Nsaŋ 3:10 - BII BILA

¹⁰ Mí Yeesu mulul ndu aa: «Nɔm co vana pɛɛkaa tɔ́ɔ́ bɛndoo Israɛl-lo, vɛ̀ɛ̀ a co dɛnndan ndan bila biyɔɔ le?

Nsaŋ 3:10 Referans Kwoze

Matie 22:29

Mí Yeesu mulul nda aa: «O pɔwlan nin niaa co nuaa ni! Kani la bii ɲɛ co o sɛvaa o Sɛbɛ Hala-o nin-ndo bila le, la bii vɛlɛ kpaaya Hala-o bila le.

Esekiɛl 11:19

I yɔngunin niaa kɔl pilɔɔ. I vownin yiyan sɛnɛiyo nia nin. I solinin kɔl co niaa nin o kala kpoke maa pow-vo, mì yɔngu niaa kɔl n'diallo,

Matie 15:14

Lelan la mɛi nda lon, vanaa sumɛyaa co kɔlan a vanaa sumɛyaa celen-nda nda co ni. Te vana sumɛiyo see yɛ pɛ vana sumɛiyo tindaa, nda ŋiɔn kpow a kɔ del o soondo nin.»

Matie 11:25

O telen kon, mí Yeesu soaa, mó dimi aa: «Pua, nɔm co Vana bɛndoo o halataala a o lɛŋnden coo-o, i mel nɔm balika, le tùú n vin vanaa dɛnɛ sinaa a vanaa kɔlkalua sɔɔn mun, má cɔm cuaambɔa mun-ndo.

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

Esai 56:10

Kpalilaa cumulaa Israɛl, vanaa sumɛiya nda kpow co ni, a bii ɲɛ-ɲɛ bila le. Tunaa boboa kposon nda kpede co ni, a nɔla busɔɔ le, yiyannda lasiɛilan tuŋ la co nda o lakɔl ni, ihini tuŋ nda connun ni, a kaola bɔɔ lɔan dɔɔfɔlɔɔ.

Esai 9:16

Lelan, Maalii hininin kɔl a felengia piaandua ndaa le, o nɔnin iɲíí a víyaa ndaa a vanlaandua piaandaa ndaa vi-a le, kani nda kpow vanaa sendu le-a, a vanaa kɔlvesɛiya nda co ni. Nda kpow a co sɔɔn vɔɔnndon solinndo o lasondo. Kɛ a kon kpede, kɔltuw Mɛlɛka-o ɲulul-lɔ le, ba ndɔɔ co vɔ o heelaa tuŋ.

Condii lisai 73:1

Condii Asaf-e. A toɲa, Hala co vana kɛndɛ le Israɛlla, o co vana kɛndɛ le vanaa dendu kɔltan-nda kpow.

Condii lisai 51:10

Tosa mì tuei condun kponyon a condun kɔlkɛndɔn. O kon mì dɔwnun ɲaale, ya vana n yimi hoo paalan-ndo.

Condii lisai 51:6

I cua hakio a nɔm, nɔm pilɛ kpé, mí tosa ɲɛ co yɔŋ vɔɔndo nɔm o hɔl-lo. Le hee, sɔɛi-sɔɛi n dimi pɛ, a nɔ dí, yamɛi n kilunin ya-e venin yamɛi lakafa le.

1Dɛnnda lemasalan 29:19

Ke Salomɔn po ni kɔl o tiindan nɔm-ndo, mò bii tɔŋndan, pɛɛkulan a silala nɔmndan, mò kela lecoo, haliko mo tangul Cɛi-Diandaa, Cɛi ya cuungiaa ɲɔɔn mun kpow le ndu tangullo-o.»

Tɔŋ miingua 30:6

Mɛlɛka Hala niaa diinin kɔlta niaalan a kɔlta cuavaa niaa tooma, la kaolanin Mɛlɛka Hala niaa a kɔlta niaalan a á yoomu niaa kpede, haliko mi la va yoomu.

Tɔŋ miingua 10:16

La dìí kɔlta niaalan tooma, la simùl lɛ Mɛlɛka le.

Filipea 3:3

Kani, naa co faleŋaa kpeekpeiya ni, naa co Hala biiloo o hɛnan Kɔl-Diandaa bɛngu, mì n va sangalanndo o Yeesu Krista nin-nda, naa tiindan dɛnnda n'falulan te-a pɛɛn.

Rɔmnda 2:28

O co dɛnnda vana ca a lehɔltan te la tosa mì vana va Yuifinɔ le, o co vɛlɛ toomaa o diallon nin te cɔm ken te.

Kolɔsea 2:11

O ndu nin koni niaa dii toomaa ni, tooma vanaciee dii vana loo, kɛ tooma fula Krista o ba-o, o baŋa naa ceen naa lahakio o ba-o.

Luke 2:46

O paale yàándɔlen, má kɔ saalun ndu o Cɛi-Hala-o nin, o va icali vanaa pɛɛkaa latɔŋnda tɛɛn. O va nda nilan yaŋɔɔ mo va nda yuuniaa.

Luke 5:17

Paale pilɛ, Yeesu va vannda pɛɛkoo. Faliisia a vanaa pɛɛkaa latɔŋnda va icali, fulaa o cieon va Kalile, Yuda a Yerusalɛm-ndon nin kpow. Kpaaya Mɛlɛka-o va Yeesu nin, mó va vanaa lanàá singio.

Nsaŋ 3:9

Mí Nikodɛm ɲuna ndu aa: «Vɛɛ ken i nɔla mì i tosan?»

Dɛnnda kiilaa 5:34

Kɛ vana pilɛ va o vanaa kialaa n'yamaa lelɛŋnda tɛɛn, diolan Kamaliɛl, faliisinɔ a vana dɛnɛ sinaa bɛndu latɔŋndo o va ni, o vannda kpow a va bɛɛlen keu-vo. Mó can, mó dimi maa a sòli vɔ kiilaa le telen bingi.