Nsaŋ 3:20 - BII BILA

²⁰ Kani vana-vana va pɛ dɛnɛ vɔɔndo tosaa, nɛyɔn ɲɛ-tengaa va ndu ni, o fula o ɲɛ-tengaa le, yɔŋii dɛnnda vɔɔnnda o co coo lan la fula ceen.

Nsaŋ 3:20 Referans Kwoze

Nsaŋ 7:7

Ceendo nɔla niaa kɛɔ le, a ya koni o nɔ nɛyɔnndo ni, kani i co cɔmndo maa dɛnnda ndɔlan la niŋ te.

Talelan 4:18

Maa ɲɛ-tengaa vavonndo nɛila vanaa sandaa la co ni. Ɲɛ-tengaa ndaa lo tengaa háá a paale kalalen.

Talelan 1:29

Kani la pɛɛsa dɛnɛ sinaa, la cɛl le siòòŋii Mɛlɛka-e nɔu le.

Condii lisai 50:17

Niaa yɛ, la yeema sila tueyɔɔ le, la co sɔɔn nun kɛɔ few-few.

1Masaa 22:8

Mí masa Israɛlla mulul ndu aa: «Vana-tɛɛngaa-diom Hala-o pum co nanu le Mɛlɛka ɲunaa, kɛ i yeema ndu le, kani o dimul-la sɔɔn kɛndɛ lɔ́ɔ́-lɔ́ɔ̀ le, fɔ sɔɔn vɔɔnndon kínɛí, Misee po Yimla-o pɛɛn.» Kɛ mí Yosafat deŋul ndu aa: «Masa suu nuaa le!»

Talelan 15:12

Vana yongaa cɛl mì vana kanalan ndu le, lelan o holnun vanaa kɔlkalua le.

Talelan 5:12

O tosan yɛ pɛ lende, a diminin aa: ‹Ko le yɛɛ nɛ ya kɛɛ yɛ le silaa biyɔɔ? Ko le yɛɛ kpeekpei ya pɛɛsa yɛ kanalan nda va ya-o o kɔl nuu nin?

Luke 11:45

O kon mí vana pɛɛkaa latɔŋndo pum dimul Yeesu aa: «Vana bɛndoo, naa bɛɛ yeowlan n co naa nuaa o sɔɛi he nin ni!»

Talelan 2:13

vanaa mal nɛi dɛnɛ sandaa ma va kelaa o nɛila maɲumndan coo-a.

Yeremi 9:6

Lelan, o Mɛlɛka-Nɔ-Kpaayaa-Kpow-vo dimi-o co hoo ni aa: «I co nda dindi a yinnden mì soli nda kɔlɔ. Kani mɛɛ celen tosaa co a vanaa nia le!

Nsaŋ 3:21

Kɛ vanndo va pɛ dɛnɛ toɲaa tosaa, o ɲɛ-tengaa o fula ni, haliko mi vannda sina kpendekele maa dɛnnda hɛnan Hala lan o co tosaa ni.»

2Samiɛl 13:9

O kon kɔɔli, mí Tamar cua kpɛɛnɛi, mó yɔngu Amnɔn. Kɛ mí Amnɔn kɛɛ le dɛɛla toaŋaala lan dioo. Mó dimi aa: «La soli vannda kpow o ya lo cɛinin nanu.» O kon mí vannda kpow a fula.

1Masaa 3:20

A di-tɛɛndo, i va o lɔan, mó can, mó cua po nuu ya o ibuŋ, mó yambun ndu o ibuŋ. Mó cua po ndɔ vi-o, mó mingi ndu yambɔɔ ya ikɛi.

Talelan 16:30

Vanndo kinda pɛ hɔltan mò yii cɔcɔn le dɛnɛ vɔɔndo tuuvo, mɛɛ o cii nin ndu tosa.