Nsaŋ 20:19 - BII BILA

¹⁹ Paale len le va paale taselen o lɔ́ɔ́ kon nin ni, diolan la va lakindaalan nɛɛ kaandennda va-a, kani siòònde va nda a Yuifia. Mí Yeesu hun, mó sim nda tɛɛn, mó dimul nda aa: «Màá la sɔla kɔlɲuloo!»

Nsaŋ 20:19 Referans Kwoze

Nsaŋ 20:26

Palɛi ŋɔmaa o kon kɔɔli, kaandeŋaa Yeesu-a va vɛlɛ cɛinin, Tomas va latulu a nda. Mí Yeesu hun, diolan la va la kiindiaa lan, mó sim nda tɛɛn, mó dimul nda aa: «Màá la sɔla kɔlɲuloo!»

Nsaŋ 14:27

I co niaa kɔlɲuloo mel, i co niaa kɔl ni ɲuloo ke. Ya, i kenin niaa ndu mɛɛ ceendo yɔngu yɛ le. Kɔlta niaalan la lààsian mì la buulan te.

Nsaŋ 20:21

Mí Yeesu dimul nda vɛlɛ aa: «Màá la sɔla kɔlɲuloo! Maa mɛɛ Pua vem ya yɛ, ya bɛɛ i vem niaa.»

Efɛsea 2:14

Kani Krista pila co kɔlɲuloo le naa ni, ndu tosa ni mó siinguu Yuifia a vanaa ve N'Yuifi le-a ɲɛ pilɔɔ. A dialun ndɔn, mó tɛɛmbuu kpaki va naa tɛɛn-ndo, yaamɔɔlen pɛɛn.

2Tesalonikea 3:16

Màá Mɛlɛka nɔ kɔlɲuloo o ba-o kei o nɛi oo nɛi coo, mò va niaa ndu yɔngoo lɔ́ɔ́-lɔ́ɔ̀! Màá ndu Mɛlɛka va niaa kpow ikɛi!

Nsaŋ 7:13

Kɛ nduyɛ, vana-vana ve isɔɔ vakpa a ndu o kɔɔ le, kani siòònde va nda a Yuifia.

Marke 16:14

O mɛɛlulan, mí Yeesu cɔmnun kaandeŋaa tɔ́ a ò pilɛa telen nda va dioo-o. Mó soaa nda le laalan lepɛŋ ndaa a le nila kalula ndalan, a le tùú nda kɛɛ vanaa ce ndu, telen o muungu yoomu-o laalan-ndo.

Dɛnnda cɔɔmuanndan 1:4

Ya Nsaŋ co vanaa laalaŋaa co o kobila ŋɔmmɛwla co o tàndá Asii-o nin-ndan sɛvallo ni: Màá kɛndɛi a kɔlɲuloo yɔngun niaa fulaa vana co-o, ó va-o a vana co hunɔɔ-o o ba, fulaa kɔlta ŋɔmmɛwla co o kpɛŋɛ ndɔ lemasaa hɔl-ndɔ lan,

1Korɛntea 15:5

Mó cɔmnun Piɛr, o kon kɔɔli, mó cɔmnun kiilaa tɔ́ a à ŋiɔnda.

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

Hebreea 7:2

Mí Abraham ke ndu o-tɔ́ndɔɔ o ɲɛm o hɛlu-on nin kpow. Diola lan aa: «Mɛlkisedɛk», kɔlɔ ndɔɔ co ni aa: «Masa dɛnɛ sandaa». Handɔɔ o kon coo, Mɛlkisedɛk kon va vɛlɛ masaa Salɛm ni, kon co dimio ni aa: «Masa kɔlɲuloo».

Filipea 1:2

Màá Hala Fuɲa naa a Maalii Yeesu Krista tosal niaa kɛndɛi, mà ke niaa kɔlɲuloo!

Efɛsea 6:23

Puapilɛa naa, màá Hala Fuɲaa nda Maalii Yeesu Krista a yɔngu niaa kɔlɲuloo, kaolaa a laalanndo!

Rɔmnda 15:33

Màá Hala yɔngu vana kɔlɲuloo-o va niaa kpow ikɛi! Amiina.

Nsaŋ 16:22

Lende koni, niaa bɛɛ, mɔnɛi co niaa o lakɔl sunsun, kɛ i canin niaa vɛlɛ, mì kɔlta niaalan la dɔwnun ɲaale, vana-vana nɔlanin ɲaale niaa poonda le.

Matie 18:20

Kani nɛɛ vanaa ŋiɔn, te kon te vanaa yaa cuungian pɛ o diola nilan, i co nda tɛɛn.»

Matie 10:13

Te vanaa co cɛinin lon-nda caa pɛ niaa biyɔɔ, a sɔla kɔlɲulu kon. Kɛ taa cee niaa biyɔɔ le, kɔlɲulu kon muungun niaa pila o ba.

Condii lisai 122:8

Le tùú ya kaola puapilɛa nia a caaŋaa nia-o, mí dimi aa: «Màá la sɔla kɔlɲuloo!»

Nsaŋ 21:1

O kon kɔɔli, mí Yeesu cɔmnun vɛlɛ kaandeŋaa ndɔa, o dalaa Tiberiade kɔngɔ. Mɛɛ o cɔmnun nda yɛ co hoo ni:

Nsaŋ 21:14

Kabi Yeesu muungu yoomu fulaa vanvílɛ́iya tɛɛn, kon yɔŋnun bɛmbɛ yàándɔɔ le Yeesu kaandeŋaa ndɔa cɔmnɔnndo ni.

Dɛnnda kiilaa 1:3

O piɔ́m ndu Yeesu sɔla-o kɔɔli, mó cɔmnun nda, mó cɔm nda vɛlɛ tɔɔmaselelan taw maa o muungu yoomu. Palɛi belehiɔɔlu o cɔmnun nda ni, mó dimul nda sɔɔn a Masale Hala len o kɔɔ.

3Nsaŋ 1:14

I nɔ kɔlkɛsiaa maa i co nɔm komal vaalio pum, mì n kɔ suukan.