Nsaŋ 20:2 - BII BILA

² Mó ɲaanun, mó kɔ komal Simɔn Piɛr a kaandennɔɔ pilɔɔ, o Yeesu ndóò kaola taw-vo, mó dimul nda aa: «A cii Maalii soli o sɛiyo nin, n sínà nɛɛ nda kɛsi ndu le.»

Nsaŋ 20:2 Referans Kwoze

Nsaŋ 13:23

Kaandennɔ pilɛ, o Yeesu ndóò kaola taw-vo va ndu Yeesu icali ikɛi,

Nsaŋ 20:13

Mí mɛlɛkaa kan a ɲuna ndu aa: «Vuɛɛndo, le yɛɛ nɛ n co yɛ caŋndo?» Mó mulul nda aa: «A cii Maalii ni vi-o cua, i sínà nɛɛ nda kɛsi ndu le.»

Nsaŋ 21:24

Kaandennɔ co seilen timbio a dɛnnda lan o kɔɔ-o sɛva lan ni. N sinà yɛ maa toɲaa seile ndɔlen le co ni.

Nsaŋ 21:7

O kon mí kaandennɔ Yeesu ndóò kaola-o dimul Piɛr aa: «Maalii ni se.» Simɔn Piɛr tueyɔɔ dɔ́ɔ́ maa Maalii ni, mó vownun volɔɔla ndɔlan, kani kɔɔle fondo o va ni, mó del o mɛnndan nin.

Nsaŋ 19:26

Yeesu cɔu kala ndɔ, mó ca kaandennɔ ndóò kaola-o isisi ndu ikɛi, mó dimul kala ndɔ aa: «Vuɛɛndo, má cè po nɔmndo.»

Nsaŋ 21:20

Piɛr mulinndo, mó cannun kaandennɔ Yeesu ndóò kaola-o nda kɔɔli, ó va o sɛɛŋan Yeesu o ibuŋ telen nda va ɲɛdiaa icɔllo dioo mi ndóò ɲuna Yeesu-o aa: «Maalii, nɛ̀ɛ́-nɛ̀ mal-lɛnin nɔm vannda o ba?»

Nsaŋ 20:15

Mí Yeesu ɲuna ndu aa: «Vuɛɛndo, le yɛɛ nɛ n co yɛ caŋndo? Nɛ̀ɛ́-nɛ̀ n co yɛ nuwviaa?» Mari ca ko bɛɛ aa vana baala nakɔɔ ni, mó dimul ndu aa: «Fallo, te nɔm faŋa dialun Yeesu-on ni, mɛɛ dimul-la nɛɛ n kɔ kɛsi mun-nda, mì kɔ cua.»

Nsaŋ 20:9

Kani háá o telen kon, kaandennda ndáà bii-yɔ ɲɛ Sɛbɛla Diandaalan láà dimi-o bila maa Yeesu ndóò tendulnin mò fula vanvílɛ́iya tɛɛn te.