Nsaŋ 21:18 - BII BILA

¹⁸ I co nɔm toɲaa dimul kpendekele, telen n va felengi-o, nɔm pila va yáwlen yiinɔnndo ni, mà va kɔlan nɛɛ nɔm óò yeema-a, kɛ telen n yuuvanin-ndo, a siɛndinin balan mì vana celen yii nɔm yáwlen, mò kɔɛ a nɔm nɛɛ n yeemanin te-a.»

Nsaŋ 21:18 Referans Kwoze

Nsaŋ 13:36

Mí Simɔn Piɛr ɲuna Yeesu aa: «Maalii, kuɛɛ nɛ n co yɛ kɔlan?» Mí Yeesu mulul ndu aa: «A tiw-vɔ ba kɔlan ya kɔɔli sunsun te, kɛ o kon kɔɔli a hun kɔanin.»

Dɛnnda kiilaa 21:11

Mó hun nɛɛ naa n va-a, mó cua yaule Pol-ten, mó yiwnun balan a pelon, mó dimi aa: «Hala Kɔl-Diandaa dimi maa nuaa Yuifia co vana nɔ yáwlen-nden ndo yii Yerusalɛm ni. O kon kɔɔli, a malnin ndu vanaa sina Hala le-a o ba.»

2Korɛntea 5:4

Kani te n co vɔ pɛ o cɛi-kola-toandaa ceendo ho nin, mɛɛ mì n va sangaa maa mɛɛ vana sanga o volɔɔ lusulaa bɛngu nuaa yɛ. I co toɲa maa n yeema mì n faŋan ndu lekɔɔ le, kɛ n yeema mì n cuɛinun volɔɔ fula o halataala-o, haliko mi yoomoo mangala dialun co hunɔɔ vu-on.

Luke 12:37

Dɛnɛ kɛndɔɔ co le vanaa baalaa kan, a vana nda bɛndoo komalnin cumullo telen o hunnin-ndo-a! A toɲa, mì dimul niaa, ndu pila cuɛinunnin volɔɔla valtan, mò kɛsi nda le dioo, mò piɔw nda ɲɛdiaa.

Nsaŋ 21:17

Mó ɲuna ndu o yàándɔɔ aa: «Simɔn po Yonas-o, vɛ̀ɛ̀ a kaola ya pá?» Mí kɔllo tambu Piɛr le peelu Yeesu peelu ndu sɔɛi ken ɲunaa bɛmbɛ leyáá-o. O kon mó mulul ndu aa: «Maalii, a sínà dɛnndan kpow, a sínà maa i kaola nɔm.» Mí Yeesu dimul ndu aa: «Landu hɔlla saa niaa coo.

Nsaŋ 21:19

A mɛɛ Piɛr ndóò sɔlanin piɔ́mndo, mò ke Hala biiloo yɛ o kɔɔ Yeesu va sɔɛi lende ni. Yeesu ciiyo sɔɛi o ndu lo, mó dimul ndu aa: «Del-la kɔɔli!»