Nsaŋ 20:27 - BII BILA

²⁷ O kon, mó dimul Tomas aa: «Siɛndi suei mà vow, tofa ya balan. Siɛndi vɛlɛ baa mà vow ya o ilungbu, pɛngi sikaa mà laalan!»

Nsaŋ 20:27 Referans Kwoze

Nsaŋ 20:25

O kon mí kaandeŋaa tɔ̀a dimul ndu aa: «N ce Maalii se!» Kɛ mí Tomas dimul nda aa: «Te i ci foofola n'pɔɔndɔlan ndu o laba, mì vow suei nɛɛ pɔɔndɔn n luɛi ya le, te i vow ndu baa o ilungbu le, i laalàn ndi le.»

Nsaŋ 20:20

Mɛɛ o dimi lende, mó cɔm nda bala ndɔlan a lumgbui ndɔɛi. Mí kaandennda dɔawnun ɲaale le Maalii cɔu.

Condii lisai 78:38

Kɛ ndu Hala, le tùú o nɔ ɲííye taw-vo, mó va nda hakilan malɔɔ, mó kɛɛ le nda ciiyo diwvo. Lɔ́ɔ́ lepum, o ɲulul kɔl, o ve kɔl ndɔ tuwvo tindi le.

Rɔmnda 5:20

Nduyɛ, tɔŋndo ndu hin, haliko mi yɔŋ vɔɔndo kui, kɛ nɛɛ yɔŋ vɔɔndo kui pɛ, lon kɛndɛi Hala-e ndi hiaw kuiyo ni.

Luke 24:40

Mɛɛ Yeesu va sɔɔn mun dimio, mó cɔm nda balan a pelon.

Luke 9:41

Mí Yeesu dimi aa: «Éé niaa vanaa yɔŋ vɔɔŋaa nɔ haa laalan te-a! Háá telen kuɛɛ ya lo yɛnin niaa ikɛi mì lo biuvɔnndo ho a niaa nuaa? Cuu vɔ ya po nɔm kalaa nanu.»

Marke 9:19

Mí Yeesu mulul nda aa: «Kpòkóó, niaa vanaa nila kalua ha! Háá lɔ́ɔ́ kuɛɛ ya lo yɛnin niaa ikɛi? Háá lɔ́ɔ́ kuɛɛ ya lo yɛnin niaa biuvɔnndo? La cuu ya poombɔ kalaa!» O kon má yoo ndu ndu.

Matie 17:17

Mí Yeesu muli aa: «Éé, niaa vanaa nila kalua a vanaa laasiannda ha! Háá telen kuɛɛ nɛ ya lo yɛnin niaa ikɛi? Vɛ̀ɛ̀ kpɛ́ ya lo yɛnin biwnɔnndo a niaa? La cuu ya ndu nanu.»

Luke 24:39

La tofa vɔ ya balan a pelon, ya kpeekpei ni! La pilan ya mì la ce, kani ɲinaa ndu nɔ n'dial te, o nɔ lapaa le, kɛ ya yɛ, i nɔ.»

Nsaŋ 20:28

Mí Tomas mulul ndu aa: «Maalii nuu a Hala nuu!»