Nsaŋ 20:22 - BII BILA

²² Mɛɛ o cii sɔɔn mun dimi, mó hul nda, mó dimi aa: «La sɔla Hala Kɔl-Diandaa.

Nsaŋ 20:22 Referans Kwoze

SƐBƐ YƆB-O 33:4

Kɔl Hala-o toosiaa ya ni, Hoiyii Ó-Hiow-Kpaayaa-Kpow-vo-e co tosaa ni mì va yoomu.

O Kandɔɔ 2:7

Mí Mɛlɛka Hala ɲɔla puuloo lɛŋ, mó cɔaw vanacieo a puulu kon. Mó hul ndu hoeyii yoomuɛi o tɛɛngun lamilinndon nin, mí vanaciee kon siŋnun ɲɛ yoomaa.

Dɛnnda kiilaa 19:2

mó ɲuna nda aa: «Vɛ̀ɛ̀ la sɔla pá Hala Kɔl-Diandaa lɔ́ɔ́ niaa laalan-ndo?» Má mulul ndu aa: «N tui bɛɛ le maa Hala Kɔl-Diandaa co.»

Dɛnnda kiilaa 8:15

Ndáà tiiyaa dɔ́ɔ́ Samari, má piɛi Hala le Samaria kalaa haliko mi ndáà sɔla Hala Kɔl-Diandaa.

Dɛnnda kiilaa 2:38

Mí Piɛr mulul nda aa: «La mangalan, mì vana-vana o niaa tɛɛn sɔla yinɔɔ o diola Yeesu lan, haliko mi hakila niaalan la malnun haki. O kon mì la sɔla ke Kɔl-Diandaa.

Esekiɛl 37:9

Mó dimul-la aa: «Tɛɛnguu diom Hala-o mà soo o hoeyii yoomuɛi lo aa ‹Nuaa Maalii, o co Mɛlɛka-o dimi ni aa: Nɔm hoeyii yoomuɛi sei, fula o kpengun hiɔɔlun ceendo mà hɔŋ vanvílɛ́iya haa coo, haliko ma muungu yoomu.›»

Condii lisai 33:6

A sɔɛi sondoei Mɛlɛka cɔw halataalaa ni, mí hoeyii fula ndu o sondo-e cɔaw loeon co kundaa lon-ndon.

Dɛnnda kiilaa 2:4

Mí Hala Kɔl-Diandaa pia nda nin kpow, má kandu sɔɛi o sɔɔn celen nin mɛɛ Kɔl-Hala-o va nda cɔmndo le sɔɛi yɛ.

Nsaŋ 7:39

A Kɔl-Diandaa vanaa laalan ndu-a ndáà sɔlanin-ndo o kɔɔ o va sɔɛi ni, kani Kɔl-Diandaa ndóò yɔngun ndɔ nda le, bau Yeesu ndóò hel-lɔ o biilu ndɔɔ nin te.

Kalatea 3:2

La mulul-lɔ ya sɔɛi ya co niaa hee ɲuna-e: Mò va maa le tɔŋnda niaa co biyɔɔ lan niaa sɔla Kɔl-Diandaa ni baa le Yoongu Kɛndɛ niaa tuei mí la laalan-ndo?

Dɛnnda kiilaa 4:8

Mɛɛ Hala Kɔl-Diandaa pɛ Piɛr nin, mó dimul nda aa: «Niaa simlacia co vannda simndan laci-a a niaa kaasoŋaa kɔlkalua sei!

Dɛnnda kiilaa 10:47

O kon, mí Piɛr ɲuna aa: «Vɛ̀ɛ̀ o bɛnda pá mi vana kɛɛ nihau vanaa sɔla haa Hala Kɔl-Diandaa maa naa-a yinɔɔ o mɛnndan nin?»

Nsaŋ 15:26

Telen vana nia ɲɔɔlaa hunnin fulaa Pua o ba-o, Kɔl toɲa fula o Pua lo-o timbinin seilen a ya o kɔɔ,

Nsaŋ 14:16

o kon, i piɛinin Pua, mò ke niaa vana ɲɔɔlaa celen, o vanin niaa ikɛi le lɔ́ɔ́-lɔ́ɔ̀-o:

Nsaŋ 16:7

Kɛ nduyɛ, toɲaa ya co niaa dimullo ni: o co fisa le niaa mì kɔɛ, kani te i koe le, vana ɲɔɔlaa hinnin o niaa lo le, kɛ te i kɔɛ pɛ, i kɔ yɔŋ niaa ndu.

Nsaŋ 20:21

Mí Yeesu dimul nda vɛlɛ aa: «Màá la sɔla kɔlɲuloo! Maa mɛɛ Pua vem ya yɛ, ya bɛɛ i vem niaa.»

Nsaŋ 20:23

Hakila vanaa niaa malnin haki-a la malnunnin haki, la vanaa niaa melnin haki le-a la lonin nda coo.»