Nsaŋ 20:21 - BII BILA

²¹ Mí Yeesu dimul nda vɛlɛ aa: «Màá la sɔla kɔlɲuloo! Maa mɛɛ Pua vem ya yɛ, ya bɛɛ i vem niaa.»

Nsaŋ 20:21 Referans Kwoze

Nsaŋ 13:20

I co niaa toɲaa dimul, vana cɛl pɛ vana ya vem-ndo, mɛɛ ya o cɛl lende ni. Vana cɛl-lɛ ya pɛ, mɛɛ vana vem ya-o o cɛl lende ni.»

Nsaŋ 3:17

Kani Hala vim Po ndɔɔ o ceendo coo le ceendo iyama kilul te, kɛ haliko mi ceendo sɔla cindaa ndu o ba.

Dɛnnda kiilaa 1:8

Kɛ la sɔlanin kpaayaa lɔ́ɔ́ Kɔl-Diandaa toalnin niaa coo-o. O kon, la siŋnunnin seyaa nia Yerusalɛm ciee, o tàndá Yuda-o nin a o lɛŋnde Samari len nin kpow, kɔlan tiiyaa háá o lɛŋnden mɛɛlulan.»

2Timote 2:2

Ɲɛ n tuei ya dimio seiya taw o hɔl-lo, pɛɛku vanaa n laalan-nda ndu, a tiwnin ba mà pɛɛku vɛlɛ vanaa celen ndu-a.

Matie 10:40

«Vana cɛl pɛ niaa, mɛɛ ya o cɛl ni. Vana cɛl-lɛ ya pɛ, mɛɛ vana vem ya-o o cɛl lende ni.

Matie 10:16

«I co niaa vomɔɔ maa n'saa tunaa yondoa tɛɛn. Lelan, la kiondu kɔltan maa n'kɛw, mì la vi kɔltan maa n'piin.

Nsaŋ 14:27

I co niaa kɔlɲuloo mel, i co niaa kɔl ni ɲuloo ke. Ya, i kenin niaa ndu mɛɛ ceendo yɔngu yɛ le. Kɔlta niaalan la lààsian mì la buulan te.

Hebreea 3:1

Lelan puapilɛa nia vanaa laalannda, niaa Hala veelu-a, la tofa Yeesu, ndu Hala vem le vaa bolle vanaa-solia-lasálàá ni, o naa n co sɔɛi ndɔɛi dimio-o.

Nsaŋ 20:19

Paale len le va paale taselen o lɔ́ɔ́ kon nin ni, diolan la va lakindaalan nɛɛ kaandennda va-a, kani siòònde va nda a Yuifia. Mí Yeesu hun, mó sim nda tɛɛn, mó dimul nda aa: «Màá la sɔla kɔlɲuloo!»

Luke 24:36

A lo sɔɛi ken, mí Yeesu pila fula nda tɛɛn, mó dimul nda aa: «Màá la sɔla kɔlɲuloo!»

Nsaŋ 20:22

Mɛɛ o cii sɔɔn mun dimi, mó hul nda, mó dimi aa: «La sɔla Hala Kɔl-Diandaa.

Nsaŋ 20:26

Palɛi ŋɔmaa o kon kɔɔli, kaandeŋaa Yeesu-a va vɛlɛ cɛinin, Tomas va latulu a nda. Mí Yeesu hun, diolan la va la kiindiaa lan, mó sim nda tɛɛn, mó dimul nda aa: «Màá la sɔla kɔlɲuloo!»

Dɛnnda kiilaa 1:2

kɔlan háá paale o hel o halataala len. Lɔ́ɔ́ o hun hel o halataala, mó yɔngu kiilaa ndɔa o hɛli-a silalan o kpaaya Hala Kɔl-Diandaa bɛngu.

3Nsaŋ 1:14

I nɔ kɔlkɛsiaa maa i co nɔm komal vaalio pum, mì n kɔ suukan.