Nsaŋ 20:16 - BII BILA

¹⁶ Mí Yeesu dimul ndu aa: «Mari!» Mó síná ndu, mó veelu ndu aa: «Kɔɔfa!»

Nsaŋ 20:16 Referans Kwoze

Nsaŋ 10:3

Vana co sondo hèéo cumullo-o kumbil ndu dioo, mí saa tuei ndu diomndo. A diola ndalan o veelu saa ndɔa ni, mó soli nda.

Nsaŋ 1:38

Yeesu mulinndo, mó cannun nda hunɔɔ ndu kɔɔli, mó dimul nda aa: «Yɛɛ niaa co yɛ nuwviaa?» Má dimul ndu aa: «Kɔɔfa naa n co nuwviaa ni, kuɛɛ nɛ n co yɛ o yiya?»

Dɛnnda kiilaa 10:3

Paale pilɛ, lɛɛlɛ yàándɔɔ vaa le tiiyaa a paale yɔngannden, mó ca mɛlɛkanɔ Hala-o luɛyɔɔ o ndu lo cɛinin o vundulen nin, mó dimul ndu aa: «Kɔrnɛil.»

Dɛnnda kiilaa 9:4

Mí Sol del lɛŋ, mó tuɛi diomndo pum ndu dimullo aa: «Sol, Sol, le yɛɛ nɛ n co yɛ ya yɛlen tol-lo?»

Nsaŋ 6:25

Má kɔ saalun ndu o dalaa kɔngɔɔ pilɔɔ, má ɲuna ndu aa: «Vana bɛndoo, telen kuɛɛ n tiiya yɛ nanu?»

Esai 43:1

Kɛ sunsun, nuaa Mɛlɛka o cɔw niaa cuavaa-imamaa Yakɔb-a-o, o toosiaa niaa polale Israɛl-ten-ndo dimi ni aa: «La yɔŋ isiòòn te, kani i cii niaa baŋa, i co niaa veeloo a diola niaalan, le ya niaa co ni.

O Kandɔɔ 22:11

O kon mí mɛlɛkanɔ Hala-o veelu ndu coocoo aa: «Abraham sei. Abraham sei.» Mí Abraham cɛl aa «Yòó!»

Nsaŋ 20:28

Mí Tomas mulul ndu aa: «Maalii nuu a Hala nuu!»

Nsaŋ 13:13

La co ya veeloo aa: ‹Vana bɛndoo›, ‹Maalii›, la nɔ dí mì la veelu ya lende, kani ndu ya co ni.

Nsaŋ 11:28

Mɛɛ Marte cii sɔɔn mun dimi, mó kɔa Mari pɔmbɔ ndɔ veelu, mó kɔ dimul ndu tootoo aa: «Vana bɛndoo co nanu, o co nɔm veelu.»

Nsaŋ 5:2

Mɛnndan ma pum ma va o Dio-n'saa ikɛi Yerusalɛm a tongolan tan ŋuɛɛnu, fonda mamɛn kon diolan o hebrei nin aa Betɛsda.

Nsaŋ 3:2

Mó hun o Yeesu lo icɔllo, mó dimul ndu aa: «N sina maa vana pɛɛkaa Hala vem-ndo n co ni, kani vana-vana nɔla kaamaala n co lan tosaa lan tosa le, te o co mì Hala va ndu ikɛi le.»

Nsaŋ 1:49

O kon mí Natanaɛl dimi aa: «Kɔɔfa, nɔm, Po Hala-o n co ni, nɔm co masaa Israɛl ni.»

Luke 10:41

Mí Yeesu mulul ndu aa: «Marte, Marte, a co buulanndo ma va lawvo le dɛnndan taw,

Matie 14:27

Fɔ́ɔ́fɔ̀, mí Yeesu dimul nda aa: «La ɲulul kɔltan, ya ni, siòòŋii bii niaa le!»

Condii kɛndɛ-kɛndɛi 5:2

I va o malɔ, kɛ kɔl nuu va lahɔl. Diom vanapɔnɔ ya kaola-o co dioo lɔɔ nuaa ni. Ndu co dimio nuaa ni aa: ‹Kumbil-la dioo, yemanndo, caan ni laandoo, poonpoon nuu, tivɔnndo caan ni, kumbil-la dioo mbɔ̀! Kani mɔ́mndo kumbu ya bollen mɔku-mɔku, yiiŋii nii yiwnannde lindan lingili a pɔɔpɔɔma deli icɔl-lan.›

Condii kɛndɛ-kɛndɛi 3:4

Mɛɛ ya hiow nda dɔ́ɔ́ ɲɛ-pɔmbɔ, mí komal ndu. O kon, mí bii ndu, i mel lɛ ndu le, háá mí kɔa a ndu o kala nuu lo cɛinin, mí luei ndu o cɛi lɔlaa kala velu ya-o nin.

1Samiɛl 3:10

Mí Mɛlɛka hun sim vɛlɛ o fonda pilɛ kon, mó veelu aa: «Samiɛl! Samiɛl!» Mí Samiɛl muli aa: «Soo, vana nɔm baalaa co nɔm lani.»

1Samiɛl 3:6

Mí Mɛlɛka veelu ndu vɛlɛ veelu diinndɔɔ aa: «Samiɛl!» Mí Samiɛl kɔa vɛlɛ nɛɛ Helii va-a, mó dimul ndu aa: «I hin veelu n veelu ya-o.» Mí Helii mulul ndu aa: «I veelu nɔm te, ponndo! Muungu mà kɔ hini.»

Fulaa 33:17

O kon, mí Mɛlɛka mulul ndu aa: «Le cɔ ya ce nɔm ɲia mí hɛli nɔm-ndo, i cɛl le sɔɛi n dimul-la-e tosaa.»

Fulaa 3:4

Mɛɛ Mɛlɛka ce maa o co sɔɔnguuo le cɔu lapi, mó veelu ndu o bɔɔ nin aa: «Moise! Moise!» Mí Moise cɛl aa: «Yoo!»

O Kandɔɔ 45:12

Niaa pila co cɔu ciŋ, Bɛnyamɛn pɔmbɔ ni bɛɛ co cɔu maa ya Yosɛf co sɔɛi o niaa lo ni.

O Kandɔɔ 22:1

O sɔɔn mun kɔɔli, mí Hala tɔɔndan Abraham, mó veelu ndu aa: «Abraham.» Mí Abraham cɛl aa: «Yòó!»

Marke 10:51

Mí Yeesu ɲuna ndu aa: «Yɛɛ n yeema yɛ mì tosal nɔm?» Mí vana sumɛiyo dimul ndu aa: «Vana bɛndoo, tosa mì ce vɛlɛ maa paandu.»