Nsaŋ 3:19 - BII BILA

¹⁹ Yamɛi ken co yɛ hee ni: Ɲɛ-tengaa hin o ceendo coo, mí vanndacieea kaola ɲumndan hiovɔɔ ɲɛ-tengaa coo, kani dɛnnda ndalan la niŋ te.

Nsaŋ 3:19 Referans Kwoze

Nsaŋ 8:12

Mí Yeesu soaa vɛlɛ o nda lo, mó dimul nda aa: «Ya co ɲɛ-tengaa ceendo ni, vana del-la kɔɔli pɛ, ndu kela o maɲum nin te, kɛ o sɔla ɲɛ-tengaa cindaa.»

2Tesalonikea 2:12

Vanaa kɛ́-kɛ̀ kɛɛ sɔɛi toɲɛi laalan, mà va ɲaaloo dɔwnɔnndo a dɛnɛ vɔɔndo sɔlanin yaalaa.

Rɔmnda 2:8

Kɛ o tuisinin kɔltuw ndɔɔ a hiilɛi ndɔɛi vanaa sɛɛngiaa ndu, má kɛɛ toɲaa, má muungu bollen vowvo o dɛnɛ vɔɔndo nin-nda coo.

Nsaŋ 12:43

Kani candɔɔla vanndacieea ndáà hiow yeema a Hala nda candɔɔ.

Rɔmnda 1:32

Kɛ nduyɛ, a siná yamɛi Hala-e pɛɛngu maa vanaa-vanaa co dɛnnda lan tosaa, piɔ́mndo co le nda ni. O tasoo, nda pila co dɛnnda lan tosaa, mà sim vɛlɛ vanaa co lan tosaa-a kɔɔli.

Nsaŋ 5:44

Vɛ̀ɛ̀ niaa nɔla yɛnin laalanndo, la co niaa pila candanndo vellaa-velle, la co candɔɔla Hala lan kínɛí nuwviaa le?

2Piɛr 3:3

Ɲɛ tasoo, la sínà maa o palɛi mɛɛlɛi, vanaa mam vannda-a kuinin taw, mà mam niaa. A vanin kelaa o yeemɛi ndɛi nda pila-e coo,

Nsaŋ 1:4

O ndi nin yoomoo co ni, yoomu kon co ɲɛ-tengaa le vanndacieea ni.

Luke 12:47

Buɛi sina kon hɛnan vana ndɔ bɛndoo, kɛ o toosiaa ɲɛ-ɲɛ loo, o tosa vɛlɛ hɛnan vana ndɔ bɛndoo loo sɔlanin lɔɔ taw.

1Piɛr 2:8

O kon kɔɔli, mó dimi vɛlɛ aa: «Pow tosa mà boŋ, mà del-lo co kon ni.» Vanaa kan a del kani a kɛɛ le diom Hala-o biyɔɔ, nduyɛ ken ndíì kelun le nda ni.

Nsaŋ 7:7

Ceendo nɔla niaa kɛɔ le, a ya koni o nɔ nɛyɔnndo ni, kani i co cɔmndo maa dɛnnda ndɔlan la niŋ te.

Nsaŋ 7:17

Vana yeema pɛ hɛnan Hala-o tosaa, ndu sinanin te Hala o ba ɲɛ kon co fulaa ni, te kon te ya pila o ba sɔɔn ya co dimio-on n co fulaa ni.

Luke 16:14

Mɛɛ Faliisia kaola volion-nda tuei sɔɔn mun, má kandu Yeesu mamɔɔ.

Talelan 2:13

vanaa mal nɛi dɛnɛ sandaa ma va kelaa o nɛila maɲumndan coo-a.

Yeremi 9:6

Lelan, o Mɛlɛka-Nɔ-Kpaayaa-Kpow-vo dimi-o co hoo ni aa: «I co nda dindi a yinnden mì soli nda kɔlɔ. Kani mɛɛ celen tosaa co a vanaa nia le!

Nsaŋ 1:5

Nduyɛ, ɲɛ-tengaa co tengaa o ɲumndan nin, kɛ ɲumndan ma cɛl ndu le.

Nsaŋ 9:5

Telen ya co o ceendo coo-o, ya co ɲɛ-tengaa ceendo ni.»

Nsaŋ 12:31

Sunsun, yamɛi ceendo hin kiolɔn, mà soli vana co masalen tosaa o ceendo ho coo-o o bɛ́ɛ̀.

Nsaŋ 12:46

Ya ɲɛ-tengaa, i hin o ceendo coo, haliko vana-vana laalan ya pɛ, o va o maɲum nin te.

Tɔŋ lasálàá 11:16

soninkɔnɔɔ, huo, kòòndoa súúlan kpow,

Tɔŋ lasálàá 13:10

mì vana-solia-lasálàá mɛɛndian ndu. Te kpukpui humbuei va pɛ ndu lekɔɔ, mì yiiŋii co o kpukpui ken coo-e bɛɛ i muungu ihumbu, mì falii kiyɛiye fula a huinde lecoo,

Sakari 14:19

Lende Esiptea a vanaa-mangalaa-isɔaa kɛɛnin le kafo kon tosaa-a a sɔlanin soŋɔɔ ni