Nsaŋ 3:15 - BII BILA

¹⁵ haliko vana-vana laalan ndu pɛ, o sɔla cinda fɛɛn-fɛɛndo.

Nsaŋ 3:15 Referans Kwoze

Nsaŋ 3:16

Kani Hala kaola ceendo háá mó yɔngu Po ndɔ pilɔɔ, haliko vana-vana laalan ndu pɛ, o kue o ɲánndávàà le, kɛ o sɔla yoomu fɛɛn-fɛɛndo.

Nsaŋ 6:40

Hɛnan Fuɲa nuu co kon ni, maa vannda kpow a mulul Poo hɔlla, mà laalan ndu, mà sɔla cinda fɛɛn-fɛɛndo. Ya yɛ, i minginin nda yoomu fulaa vanvílɛ́iya tɛɛn o paale mɛɛlaa len.»

Nsaŋ 3:36

Vana laalan pɛ Poo, ndu sɔla yoomu fɛɛn-fɛɛndo. Vana kɛɛ pɛ le Poo laalanndo, ndu sɔlanin yoomu kon te, kɛ kɔltuw Hala-o vanin vana kon coo.»

Nsaŋ 20:31

Kɛ mun sɛvan haliko mi la laalan maa Yeesu co Krista ni, Po Hala-o pɛɛn. O kon la laalan pɛ, la sɔla yoomoo o diola ndɔlan.

1Nsaŋ 5:1

Vana-vana laalan pɛ maa Yeesu co Krista ni, mɛɛ ndu velun o Hala nin, vana-vana kaola pɛ fuɲaa, kaolaa o kaola vɛlɛ cuavaa fuɲa kon velu-a ni.

Hebreea 7:25

Lelan, Yeesu nɔ kpaayaa le vanaa tiindan ndu le sɔɔnguuo Hala ikɛi-ya ciindiaa le fɛɛn a fɛɛn. Kani o co yoomu le lɔ́ɔ́-lɔ́ɔ̀, o tiwba mo va lɔ́ɔ́-lɔ́ɔ̀ Hala ɲɔɔloo le nda.

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Esai 45:22

Lelan la mulin mì la hin ya o ibuŋ, o kon la sɔlanin cindaa, niaa co o lɛŋnden mɛɛlulan-nda kpow! Kani ya co Hala ni, Hala celen co o ya kɔɔli le.

Nsaŋ 6:47

I co niaa toɲaa dimul kpendekele, vana laalan pɛ, ndu sɔla cinda fɛɛn-fɛɛndo.

Nsaŋ 1:12

Kɛ nduyɛ, vanaa cɛl ndu-a kpow, a laalan o diola ndɔlan-nda, mó ke nda dio le siŋnɔnndo cuavaa Hala-a.

Nsaŋ 5:24

Mí Yeesu hiaw laci a nda dimullo aa: «I co niaa toɲaa dimul kpendekele, vana-vana tuei pɛ sɔɛi nii mò laalan vana vem ya-o, vana kon ndu sɔla cinda fɛɛn-fɛɛndo, o sɔla yaala le, kɛ o fula o piɔ́mndo nin, mó muungu yoomu.

Luke 19:10

Kani Po vanacieo hin le vanaa va o lou nin-nda nuwviaa, mò ciindiaa nda.»

Kalatea 2:16

Kɛ nduyɛ, n sínà ndi válán maa o co le dɛnnda tɔŋndan biyɔɔ le vanacieo va vana sandaa le, kɛ le laalan o laalan Yeesu Krista-o. Naa bɛɛ n laalan Yeesu Krista, haliko mi n siŋnun vanaa sandaa le laalan naa laalan Krista-o, kɛ o co le dɛnnda naa n co tosaa o tɔŋndo biyɔɔ nin-ndan te, kani vana-vana sɔlanin sandei le tɔŋnda o co biyɔɔ lan te.

1Nsaŋ 2:25

Ɲɛ o dimi le naa keo-vo co yoomu fɛɛn-fɛɛndo ni.

Hebreea 10:39

Naa, n co vanaa muungu a makɔɔ le lou o ɲánndávàà le naa n co le, kɛ vanaa laalan Hala le cindaa sɔlaa-a.

Dɛnnda kiilaa 8:36

A lo kɔlan, má komal mɛnndan. Mí langbanɔ kon dimi aa: «Má cè mɛnndan! Yɛɛ kuuna yɛnin ya yinɔɔ sɔlaa?»

Marke 16:16

Vana-vana laalan pɛ mò sɔla yinɔɔ, ndu sɔlanin cindaa, kɛ vana laalan te, ndu sɔlanin yaalaa.

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

2Korɛntea 4:3

Te Yoongu kɛndɛ naa co vɔ pɛ o viannanndo, mɛɛ le vanaa co kɔlan o lou nin-nda o co lende ni,

1Korɛntea 1:18

Kani sɔɛi Krista vi o yɔm singafilaa coo-e, diɔmnde i co le vanaa co kɔlan o ɲɛ palaa fɛɛn-fɛɛndo nin-nda ni, kɛ le naa vanaa sɔla cindaa-a, kpaaya Hala-o i co ni.

Rɔmnda 5:21

Nduyɛ, mɛɛ hakio tosa masalen a piɔ́mndo o kɔɔ yɛ, lende koni kɛndɛi co masalen tosaa a dɛnɛ sandaa o kɔɔ ni, le vanndacieea yoomu fɛɛn-fɛɛndo yɔngoo Maalii naa Yeesu Krista o ba bɛngu.

Dɛnnda kiilaa 13:41

‹La tofa vɔ, niaa vanaa pɛɛsaa pɛ haa nin-nda. Kɔndɔfillo bii niaa mì la cuu, kani i co dɛnɛ pum tosa o telen niaa, hali vana ce dɛnɛ kon-ndo hun dimul bɛɛ niaa, la laalannin te.›»

Matie 18:10

La mandan le cuaambɔa pɔmbɔa vaa nuaa o pilɛ pɛɛsaa. Kani i co niaa dimul, mɛlɛkaa ndaa co Fuɲa ni co o halataala-o hɔlla tofaa o halataala tuŋ-tuŋ.

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

Kundalan 21:9

Mí Moise cua daɲɛi, mó cɔaw kɛwvo a ndi, mó landu ndu o yɔm ipɛngɔɔ coo. Te kɛwvo ndóò lɔva nin pɛ vanndo, vana kalaa ndóò tofa kɛw idaɲa kon, ndóò sɔla cindaa.

Esai 11:10

O palɛi ken nin, vana fula kon o polale Yisai len nin-ndo vanin maa lɛfɛ le vannda, vanaa-mangalaa-isɔɔa kpow a mulinin hɔlla o ndu lo, o biiloo nin calta ndɔlan la vanin ni.

Matie 25:46

Vanaa kan nda nda, dɛnɛ palaa fɛɛn-fɛɛndo toalnin nda coo, kɛ vanaa sandaa kɔanin o yoomu fɛɛn-fɛɛndo nin.»

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»