Nsaŋ 3:14 - BII BILA

¹⁴ Mɛɛ Moise heelu kɛw idaɲaa o lɛŋnde veselɛilen nin yɛ, fɔ mì Po vanacieo sɔla heeloo lende,

Nsaŋ 3:14 Referans Kwoze

Nsaŋ 8:28

O kon mí Yeesu dimul nda aa: «Telen niaa heelunin Po vanacieo-vo, la sinanin vana ya co-o, mì la sina maa i co ɲɛ-ɲɛ tosa a ba ni le, kɛ mì la sina maa sɔɔn Pua pɛɛku ya-on ya co dimio ni.

Dɛnnda kiilaa 2:23

Má mal ndu niaa o ba mɛɛ Hala ndóò tuu yɛ. Niaa dii ndu ni. Mɛɛ niaa mal ndu vanaa sina Hala le-a o ba, má baŋ ndu o yɔm singafilaa coo.

Matie 26:54

Kɛ te i tosa pɛ lende, vɛ̀ɛ̀ ɲɛ sɛvan o Sɛbɛ Hala-o nin-ndo peelun yɛnin? Kani o co o sɛvaa maa lende i bɛnda le tosan-ndo ni.»

Condii lisai 22:16

Yoomuma nian ma vesan maa bɔ́w, diɛɛmulen le vesa ya o sondo sɛ́ɛ́n, a handu ya o sɛiyo sondoo.

2Masaa 18:4

Mó tɛɛmbuu tombon, mó pesipesi powta sálàlan, mó puusiaa yɔmii soolɛi, mó kilikili kɛw n'daɲa Moise ndóò toosiaa-o, kani háá a telen kon Israɛlla va vɔ cuɛima cun kɛndɛan lomɔɔ le kɛw kon, nuaa ndáà veelu kɛw kon ni aa Nehustan.

Luke 24:20

Mí bolii vanaa-solia-lasálàà naa a simlacia naa mal ndu vannda o ba le ndu diyɔɔ, má baŋ ndu o yɔm singafilaa coo.

Esai 11:10

O palɛi ken nin, vana fula kon o polale Yisai len nin-ndo vanin maa lɛfɛ le vannda, vanaa-mangalaa-isɔɔa kpow a mulinin hɔlla o ndu lo, o biiloo nin calta ndɔlan la vanin ni.

Matie 8:20

Mí Yeesu mulul ndu aa: «Kàá nɔ buulula nda lɔl nin-ndan, yovaa co kelaa coocoo-a bɛɛ a nɔ vɛɛnde, kɛ Po vanacieo ndu nɔ bɛɛ nɛɛ yambaa lebol te.»

Nsaŋ 6:51

Ya, ya co ɲɛdiaa kiyɛi tol fulaa o halataala-o ni. Te vanndo de pɛ ɲɛdiaa kon, o vanin yoomu le fɛɛn a fɛɛn. Ɲɛdiaa ya yɔngunin-ndo, ndu co dialun nun ni, haliko mi ceendo va yoomu.»

Nsaŋ 18:32

Ken yɔŋnun haliko mi sɔɛi Yeesu ndóò dimi a piɔ́m ndɔɔ o kɔɔ-e ndíì peelun.