diinndɔɔ sianin n'kpungban kɛmɛ lediin, mó yɔngu o yàándɔɔ sianin n'kpungban kɛmɛ. Mó yɔngu vana-vana mɛɛ o nɔla yɛ. O kon kɔɔli, mó kɔannun.

Yeremi 17:16

Ya, i beŋ nɔm le dɛnɛ palaa tuisi kangalan te, o co yeemɛi ni mì paale dɛnɛ palaalen le tiiya le. Nɔm Mɛlɛka, a sina ken válán. Diom ya soo-o, nɔm o hɔl ya dimi ndu ni.

Yeremi 1:5

«Lɔ́ɔ́ pá ya hun cɔw nɔm kala nɔm o dembe, yáà sina nin nɔm. Lɔ́ɔ́ pá mó vialu nɔm, yáà hɛli nin nɔm le siŋnɔnndo vana-tɛɛngaa-diom Hala-o le sɔɛi o vanaa-mangalaa-isɔɔa lo!»

Kundalan 17:5

Ciliŋun mun yɔngu Israɛlla yiyanndo ni maa vana-vana co o polale Aarɔn-nden nin te, o bɛnda mò sɔɔnguu le ansan lomɔɔ Mɛlɛka o hɔl te, yɔŋii dɛnɛ palaa tol ndu coo maa Kore nda vanaa va ndu kɔɔli-a mɛɛ Mɛlɛka dimi a sondo Moise-o yɛ.

1Timote 2:7

Lelan o siinguu ya vana dimia diom Mɛlɛka-o a kiilaa ni, mì pɛɛku vanaa co N'Yuifi le-a laalanndo a toɲaa. O co lacòò le ya co dimio ho nuaa le, toɲaa ni.

Matie 21:25

Yinɔɔ Nsaŋ van vannda-o, nɛ̀ɛ́ óò vem yɛ ndu? Hala bàà vanndacieea?» Kɛ mí nda pila yiyan, má dimi aa: «Te n muli pɛ aa: ‹Hala óò vem ndu ni›, o co naa ɲuna aa: ‹Kɛ le yɛɛ niaa kɛɛ yɛ niko ndu laalan?›

Rɔmnda 12:6

Mɛɛ naa n sɔla valta yɛ́-yɛ́lan o kɛndɛi kennun naa-e nin yɛ, te vanndo sɔla pɛ vali tɛɛngaa diom Hala-o, o bɛnda mò tosa vali kon a laalanndo.

Marke 13:34

Ɲɔɔ tosannin maa langbanɔ cɛn kɔlan kelaa, mó mɛi cɛi ndɔɔ buɛyaa ndɔa o ba, mó ke vana-vana baala ndɔɔ, mó dimul kpalilnɔɔ le dioo cumullo-o.

Efɛsea 1:1

Ya Pol, ya co kiilanɔ Yeesu Krista-o o hɛnan Hala-o nin-ndo. I co sɛbɔɔ ho sɛva le niaa vanaa diandaa a niaa vanaa laalan Yeesu Krista mì la va Efɛs ciee-a.

Kalatea 1:1

Ya kiilaa Pol, o kiilale ndɔlen le fula vanaciee o ba loo, o vanaciee vim too, kɛ o Yeesu Krista nda Hala Fuɲaa tindi ndu Yeesu fulaa vanvílɛ́iya tɛɛn-ndo vem-ndo,

1Korɛntea 12:11

Kɔl pilɛ kon kpé co dɛnnda lan tosaa ni, mò va vannda lan piɔwvo a pilɛn-pilɛnnda mɛɛ hɛnan ndɔɔ co yɛ.

1Korɛntea 3:5

Nɛ̀ɛ́ co yɛ niko Apolɔs? Nɛ̀ɛ́ co yɛ Pol? Vanaa baala Hala-a daama naa n co ni, a niaa laalan o ba-a, maa mɛɛ Hala ke vana-vana vallo le tosaa yɛ.

Rɔmnda 1:5

O ndu kɔɔli naa n sɔla kɛndɛi ni, mí n siŋnun kiilaa le vanaa-mangalaa-isɔɔa kpow sɔɛi ndɔɛi dimullo haliko ma cɛl ndi, mà laalan.

1Korɛntea 1:1

Ya Pol sɔla veeloo le vaa kiilanɔ Maalii Yeesu-o o hɛnan Hala-o nin-ndo naa puapilɛ naa Sɔstɛne.

Nsaŋ 6:65

Mó dimi vɛlɛ aa: «Lelan ya dimul niaa ni maa vana-vana nɔla hunɔɔ o ya lo le, te o co Pua le ke ndu le.»

Nsaŋ 10:41

Vanaa bɔɔ-bɔɔ a va hunɔɔ o ndu lo, má va dimio aa: «Nsaŋ tosa dɛnɛ kɔndɔfili kɛ́-kɛ̀ le, kɛ ɲɛ-ɲɛ o va dimio a langbanɔɔ ho o kɔɔ, toɲaa o co ni.»