Nsaŋ 20:9 - BII BILA

⁹ Kani háá o telen kon, kaandennda ndáà bii-yɔ ɲɛ Sɛbɛla Diandaalan láà dimi-o bila maa Yeesu ndóò tendulnin mò fula vanvílɛ́iya tɛɛn te.

Nsaŋ 20:9 Referans Kwoze

Condii lisai 16:10

Kani nɔm Mɛlɛka, a melnin ya kɔlan ciee-piɔ́m te, a cɛlnin mì ya vana lo lediom coo a nɔm-ndo tol o sɛiyo nin te.

Esai 25:8

Mɛlɛka tɛɛmbuunin piɔ́mndo le fɛɛn a fɛɛn. Maalii Hala vɔɔsuunin vannda kpow mɛmɛan o lahɔl. O faŋanin siɛmbula bɛɛtambɛila vanaa ndɔa o lɛŋnden kpow coo. Mɛlɛka soo lende ni.

Esai 26:19

Kɛ vanvílɛ́yaa nɔmnda muungunin yoomu, dialun vanaa nɔmaa vi-a n tendulnin! La tendul, la yɛkɛlan a kɔlkɛndɔɔ, niaa co o cundoo nin o lɛŋnden bɛngu-a! Kani mɔ́m mingi yoomoo-o mɔ́m nɔmndo co ni. Lɛŋnden le minginin vanaa vi-a yoomu ma ce paalen.

1Korɛntea 15:4

Má kumbu ndu, o paale yàándɔlen coo, mó tendul maa mɛɛ o sɛvan yɛ.

Luke 24:26

Mɛɛ mì Krista ndóò sanga o dɛnnda lan nin kpow lende lɔ́ɔ́ pá mì ndóò luɛi o biilu ndɔɔ nin.»

Matie 22:29

Mí Yeesu mulul nda aa: «O pɔwlan nin niaa co nuaa ni! Kani la bii ɲɛ co o sɛvaa o Sɛbɛ Hala-o nin-ndo bila le, la bii vɛlɛ kpaaya Hala-o bila le.

Osee 13:14

I baŋanin nda mì soli nda ciee-piɔ́m, i solinin nda o kpòndò piɔ́mndo bɛngu. Òó piɔ́mndo! Ɔ́ɔ̀ ɲɛm cɔvun n tiindan-ndon? Òó ciee-piɔ́m! Ɔ́ɔ̀ kpaaya nɔm tɛɛmbua? I tofa lɛnin nda mì ɲíí bii ya le.

Nsaŋ 2:22

Mɛɛ o tendu fulaa vanvílɛ́iya tɛɛn, mó muungu yoomu, mí kaandeŋaa ndɔa loonun maa ndóò dimi lende. Má laalan sɔɛi sɛbɛ Hala-o dimi-e a sɔɛi Yeesu ndóò dimul nda-e.

Luke 9:45

Kɛ a síná kɔlɔ sɔɛi ken te. Sɔɛi kalɛi ndíì dindu nda o hɔl te, a bii ndi bila le, mí siòònde bii nda le ndu ɲunaa a sɔɛi ken o kɔɔ.

Condii lisai 22:15

I co saŋnɔnndo maa mamɛn, paalan la faŋan ya o boondon. Kɔllo siŋnun ya maa dukpa, o co ya tengaa nin.

Dɛnnda kiilaa 2:24

Kɛ mí Hala mingi ndu yoomu, mó soli ndu piɔ́mndo o ba, kani ndóò bɛnda mì ndóò lo o kpaaya piɔ́m kon bɛngu le.

Dɛnnda kiilaa 17:3

o va nda tɛɛsiallo a nda cɔmndo maa mɛɛ mì Krista ndóò sanga, mì ndóò tendu fulaa vanvílɛ́iya tɛɛn. Mó dimul nda vɛlɛ aa: «Yeesu ya co hoo niaa sɔɛi ndɔɛi dimullo-o, ndu co Krista ni.»