Nsaŋ 20:26 - BII BILA

²⁶ Palɛi ŋɔmaa o kon kɔɔli, kaandeŋaa Yeesu-a va vɛlɛ cɛinin, Tomas va latulu a nda. Mí Yeesu hun, diolan la va la kiindiaa lan, mó sim nda tɛɛn, mó dimul nda aa: «Màá la sɔla kɔlɲuloo!»

Nsaŋ 20:26 Referans Kwoze

Nsaŋ 20:19

Paale len le va paale taselen o lɔ́ɔ́ kon nin ni, diolan la va lakindaalan nɛɛ kaandennda va-a, kani siòònde va nda a Yuifia. Mí Yeesu hun, mó sim nda tɛɛn, mó dimul nda aa: «Màá la sɔla kɔlɲuloo!»

Nsaŋ 20:21

Mí Yeesu dimul nda vɛlɛ aa: «Màá la sɔla kɔlɲuloo! Maa mɛɛ Pua vem ya yɛ, ya bɛɛ i vem niaa.»

Nsaŋ 14:27

I co niaa kɔlɲuloo mel, i co niaa kɔl ni ɲuloo ke. Ya, i kenin niaa ndu mɛɛ ceendo yɔngu yɛ le. Kɔlta niaalan la lààsian mì la buulan te.

Luke 9:28

Palɛi ŋɔmaa o sɔɔn o dimi mun-ndon kɔɔli, mí Yeesu can nda Piɛr, Nsaŋ a Nsaki, má kɔa o pembei coo le piɛilen.

Matie 17:1

Palɛi ŋɔmpum o kon kɔɔli, mí Yeesu cua Piɛr, Nsaki a Nsaŋ puapilɛ ndɔ, mó kɔa a nda o pembii vilɛiye pum coo.

Esai 54:10

Hali o va bɛɛ mì pembun bɛndon hiilun, hali pembun pɔmbɔn biiŋun bɛɛ, kaola ya nɔ le nɔmndo bɔndɔlanin te, kpema kɔlɲulu ya yii a nɔmndo bɛɛ kpeŋannin te.» Mɛlɛka nɔ ɲííye a nɔmndo dimi lende ni.

Esai 26:12

Nɔm Mɛlɛka co naa kɔlɲuloo yɔngoo ni, kani ɲɛ-ɲɛ naa n co tosaa, nɔm co kon toosiaa le naa ni.

Esai 27:5

Fɔ mì vannda kɛɛ dɔ́ɔ́ le ya sinaa maa nɛɛ ndaa viannan, mà kɛɛ dɔ́ɔ́ le kɔlɲuloo lueiyo naa ndaa tɛɛn dɛ! Mbɔ̀ fɔ mà kɛɛ dɔ́ɔ́ le kɔlɲuloo lueiyo naa ndaa tɛɛn.»

Marke 16:14

O mɛɛlulan, mí Yeesu cɔmnun kaandeŋaa tɔ́ a ò pilɛa telen nda va dioo-o. Mó soaa nda le laalan lepɛŋ ndaa a le nila kalula ndalan, a le tùú nda kɛɛ vanaa ce ndu, telen o muungu yoomu-o laalan-ndo.

Luke 24:36

A lo sɔɛi ken, mí Yeesu pila fula nda tɛɛn, mó dimul nda aa: «Màá la sɔla kɔlɲuloo!»

Nsaŋ 11:16

O kon mí Tomas nda veelu aa Didim-ndo dimul kaandeŋaa tɔ̀a aa: «Naa bɛɛ n kɔnnun mì n kɔ vunnun naa Yeesu-aa.»

Nsaŋ 21:1

O kon kɔɔli, mí Yeesu cɔmnun vɛlɛ kaandeŋaa ndɔa, o dalaa Tiberiade kɔngɔ. Mɛɛ o cɔmnun nda yɛ co hoo ni:

Nsaŋ 21:14

Kabi Yeesu muungu yoomu fulaa vanvílɛ́iya tɛɛn, kon yɔŋnun bɛmbɛ yàándɔɔ le Yeesu kaandeŋaa ndɔa cɔmnɔnndo ni.

Dɛnnda kiilaa 1:3

O piɔ́m ndu Yeesu sɔla-o kɔɔli, mó cɔmnun nda, mó cɔm nda vɛlɛ tɔɔmaselelan taw maa o muungu yoomu. Palɛi belehiɔɔlu o cɔmnun nda ni, mó dimul nda sɔɔn a Masale Hala len o kɔɔ.