Nsaŋ 21:17 - BII BILA

¹⁷ Mó ɲuna ndu o yàándɔɔ aa: «Simɔn po Yonas-o, vɛ̀ɛ̀ a kaola ya pá?» Mí kɔllo tambu Piɛr le peelu Yeesu peelu ndu sɔɛi ken ɲunaa bɛmbɛ leyáá-o. O kon mó mulul ndu aa: «Maalii, a sínà dɛnndan kpow, a sínà maa i kaola nɔm.» Mí Yeesu dimul ndu aa: «Landu hɔlla saa niaa coo.

Nsaŋ 21:17 Referans Kwoze

Nsaŋ 13:38

Mí Yeesu muli aa: «Toɲaa ni, a vunin lekɛ́ndɛi le ya. Kɛ nduyɛ kongillo koovanin te, mà viinun leyáá maa a sina ya le.»

Marke 14:72

Fɔ́ɔ́fɔ̀, mí kongillo koova vɛlɛ o diinndɔɔ. O kon, mí Piɛr yiyan sɔɛi Yeesu ndóò dimul ndu-e maa: «Lɔ́ɔ́ pá kongillo koova lediin, a vuununnin leyáá maa a sina ya le.» O kon mó caŋ.

Nsaŋ 16:30

N síná nihau maa a sínà dɛnndan kpow, hali mi vana ɲuna lɛhau nɔm te, lelan n laalan maa o Hala lo n fula ni.»

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Efɛsea 4:30

La tɛɛmbuu Kɔl-Diandaa Hala-o kɔl te, o niaa sɔla pondalen holɔɔ a ndu le paale baŋaa len-ndo.

Dɛnnda kiilaa 15:8

Hala, o sinà yiyannda vanndacieea-o cɔm maa o cɛl nda le tùú o ke nda Hala Kɔl-Diandaa maa naa-o.

Nsaŋ 15:10

Te la bii pɛ tɔŋnda nilan, mɛɛ la lonin o kaola nuu nin, mɛɛ ya bii tɔŋnda Fuɲa nuu mì lo o kaola ndɔɔ nin yɛ.

Nsaŋ 14:15

«Te la kaola ya pɛ, mɛɛ la biinin sɔɔn ya co niaa dimullo-on,

Condii lisai 17:3

Yaasiaa bɛɛ kɔl nuu icɔl, mà soli ndu kɔlɔ, tosa bɛɛ fulakɔɔlio le ya kɔlɔɔ sinaa, a seelunnin ɲɛ-ɲɛ vɔɔn te. Kani ɲɛ ya yiyanndo híw sondo nuu coo le.

2Piɛr 3:1

Caaŋaa nia hɛnan ya-a, sɛbɛ ni diinndɔɔ ya co niaa sɛvallo ho ni. O sɛbɛla tiɔnndan ndan nin kpow, i co niaa yiyalanndo haliko mi la nɔ kɔltan o sɔɔn ya co niaa dimullo-on coo.

1Piɛr 1:6

La co ɲaaloo dɔwnɔnndo mì la va huuloo le ken, la kei bɛɛ o sanga súú-súù ka nin le telen bingi.

2Korɛntea 1:12

Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

Dɛnnda kiilaa 1:24

O kon kɔɔli, má piɛi Hala aa: «Maalii, a sínà yiyannda vannda kpow, cɔm vana n hɛli o vanaa ŋiɔnda ha tɛɛn

Nsaŋ 18:27

Kɛ mí Piɛr vuunun vɛlɛ. Fɔ́ɔ́fɔ̀, mí sɔɔ koova.

Nsaŋ 18:4

Yeesu ndóò sina nin dɛnnda va ndu hunɔɔ yɔŋnɔn ndan kpow. Lelan, mó sɔɔnguu, mó ɲuna nda aa: «Nɛ̀ɛ́-nɛ̀ niaa co yɛ nuwviaa?»

Nsaŋ 12:8

La nɔnin vanaa bala fondoa iaa tɛɛn lɔ́ɔ́-lɔ́ɔ̀. Kɛ ya ya, la nɔnin ya niaa tɛɛn lɔ́ɔ́-lɔ́ɔ̀ le.»

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

Cɛɛŋɔnnda Yeremi lan 3:33

Kani o co a kɔlkɛndɛ le o tuisia vana siɛmbulan te, o co o hɛnan ndɔ nin te o saangiaa vanndacieea le.

Yeremi 17:10

Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.

1Dɛnnda lemasalan 29:17

Éé Hala nuu! I sina maa o kɔltan nin di n tofa vana ni, a yeema vɛlɛ dɛnɛ sandaa. Nduyɛ, a kɔl ni sandaa ya yɔngu nɔm ɲɛm-kéan mun kpow ni. I co nihau cɔu mɛɛ vanaa nɔmaa co haa nanu-a co nɔm ɲɛm-kéan yɔngoo a ɲaaloo yɛ.

1Masaa 17:18

Mí cua kon ɲuna Elii aa: «Yɛɛ nɛ co yɛ naa tɛɛn naa nɔm? Vɛ̀ɛ̀ le Hala hakila nilan cɔɔmullo n hin nanu ni haliko mi po nuu sɔla piɔ́mndo?»

Yosue 22:22

«A toɲa, Mɛlɛka co Hala bɛndoo ni, lende i co ni, Mɛlɛka co Hala bɛndoo ni. O sina le kɔlɔ naa n tosa nuaa-o. Israɛlla bɛɛ bɛnda mà sina ken. Te nila kalulan a kɛndɛi sinaa lepɛŋnde vem naa fonda-loamaa-lasálàá ho simio ni, màá Mɛlɛka mal naa haki hau le!

Dɛnnda cɔɔmuanndan 3:19

Ya ya, sɔɛi ya soaa vanaa ya kaola-a le nda silaa ni. Lelan fula diallon, mà mangalan.

2Samiɛl 7:20

Ɔ́ɔ̀ ɲɛ ya David nɔlanin vɛlɛ dimio o diom nɔmndo kɔɔli-o Maalii, Mɛlɛka? Kani nɔm pila sina vana nɔm baalaa.

Nsaŋ 21:18

I co nɔm toɲaa dimul kpendekele, telen n va felengi-o, nɔm pila va yáwlen yiinɔnndo ni, mà va kɔlan nɛɛ nɔm óò yeema-a, kɛ telen n yuuvanin-ndo, a siɛndinin balan mì vana celen yii nɔm yáwlen, mò kɔɛ a nɔm nɛɛ n yeemanin te-a.»

1Dɛnnda lemasalan 17:18

Yɛɛ ya David tiw yɛnin ba le nɔm dimullo handɔɔ o bɛɛle n ke ya len-nden coo? A sina ya, ya vana nɔm baalaa pɛɛn.

Nsaŋ 4:16

Mí Yeesu dimul ndu aa: «Kɔ veelu pɔnɔ nɔm mà muungu nanu.»

Dɛnnda kiilaa 11:10

Mí kon tosan le yaa. O kon kɔɔli, mí ɲɛ kon kpow muungu helnɔnndo o halataala.