Nsaŋ 20:25 - BII BILA

²⁵ O kon mí kaandeŋaa tɔ̀a dimul ndu aa: «N ce Maalii se!» Kɛ mí Tomas dimul nda aa: «Te i ci foofola n'pɔɔndɔlan ndu o laba, mì vow suei nɛɛ pɔɔndɔn n luɛi ya le, te i vow ndu baa o ilungbu le, i laalàn ndi le.»

Nsaŋ 20:25 Referans Kwoze

Nsaŋ 6:30

Má ɲuna ndu aa: «Ɔ́ɔ̀ dɛnɛ kaamaa n co tosa haliko mi n ce mi n laalan nɔm-ndo? Ɔ́ɔ̀ dɛnɛ n co tosa-o!

Marke 16:11

Ndáà tueyɔɔ maa o co yoomu, maa Mari ce ndu, a laalan te.

Hebreea 3:18

Hala cii mɛnan aa: «Le fɛɛn a fɛɛn, a lueinin o lɛŋnde ya toosial nda pɛngio len nin te few.» Le nɛ̀ɛ̀aa o mɛnan yɛ lende? Vɛ̀ɛ̀ o co le vanaa bii sɔɛi ndɔɛi le-a le?

Hebreea 3:12

Puapilɛa nia, la mandan, vana-vana nɔ kɔl dɛnɛ vɔɔndo a nila kalulan, mò mulul Hala nɔ yoomoo o ba-o kɔɔ le.

Nsaŋ 21:7

O kon mí kaandennɔ Yeesu ndóò kaola-o dimul Piɛr aa: «Maalii ni se.» Simɔn Piɛr tueyɔɔ dɔ́ɔ́ maa Maalii ni, mó vownun volɔɔla ndɔlan, kani kɔɔle fondo o va ni, mó del o mɛnndan nin.

Nsaŋ 1:41

Vana tase o komal-lo va Simɔn Piɛr puapilɛ ndɔ ni. Mó dimul ndu aa: «N saalun Vana Hala vem-ndo, Krista pɛɛn!»

Luke 24:25

O kon mí Yeesu dimul nda aa: «Niaa vanaa nɔ haa kɔlkalu le-a, kɔlta niaalan la yala sɔɔn vanaa-tɛɛngaa-diom Hala-a dimi-on biyɔɔ le!

Matie 27:42

«O ciindiaa caaŋaa celen, vɛ̀ɛ̀ mo bumba ndu pila ciindian? Ndu co masa Israɛlla ni, o tol-lɔ niko o yɔm singafilaa coo. O kon mì n laalan ndu.

Condii lisai 78:32

Kɛ a kon kpede, a va hiovɔɔ laci a hakilan tosaa, a laalan dɛnnda kaamaala Hala tosa lan-ndan te.

SƐBƐ YƆB-O 9:16

I veelu ndu bɛɛ mó cɛl, i laalan te te o yaŋnin nilan o diom nuu.

Condii lisai 22:16

Yoomuma nian ma vesan maa bɔ́w, diɛɛmulen le vesa ya o sondo sɛ́ɛ́n, a handu ya o sɛiyo sondoo.

Marke 16:13

Mí nda bɛɛ muungu, má kɔ dimul vanaa celen, nda bɛɛ laalan nda le.

Marke 16:14

O mɛɛlulan, mí Yeesu cɔmnun kaandeŋaa tɔ́ a ò pilɛa telen nda va dioo-o. Mó soaa nda le laalan lepɛŋ ndaa a le nila kalula ndalan, a le tùú nda kɛɛ vanaa ce ndu, telen o muungu yoomu-o laalan-ndo.

Nsaŋ 20:27

O kon, mó dimul Tomas aa: «Siɛndi suei mà vow, tofa ya balan. Siɛndi vɛlɛ baa mà vow ya o ilungbu, pɛngi sikaa mà laalan!»