Nsaŋ 3:11 - BII BILA

¹¹ I co nɔm toɲaa dimul kpendekele, sɔɔn naa n sina-on naa n co dimio ni, mì n va seilen timbio a dɛnnda naa n ce lan o kɔɔ, kɛ la co vɔ seile naalen cɛlɔɔ le.

Nsaŋ 3:11 Referans Kwoze

Nsaŋ 8:38

Nduyɛ, ɲɛ ya ce o Pua lo-o, ndu ya co niaa dimullo ni. Kɛ sɔɔn niaa tuei o fuɲa niaa lo-on niaa co tosaa ni.»

Nsaŋ 14:24

Vana kaola ya le, ndu bii sɔɔn nun te. O co o ya pila nin te sɔɛi niaa co hee ya tueyɔɔ dimio-e co fulaa le, kɛ Pua vem ya-o o ba i co fulaa ni.

Nsaŋ 12:49

Kani o co ya pila o ba le sɔɔn nun co fulaa le. Kɛ Pua vem ya-o, ndu pila dimul-la sɔɔn ya bɛnda le dimio-on a mɛɛ ya bɛnda le mun dimio yɛ ni.

Nsaŋ 8:14

Mí Yeesu mulul nda aa: «O va bɛɛ aa seile nile ya pila len ya co tɛndaa ni, toɲaa le co ni, kani i sina ba ya fula-o, i sina nɛɛ ya co kɔlan-nda. Kɛ niaa yɛ, la sina nɛɛ ya fula-a le, la sina vɛlɛ nɛɛ ya co kɔlan-nda le.

Nsaŋ 7:16

Mí Yeesu mulul nda aa: «O co o ya pila nin te ɲɛ ya co vannda pɛɛkoo-o co fulaa le, kɛ vana vem ya-o o ba.

Nsaŋ 1:18

Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.

2Korɛntea 4:4

le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.

Esai 65:2

Mí niinu vanaa iseesiaa ha bala nilan tɛilullo kpɛŋ, a co haa kelaa o nɛi vɔɔndo coo o yiyannda ndalan nin-nda pɛɛn.

Nsaŋ 1:11

Mó hun o vanaa ndɔa lo, kɛ vanaa ndɔa cɛl ndu le.

Luke 10:22

Fuɲa nuu mal ɲɔɔn kpow ya o ba. Nduyɛ, vana-vana sina o co Poo-o le, fɔ Fuɲaa, vana-vana sina vɛlɛ o co Fuɲaa-o le, fɔ Poo a vanaa Poo hɛli le nda mun cɔmndo-a.»

Esai 53:1

Nɛ̀ɛ́-nɛ̀ laalan yɛ sɔɛi ndíì dimulun naa-e? Mɛlɛka cɔm vannda kpede kpaaya ndɔɔ.

Esai 50:2

Lɔ́ɔ́ ya hin-ndo, le kɔlɔ yɛɛ vana ve nanu le? Tuma ya veelu-o, le yɛɛ nɛ vana cɛl te? Mò va maa o bingi ba nuu co, mì bumba niaa baŋa ni? Vɛ̀ɛ̀ i nɔ yoomuma bɔɔ le baŋaa le? Tofa vɔ, i kɔngɔlan pɛ, i veeliaa mɛmma ihɛllan, i veeliaa peelan kokolo, suwva vi le kolɔɔ iyeemaa, a sɛ le mɛmma lepɛŋndan.

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Dɛnnda kiilaa 22:18

mí ca Maalii sɔɛi o ya lo, mó dimul-la aa: ‹Keleŋa, faŋan Yerusalɛm fɔ́ɔ́fɔ̀, kani vannda cɛlnin seile nɔmnden a ya o kɔɔ le.›

Nsaŋ 5:43

O diola Fuɲa nuu ya hin ni, nduyɛ la cɛl-la le. Te vana celen hin pɛ o diola ndɔla ndu pila lan, la cɛl ndu.

Nsaŋ 3:13

Vana-vana hel o halataala le, fɔ vana tol fulaa o halataala-o, Po vanacieo pɛɛn.

Nsaŋ 3:5

Mí Yeesu mulul ndu aa: «I co nɔm toɲaa dimul, te vanacieo vilun a mɛnndan, mò velun a Kɔl Hala-o le, o nɔla luɛyɔɔ o masale Hala len nin te.

Nsaŋ 3:3

Mí Yeesu mulul ndu aa: «I co nɔm toɲaa dimul, vana-vana nɔla mò ce masale Hala len te, mɛɛ mò velun violɔn sɛnɛi.»

Matie 23:37

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

Esai 55:4

Tofa vɔ: i siinguu ndu seiyo le vanaa súúla celen. I kɛsi ndu maa simlacinɔ le vanaa súúla celen masalen tosaa coo.

Dɛnnda cɔɔmuanndan 3:14

«Sɛval mɛlɛkanɔ vanaa laalannda Laodisee aa: ‹Ɲɛ Amiina, sei lo o lediom coo-o, o co sei toɲaa-o, o ɲɛm Hala soli-on cɔwnun o ba-o dimi-o co hoo ni aa:

Nsaŋ 3:12

Te la laalan telen ya co niaa sɔɔn co o lɛŋnden coo-on dimullo le, vɛ̀ɛ̀ niaa laalan yɛnin telen ya dimulnin niaa sɔɔn vaa o halataala?

Nsaŋ 8:26

I nɔ sɔɔn taw le dimio a yaman bɔɔ-bɔɔ kiolɔɔ a niaa o kɔɔ. Kɛ vana toɲaa vana vem ya-o co ni, sɔɔn ya tuei ndu o sondo-on, mun ya co ceendo tiiyallo ni.»