Nsaŋ 20:17 - BII BILA

¹⁷ Mí Yeesu dimul ndu aa: «Pilan ya le, kani i hel-lɔ o Pua lo le. Kɛ kɔ dimul puapilɛa nia aa i co helɔɔ o fuɲa nuu a fuɲa niaa lo, o Hala nuu a Hala niaa lo.»

Nsaŋ 20:17 Referans Kwoze

Nsaŋ 16:28

O Pua lo ya fula ni, mì hun o ceendo coo. Sunsun, i co faŋan o ceendo coo, mì muungu o Pua lo.

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

Kalatea 3:26

Kani mɛɛ niaa co kpede, cuavaa Hala-a niaa co le laalan niaa laalan Yeesu Krista-o ni.

Nsaŋ 17:11

I co lɛ va o ceendo coo le, kɛ nda co vɔ va o ceendo coo. Ya i co hunɔɔ muungu o nɔm ndo. Fuɲa ni diandaa, manda nda o diola nɔmndan, diola n ke ya lan, haliko ma va ɲɛ pilɛ maa mɛɛ naa n co ɲɛ pilɛ naa ŋiɔn yɛ.

1Nsaŋ 3:2

Caaŋaa nia hɛnan ya-a, cuavaa Hala-a naa n co nin ni, mɛɛ naa n hun vanin yɛ cɔmnun ndɔ le, kɛ i naa n sínà-e co ni maa telen Krista fulanin ceen-ndo, maa ndu naa n vanin ni, kani n canin ndu mɛɛ o co yɛ.

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Marke 16:19

Yeesu ciiyo nda sɔɔn mun dimullo, mó hel o halataala, mó kɔ cal Hala o ba kɛndɔɔ coo.

Condii lisai 68:18

Hala nɔ ɲɛla ɲaanannda cɔlua nan-ndan taw-taw, la co vàálan o vàálan nin. Maalii co lan tɛɛn o pembei Sinai coo, o fonda diandaa.

Dɛnnda cɔɔmuanndan 21:3

Mí tuɛi diom bɛndoo pum fulaa a ba kpɛŋɛ lemasaa aa: «La tofa vɔ Cɛi-Diandaa Hala-o vanndacieea tɛɛn! O vanin nda tɛɛn, a vanin vanaa ndɔa, mì Hala pila va a nda latulu.

2Korɛntea 6:18

I vanin Fuɲa nia, mì niaa va poaa niaa a cuavaa nia.» Mɛlɛka nɔ kpaayaa kpow-vo dimi lende ni.

Rɔmnda 8:29

Kani vanaa Hala síná paandu pa-a, nda o toosiaa le siŋnɔnndo maa velan Po ndɔɔ ni, haliko mo va Po tasoo puapilɛa taw tɛɛn.

Nsaŋ 17:25

Pua Sandaa, ceendo sina nɔm te, kɛ ya, i sina nɔm, vannda sina maa nɔm vem ya ni.

Matie 28:7

La kɔ dimul kaandeŋaa ndɔa cɔ́-cɔ́ maa o tendul. Maa o hiow nda laci Kalile, lon nda canin ndu ni. Hee yáà nɔ le niaa dimullo ni.»

Matie 12:50

Vana-vana tosa pɛ hɛnan Fuɲa ni co o halataala-o, vana kon co pɔmbɔ nuu, yema nuu a kala nuu ni.»

Dɛnnda cɔɔmuanndan 21:7

Ɲɛ vana nɔlanin-ndo sɔlanin kɛ́ɔ-vo co hoo ni: I vanin Hala ndɔɔ, mì ndu va po nuu.

Hebreea 8:10

Kani kpema va naa tɛɛn naa cuavaa Israɛlla-o va hoo ni aa: ‹Palɛi ken hiow pɛ, i vownin tɔŋnda nilan nda nin, mì sɛva vɛlɛ lan nda o lakɔl. I vanin Hala ndaa, mì nda va vanaa nia.

Nsaŋ 20:27

O kon, mó dimul Tomas aa: «Siɛndi suei mà vow, tofa ya balan. Siɛndi vɛlɛ baa mà vow ya o ilungbu, pɛngi sikaa mà laalan!»

Nsaŋ 17:5

Lelan Pua, biilu ya nɔm pila ikɛi, maa biilu naa n va paandu nin naa ŋiɔn lɔ́ɔ́ pá mi ceendo fula-o.

Nsaŋ 14:28

La tuei, mí dimul niaa maa i co lakɔnnɔn mì muungu niaa o ibuŋ. Te la kaola ya pɛ, mɛɛ la dɔawnunnin ɲaale le kɔla ya co o Pua lo lan, kani Pua hiow ya vaa o bɔɔ ni.

Nsaŋ 14:2

Fondalan la co taw o Fuɲa nuu lo cɛinin, te ndóò ve toɲa le, i va niaa dimul. Kɛ fondaa ya co lakɔ niaa toosial ni.

Nsaŋ 13:3

Yeesu pila ndóò sina nin maa o Hala lo ndóò fula ni, o Hala lo o va muungoo ni, ndóò sina vɛlɛ maa Fuɲa ndɔ ndóò cii ndu ɲɔɔn kpow downɔn.

Nsaŋ 13:1

Lɔ́ɔ́ pá mí Kafo-hiava-coo tiiya, Yeesu ndóò sina nin maa telen ndɔɔ tiiya le faŋanndo o ceendo coo le kɔlan o Fuɲa ndɔ lo. Ndóò kaola kaandeŋaa ndɔa va o ceendo coo-a taw, nduyɛ mó lo nda kaolaa háá o mɛɛlulan.

Nsaŋ 7:33

Mí Yeesu dimi aa: «I co vɔ latulu naa niaa le telen bingi, o kon kɔɔli i muungun o vana vem ya-o lo.

Luke 10:4

La kɔa a n'voli le, la kɔa a bɔlɔ le, la kɔa vɛlɛ a lasamta le. La yilan niaa vana o nɛi le.

Esekiɛl 37:27

Calta nilan la vanin nda tɛɛn, i vanin Hala ndaa mì nda va vanaa nia.

Esekiɛl 36:28

La calnin o lɛŋnde ya yɔngu (sindɛ) fuɲaa niaa mamaa len nin. La vanin vanaa nia, mì ya i va Hala niaa.

Yeremi 32:38

A muungunin mà siŋnun vanaa nia, mì ya i va Hala ndaa.

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

Condii lisai 89:26

O sɔlanin kpaayaa mɛmma ihɛllan coo, peelan bɛɛ la vanin ndu o ba bɛngu.

2Masaa 7:9

O kon kɔɔli, má dimulan vellaa-velle aa: «O co dɛnɛ kɛndɛ le naa n co hoo tosaa le dɛ! Paalen nden hau, paale Yoongu kɛndɛlen le co ni. Te n lo pɛ meiyo nuaa, mì n lo cumndo háá mì paalen le sɛ, dɛnɛ palaa co naa tolɔɔ coo le ken. Lelan la hun n kɔnnun, mì n kɔ tiiyan yoongoo ho o cɛi lemasaa nin.»

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

Condii lisai 48:14

La mɛɛndian-ndɔ kpakila ndɔlan, mì la tofa fondala ndɔla mayoomulan ɲɛkɛndɛi, le vanaa hun vialunnin-nda dimullo

Condii lisai 43:4

I kɔanin o fonda-loamaa-lasálà nɔmndo, nɔm pila ikɛi, nɔm Hala co kɔlkɛndɛ nuu a ɲaale nuu-o. Òó Hala, i lisanin nɔm a bangaa, nɔm Hala nuu!

Condii lisai 22:22

Soli ya yàlàá o lasondo, mà baŋa ya o leela cìíya ha tɛɛn! Se kɛ a cii ya nihau bɛɛ mulul!

2Masaa 4:29

Mí Elise dimul Kehasi aa: «Yiinun yáwlen o caŋ, mà bii tinda nuu o ba, mà kɔɛ. La bɔŋan bɛɛ niaa vannda, yil nda le. Vana yil vɛlɛ nɔm bɛɛ, muli le. A tiiya pɛ, a kɔ keeliaa tindaa poombɔ kalaa o hɔl.»

Hebreea 11:16

Kɛ o kpeekpeiyo nin, a lɛŋnde hiow lɛŋnde len naŋɔɔ len o kɔɔ nda va sɔɛi ni, halataala pɛɛn. Lelan siɛmbula bii Hala le ndu veeloo aa Hala ndaa le, kani mó toosial nda kobio.

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Marke 12:26

Le dɛnɛ vanvílɛ́yaa muungoo yoomu yɛ, la ci o sɛvaa o sɛbɛ Moise-o nin ɲɛ Hala dimul ndu o bɔɔ leyinndo ikɛi-yo le aa: ‹Ya co Hala Abraham-ndo ni, Hala Isaak-o a Hala Yakɔb-o.›